الموضوع: جين 2 كيف وقعت فى حبها ولماذا اشتريتها

أولا أحب أشكر الاستاذ أحمد على الموضوع المميز و أحب أشكر السادة الأفاضل أخواني البروتونيين على المشاركة الجميلة .

1- هل كنت تنوى شراء الجين 2 فى البداية ام كانت هناك سيارة اخرى ثم غيرت رايك

مكنش فيه حاجة في المقارنة و العربية عجبتني جدا ...... و خلصت فيها على طول من غير دوشة الأسئلة الكتير و اتكلت على الله

2- هل اثر موقع نايل موتورز على تغيير قرارك للجين 2

لم يؤثر لأني كنت خلاص حجزت و متأكد من قراري و لكني سألت سؤال بسيط على ما أتذكر الأخوة الأفاضل مثل الأستاذ محمد الحسيني و الأخ الكريم فهد ...... على السيارة و الأخ فهد كان حاطط فيديو للجين 2 بجد رائع و عجبني جدا و قعدت أتفرجت عليه و كمان حببني في العربية أكتر ما أنا كنت عاشقها ..... بس أنا أصلا كنت واخد القرار و خلاص و كنت ناوي على الشراء و الحمد لله و بأشكر الأخ الكريم فهد اللي خان البروتونيين و أشترى هيونداي أنا بهزر طبعا ....... و بأشكر الأخ محمد الحسيني و على موضوعه المثبت في قسم البروتون اللي قرأته برضه و ثبت رأيي على الجين 2
3 - ما هى السيارة التى كنت تريد شرائها قبل تغيير رايك

مكنش فيه عربية في المقارنة جينا خطفت قلبي من أول وهلة
4- ماهى نقاط المقارنة الاهم بين السيارتين التى درستها قبل قرار شرائك الجين 2
هو مكنش فيه مقارنة بين عربية تانية قوي يعني بالمعنى .
و لكن الجين 2 شكل خرافي ثوري خصوصا من سنتين مكنش فيه منافسين على المستوى الشكلي .
ثانيا الثبات و القوة الخاصة بالسيارة و قوة تحملها ... خصوصا أنها مع أصحاب لي مطلعين عينها و شغاله مش بتقول لاءة .

5- ماهى النقاط التى تفوقت فيها الجين 2 عن السيارة الاخرى
جاوبت في رقم 4 فوق

6- ماهى النقاط التى تفوقت فيها السيارة الاخرى عن الجين 2
لو قلنا عموما هايكون الأسم التجاري اللي مشهور في مصر من سنتين كدا .... ده كان نقطة الضعف الوحيدة في أي مقارنة خصوصا الناس المتمسكين بالأسماء التجارية الرنانة و لكن بروتون دلوقتي ليها أسم معقول قوي في السوق المصري خصوصا .
7- كيف اتخدت قرار شراء الجين 2 بعد المقارنة هل بحكم عام جميع نقاط المقارنة ام لانك رجحت ميزة معينة فى جين 2 مثل الثبات مثلا ولم تهتم بباقى عناصر المقارنة

أاهم أسباب اتخاذ القرار و بكل صراحة
الشكل
الثبات
الكماليات
السعر
علشان هي مع بعض أصحابي و كنت جربتها على خفيف قبل ما أشتري
8- بعد شرائك للسيارة وتجربتها هل فعلا كانت المزايا التى اشتريتها من اجلها كما كنت تتخيل وكم كانت نسبة رضائك عن السيارة

أول 1000 كم مكنتش راضي قوي بس قلت أستنى أخلص تليين و أبدأ أحكم على الأداء لأن الموتور كان مخنوق سنة بسيطة في الأول
بعد أول 2000 كم الأداء أتغير تماما و العربية بدأت تزداد قوة و تزداد في السحب .
و كنت راضي عموما و أزداد حبي ليها بطريقة بشعة بعد أول عشرة ألاف كم
العربية أصبحت أنعم بكتير ....... و السحب أصبح أكثر من ممتاز ....... و الحمد لله مفيش أي مشاكل ظهرت معايا نهائيا .
و معجب جدا بكل حاجة فيها ....... الفرامل قوية و بتسعف في المواقف اللي بتحتاج فيها الفرامل ...... الكماليات مريحة لقائد السيارة .....
و أقدر أقول نسبة رضائي عنها 100 %

9- ماهى اكثر ميزة عشقتها فى مزايا السيارة

الثبات و التحكم في العربية عاليين قوي و الكماليات أيضا

10 - ماهو اكثر عيب تكرهه فى السيارة وتتمنى ازالته فى الموديل القادم
هو أنا معنديش عيوب بالمعنى المفهوم بس علشان فيه أخوة كتير أشتكوا من عيوب تقفيل فأنا أتمنى أن التقفيل يزداد جودة

11- ما هو اكثر ميزة تتمنى ان تضاف فى الموديل القادم للسيارة

ياريت يعبرونا في مصر بالموتور الجديد الكامبروا سي بي اس ابو 127 حصان .
12 - هل لو عاد بك الزمان مرة اخرى هل تود شرائها مرة اخرى ام ستختار السيارة الاخرى

جينا جينا جينا ........ بعد تجربتها و أمتلاكها ........ لو أشتريت لا يمكن أنزل عن عربية في ثباتها .
13- اخيرا ماهى النصيحة التى تود ان تنصح بها اى شخص قبل شرائه السيارة
التدقيق و التمحيص عند الأستلام .
المتابعة الدورية لصيانة العربية علشان مفيش أي مشكلة تتفاقم بسبب أهمالها .


ارجو ان يكون الموضوع فيه فائدة كبيرة لكل من ينوى شراء الساحرة حيث سيجد فيه ملخص مهم لكل الاسئلة التى قد تدور فى مخيلته قبل شراء الجين 2 والاهم انه سيكون من واقع تجربة حقيقية لاصحاب السيارة خاصة عندما يكون واقع فى حيرة بينها وبين اى سيارة اخرى او يكون اشد الحاجة لاى معلومة قد تؤثر على قراره واخيرا ادعولى ان اكون من اصحاب الجميلة قريبا وشكرا

إن شاء الله يكون ذو فائدة بإذن الله تعالى

المشاركة الأصلية كتبت بواسطة ahmedfathy77

ايه يا اخوانا مكنتش اعرف ان الجيناوية بخلا كده محدش عاوز يفيدنا بخبراته ولا ايه

يا شباب انا خت قرار انى اكون جن تاوى وحجزت خلاص بس لى سؤال برى ايه الفرق بينها وبين البرسونا انا واخد بالى ان الشكل والمضمون واحد الفرق فى الاسم فقط ولو حد عنده معلومة يزود

المشاركة الأصلية كتبت بواسطة أبــوحبيبه ونور

يا شباب انا خت قرار انى اكون جن تاوى وحجزت خلاص بس لى سؤال برى ايه الفرق بينها وبين البرسونا انا واخد بالى ان الشكل والمضمون واحد الفرق فى الاسم فقط ولو حد عنده معلومة يزود

مبــــــــــروك الحجز ... وتستلم على الف خير ان شاء الله

----

الفرق الجوهرى بين الجينا والبيرسونــــا >>> الشنطـــه , لون الفرش الداخلى , ان البيرسونا فيها فئات , اختلاف بسيط فى الشكل من قدام .



ودا موضوع عن الجينـــا والبيرسونا ... هنـــــــا


----

مبـــــــــــــــــــروك

واحنا تحت امرك فى اى استفســـــــــار

تحيــــــــــــــاتــــــ ــى

المشاركة الأصلية كتبت بواسطة ayman_52

واحنا تحت امرك فى اى استفســـــــــار

تحيــــــــــــــاتــــــ ــى

ياباشا كفاية ردك الجميل والبداية العظيمة للاخوة البرتويين وانا سعيد جدا بالانضمام للاسرة البروتونيه

المشاركة الأصلية كتبت بواسطة أبــوحبيبه ونور

ياباشا كفاية ردك الجميل والبداية العظيمة للاخوة البرتويين وانا سعيد جدا بالانضمام للاسرة البروتونيه

احنــــــا تحت امر حضرتـك فى اى استفســــــــار

واهلا بحضــرتــك فى - الجمـاهيـريــه البروتونــاويــه -

تحيـــــــــــــــــــاتـ ـــــى