اجيب منين مجموعة الخامس

**hanysaeid** · 24-04-2009 10:02 PM

يا جماعة محدش يعرف مكان بيبيع مجموعة الخامس والاقيها فين وبكام وهل الاستيراد احسن والا الجديد

**ahmedaliaeg** · 24-04-2009 10:31 PM

الفتيس الاستراد كامل بتجربته ب650 تقريبا
انا شايف انه هيكةن احسن من فك الفتيس

**ahmedsrs** · 24-04-2009 10:36 PM

اعتقد مجموعة الخامس مفيش منها جديد كله استيراد وهى بحوالى 75 جنيه

**zeka127** · 25-04-2009 10:59 AM

يعنى ايه مجموعة الخامس فتيس يعنى 5 نقلات

**samirayad** · 25-04-2009 11:39 AM

المشاركة الأصلية كتبت بواسطة zeka127

يعنى ايه مجموعة الخامس فتيس يعنى 5 نقلات

مجموعة الخامس : يعنى الترسين (القائد والمنقاد جوه الفتيس )......بتوع سرعة النقل على الخامس ........وأعتقد بيجوا بالغويشه بتاعتهم ..........

**zeka127** · 25-04-2009 12:05 PM

المشاركة الأصلية كتبت بواسطة samirayad

مجموعة الخامس : يعنى الترسين (القائد والمنقاد جوه الفتيس )......بتوع سرعة النقل على الخامس ........وأعتقد بيجوا بالغويشه بتاعتهم ..........

يعنى بيزودو من سرعة الغيار الخامس فبيزودو من سرعة العربيه؟ بصراحه مفهمتش

**ahmedaliaeg** · 25-04-2009 12:22 PM

موجدين فى التوفيقيه
انا مره جبتهم & طقم اصلا ح لليجنزا&غوايش
واتكلف بلمصنعيه 2500
وفى الاخر اترمه الفتيس وجنا واحد استيراد ب5000
فخلى بالك فك الفتيس بيبوزه غير قطع الغيار الموجوده
المضروبه
:k26:

**samirayad** · 25-04-2009 01:01 PM

المشاركة الأصلية كتبت بواسطة zeka127

يعنى بيزودو من سرعة الغيار الخامس فبيزودو من سرعة العربيه؟ بصراحه مفهمتش

لا مش ده قصدى........أنا أأقصد الترسين اللى جوه الفتيس بتوع الغيار الخامس تالفين عند أخونا السائل (بسبب كسر فى أسنان تروس التعشيق أو تعويرات معينه نتيجة نقل خطأ مثلا )

_ هو عاوز يغير دول ....ويحط جديد مكانهم ( دول بقه أسمهم مجموعة الخامس )........وبيكون فيه غويشه على الترس المنقاد الخامس هى اللى بتعشق الترس المنقاد (تقريبا اللى بيكون على عمود الدريك .....اللى بيقولوا عليه ) مع الترس القائد للفتيس اللى واخد حركه من العمود اللى راكب على أسطوانة الدبرياش.....وبكده بنأخد السرعه الخامسه من الفتيس المانيوال........وأدى رسمه لفتيس خمس سرعات وعليها الترسين بتوع الخامس اللى مكتوب فوقهم رقم 5 والغويشه بتاعة الخامس والرجوع للخلف باللون البنفسجى وبين رقم 5 وحرف R........................

**samirayad** · 25-04-2009 01:36 PM

_ وأدى توضيح وشرح مبسط لكيفية أخد الحركه للكبالن من الفتيس .....

-الترس الأخضر بالعمود المقطوع ده هو اللى بيأخد حركه من العمود اللى آخره مشرشر وراكب على أسطوانة الدبرياش.....

_الترس الأخضر بينقل حركه بالتعشيق المستمر مع أول ترس شمال راكب على العمود الأحمر .....بمعنى أن العمود الأحمر بتروسه بيدور على طول حتى وأنت ممور الفتيس ......

_ العمود الأحمر ده أسمه العمود القائد للفتيس ......والتروس من 1الى Rبتوع سرعات الفتيس (5 للحركه للأمام وواحد للرجوع للخلف )....وعلى طول شغالين مع المكنه ( حتى وأنت ممور زى ماقولنا قبل كده ).....

_ اللى بيحدد أنت حتمشى على أى سرعه (الأول أو التانى وهكذا )......هما التروس السته الزرق اللى على العمود الأصفر ( وده تقرييا اللى بيسموه عمود الدريك على ما أعتقد ) ....كل واحد مع زميله من تحت (على فكره العمود الأصفرده أسمه العلمى ....العمود المنقاد للفتيس لأن اللى بيقوده تروس العمود الأحمر ).......

_ فيه حاجه كمان عاوز أقولها ......العمود المنقاد (بيكون راكب عليه 3 غوايش (البنفسجى فى الشكل )......

أول غويشه بنفسجى شمال بين التروس المنقاده 1&2 علشان تختار بيها يا السرعه 1 أو السرعه 2

_ تانى غويشه بنفسجى وأنت رايح يمين لأختيار السرعه 3 أو 4

_ تالت غويشه بنفسجى (اللى فى اليمين ) لأختيار السرعه الخامسه أو سرعة الرجوع للخلف........

_ على فكره ده أجتهاد فى التحليل من عندى ......من خلال الفهم النظرى ولم أحل فتيس من قبل ......ولكن حبيت أقول على اللى عندى.......وللزملاء أبداء الرأى وتصحيح ماوقع منى سهوا أن وجدت أضافه..................أشكرك

**ads** · 28-04-2009 10:00 AM