مشكلة فى سحب العربية وتقطيععلى الغيار التانى والتالت...........
انا يا جماعة انبارح كنت مسافر القاهرة وانا على الصحراوى العربية بتيجى مرة واحدة وملاقيش سحب يعنى مثلا ابقى ماشى عادى والعربية بتجمع الاقى مرة واحدةة السحب قل والامبير مثلا ثبت على 120 تفضل ماشية شوية وبعدين تبتدى تسحب مرة تانية وتعمل نفس الحوار ولما اجى اهدى عشان التحويلات الى على الصحراوى اجى اشبع الاول واديها التانى وهية فى نص الغيار تقطع شوية واديها التالت بردو شوية وتقطع انا مش عارف الحوار دة من اية شوية تسحب وشوية لا انا اتصورت رادار 3مرات وانا رايح القاهرة على سرعة 150 و160 يعنى العربية بتجرى بس بمزاج حضرتها
باليل بقى وانا راجع ظهر حاجة تانية ريحة عادم جوة العربية هو مش دخان ريحة بس ياترى دة لية علاقة بالموضوع ولا دى حاجة تانية
انا اول لما وقفت فى الماستر قولت اشوف العادم بتاع العربية عشان كان قبل كدة عندى مشكلة فى التكيهات وكان فية تاكية مش شغال وكان بيطلع عادم مهبب ولما ظبتة العادم بقى طبيعى فخليت والدى يزود بنزين واحنا واقفين عشان ابص على العادم لقيتة طبيعى جدا عادى مفهوش مشكلة
انا سئلت واحد صحبى على حوار ريحة العادم قالى هتلاقى العربية شرقت منك ولا حاجة وواحد تانى قالى الريحة دى ممكن تطلع من عند الفتيس وانا عندى جلدة الفتيس فيها قطع صغير هل ممكن دة يكون السبب
انا اسف للاطالة بس حبيت افهم منكم اية الحوارات دية انا لما كنت عند الميكانيكى اخر مرة كان بيظبت حاجات وقالى يبقى جرب العربية ولو لقيت حاجة مش مظبوطة يبقى تعلالى تانى اصلة كان طالع كوريا ياخد دورة فى ميكانيكا الكورى وانا مكنتش فاضى عشان ظروف شغلى
ارجو الافادة من اعضاء المنتدى الخبرة وشكرا
