السلام عليكم يا شباب المنتدى الكرام ، عندي سؤال من فضلكم
هو فيه حد بيبيع أو واخد توكيل سماعات انفنتي infinity في مصر ؟
عرض للطباعة
السلام عليكم يا شباب المنتدى الكرام ، عندي سؤال من فضلكم
هو فيه حد بيبيع أو واخد توكيل سماعات انفنتي infinity في مصر ؟
معتقدش لانها مش واخدة سمعة فى مصر و اللى عايزها بيجيبها معاة من برة.
الشعب بيجرى ورا السمعة مش ورا الجودة, عندك بردة الJBL نادرة جدا فى مصر و الBlaupunkt بردة.
لو سألت اى حد هيقولك Bioneer بحرف الB و بس.
انا بحب الAlpine و الJBL جدا و من احسن الانواع بصراحة.
لو هتجيب Alpine من برة اتاكد انها 4 ohm مش 2 ohm عشان مفيش هنا فى مصر headunits او amplifier كتير بيعمل support لل2 ohm.
معاك حق فعلاً الناس هنا كلها ماشية على السمعة و التعود مش على حسب جودة المنتج ، و يمكن دة برضه سببه إن الحاجات دي أغلى من اللي الناس متعودة عليه .
بس أنا كنت بسأل عشان يمكن ألاقي حد يعرف انها موجودة في مكان ما حتى لو نادرة ، أنا فاكر إن العجيل زمان كان جايب حاجات infinity و JBL بس مش عارف دلوقتي ممكن ألاقي حاجات من دي عند مين ، عشان كدة قلت أدوار قبل ما اطلب من برة
شكراً يا باشا على التواصل و يجعله عامر :)
مش في السماعات بس والله دا في كل حاجة
أهلاااااااااااان ليك وحشة ياباشا
الباين تحفة وبرة بيفضلوها عن الإنفينيتى والجى بى ال
على فكرة الباين مانزلتش 2 اوم حسب معلوماتى غالبا
انفينتى كابا وبيرفكت و شوية تويترات جى بى إل
2 اوم و4 اوم شغالين على الهيديونيت والأمبليفايرات النظيفة مشكلتهم بس هى انك توصل سماعة تانية او تويتر
أيوة يا هشام باشا بس دة component ، يعني فوق وزن السماعات إلي هو أصلاً كبير عشان مغناطيس الووفر ، كمان في وزن ال-cross-over ، و دة لوحده شغلانة عشان فيه ملفات و ساعات بتكون على قلب حديد و كمان فيه مكثفات كبيرة يعني بيوزن
يعني كل ما الجودة هتزيد الوزن هيزيد ، بس بصراحة ال-component system يستاهل كل مليم يندفع فيه.
السماعات العادية بطلت خلاص كل الشركات بتنول كومبوننت
والغريب ان احنا ماشين عكس الناس هنا يقول طقم سماعات 6 فى 9 ورا وخلاص برة يقول طقم سماعات فى الأبواب ادام وصب ورا وخلاص
الناس التقيلة هى اللى شغالة على نظام DIY
ودول غالبا بيعموا أنظمة 3-way مش 2-way
ياللا سمعت ان كلاريون هينزل الباين كومبوننت قريب