بلاد بتتقدم وبلاد بترجع للعصر الحجرى ..!

**human** · 25-04-2009 12:13 PM

المشاركة الأصلية كتبت بواسطة tutankhamoun

المصري .............هو اللي بيرمي الزبالة من عربيته و هو ماشي .
المصري هو اللي بيشغل الأغاني على أخرها و لو جاره أشتكى بيسمع ما لا يحب .
المصري هو اللي بيمشي يطوح بالعربية في وسط الشارع زي السكران .
المصري هو اللي بيركن بمزاجه و ملوش دعوة بخطوط الركن .
المصري هو أجدع واحد تسمع منه .... أنت مش عارف أنت بتكلم مين ؟؟؟
المصري هو اللي خرب مصر من الأخر .

هي الحكومة دي مش مصريين .......... و لا أحنا أستوردناهم من برة مصر
الحكومة مصريين .......... و الشعب مصريين .
بس أنتهى الحوار على كدا .
.

بص يا عزيزى انت فاكر ان البدوى اللى انت شايفه راكب افخر السيارات ده كان مولود بينام فى برج؟
ده كان بينام فى خيمه و لا يعرف من الاتزام شئ و معظمهم من اخشن الناس فى التعامل و اكثرهم غلظه و انحراف سلوكى

الفكره كلها فى ايمان اشخاص بانهم يفعلون الصواب لتصحيح مجتمع بالكامل و يضعوا حدود للثواب و العقاب تطبق على الجميع
لو انت عارف ان الوزير لو ركن مخالف هيتدب مخالفه زيه زيك ساعتها هتلتزم انت كمان و حتى اصغر واحد
بس غياب العدل هو اللى ادى للى احنا فيه غياب ناس توؤمن بانها تستطيع الاتزام بالقوانين او الزام الكبير قبل الصغير

مصر دلوقتى عباره عن سبوبه كبيره كل واحد بيوضبها لمصلحته بتوع العربيات يوضوبوا قوانين للعربيات عشات ينهبوا اكبر نهب و بتوع البناء يوضبوا قوانين عشان ينهبوا و هكذا الحال ماشى

**Terrible_DaRsH** · 25-04-2009 12:48 PM

المشاركة الأصلية كتبت بواسطة human12

تخيل يا عزيزى درش من 60 سنه كنا بنبعت الكسوه بتاعه الكعبه للسعوديه
دلوقتى بنستورد منهم لبن و بسكوت و بامبرز و دوا و بيشحتونا قمح
احنا بنستورد بسكوت من اليمن يا درش متخيل الموضوع ده!

وزى ماقال توت المشكله بقت فى الشخصيه المصريه
انت ماتقدرش تفهم احنا فينا ايه غلط اول مالواحد يخش مصر ينسى اى التزام
بره مصر تلاقيه فله بس دخله الاجواء المصريه يتحول الى كائن منزوع الحضاره و الاتزام

يا حبيبى احنا حتى كدوله احلامنا بقت ضيقه

ارحمنا يا رب

اللى يحرق دمك بقي يا عم طارق .

انك تلاقى الناس لا مبالاة لها و بيتكلموا بجهل رهيب .

لما تقول الكلام ده لاى واحد مهما كان هتسمع منه الاجابة المتوقعة .
( مصر ربنا ذكرها فى القران و كمان احنا عندنا حضارة 7000 سنة وعندنا النيل والاهرامات ) انت بتتكلم فى ايـــــــه يا عم !!

الناس مش عارفة العالم ماشي ازاى و لا ايه اللى بيحصل اصلا بره .

كل شيء فى حياتنا بقي مستورد . ( ملابس _ عربيات _ اجهزة الكترونية _ اجهزة منزلية _معدات الــــــــــــخ ).

- مرة كنت فى محل ملابس و اخترت تى شيرت فسالت عليه فلاقيت الرجل تلقائي بيقولى على فكرة ده ايطالى فقلت له مش هتفرق والله المهم الخامة .
قالى لالا ازاى !! انت هتقارن الايطالى بالمصرى المعفن !!

مردتش اضيع معاه وقتى و انا عارف ان النتيجة واحدة ..

و بص المشاركة دى من واحد سعودى فى منتدى سعودى .

كان واحد حاطط صور لعربيات مصرية متظبطة فواحد رد عليه بيقوله حلوة بس اول مرة اعرف ان شباب مصر بيعدلوا .

شوف اللى كنا بنركب مرسيدس و عندنا اول توكيل وهما كانوا بيركبوا جمال دلوقتى بيقولوا ايه !!

**wesam_salom** · 25-04-2009 01:04 PM

المشاركة الأصلية كتبت بواسطة draonx

الخليج عبارة عن فلوس انما من الناحية الفردية (التفكير-العمل-العقل-الذكاء) المصريين افضل بمراحل و المواطن المصرى مغلوب على امره و التنمية و التخطيط و التطوير مسئولية فئة معينة متحكمة فى البلد و الوضع الحالى مناسب جدا لمصالحهاا لشخصية
و فى الاول و الاخر ربنا لو شايف اننا نستحق اكتر من كده كان فتحها علينا من حيث لا نحتسب
والافضل انك متفكرش فى الحاجات دى كتير علشان متتعبش دماغك على الفاضى لان فى حاجات المفروض انها تحصل و تكون موجودة لانها ببساطة من المتطلبات الاساسية للحياة انما هنعمل ايه و ربنا يرحمنا

دى اشاعه احنا اللى بنضحك بيها على نفسنا

لما تسافر بره هتعرف اننا كان مضحوك علينا فى مصر

وهتلاقى الهندى متعلم احسن من المصرى وبيشتغل احسن بكتير

مش هتكلم عن العرب

**mohmd76** · 25-04-2009 01:50 PM

ماسورة مياة مكسورة منذ 5ايام واتصالات وشكاوى ولا حياة لمن تنادى فى شارع رئيسى وحيوى
لم احد يحضر الا لما ذهب ثلاثه افراد من الشارع وهددوا بابلاغ الشرطة على هذا التسيب والاهمال

**MTAK** · 25-04-2009 02:18 PM

المصرى هايفضل مصرى
مياه الصرف راوياه
و انعرته على الخلق جواه
و كسله فى الشغل واخده معاه
و فى دماغه كل الخلايق حباه
و لما تشوفه, واجب تقف له انتباه
و عجبى...............................
-----------
طبعا لا اختلف مع من سبقونى من الاخوة الكرام فى كل ما قالوه
و لكن كما ادعو
نرجو الا يتحول الموضوع لجلد الذات
يا ريت نبص له من منظور مختلف
نبدأ بأنفسنا و حتى لو كنا كقشه فى بحر الظلمات
اكيد القشه فى يوم هاتوصل للشط او القاع
المهم مش هاتفضل متعلقه فى البحر ورايحه و جايه مع الموج طول عمرها.
----------
فى مثل مشابه
بما انى من ذوات الوزن الخفيف :)
سهل اوى الواحد يتخن فى وقت قليل جدا
و لكن عندما يريد ان يزيل ما اكتسبه
طبعا الوقت اطول بكتييييييييييييييييييير و حتى ان كان عندك عزيمه جامده
بأى حال من الاحوال لن تكون مدة امتلاء الجسم

احنا برضه كدا
ما اكتسبناه انما اكتسبناه على فترات طويله
مش بين يوم و ليله
فطبيعى التغيير هايبقى مدته طويله برضه
المهم نبدأ نفكر فى اننا نتغير
مش مهم الحال يتعدل الجيل ده
و لا جيل اولادنا

انما الاكيد اذا بدأنا النهارده
جيل احفادنا هايبقى احسن مننا
-------------
وجهة نظر

**zobaaa** · 25-04-2009 05:20 PM

يا جماعه معلومات يمكن محدش عرف عنها حاجه قبل كده

القاهره اجمل مدينه فحو البحر المتوسط عام 1926

القاهره من اجمل 5 مدن فالعالم كزا مره لغاية سنة 1952

نقطه وانتهى الكلام