أسعار تغيير الشداد + بطاحة المساعد + المساعد - ميجان

**renault monster** · 25-04-2009 02:00 PM

بعد ترتيب دام لمدة اسبوع انا واصدقاء عملي قررنا اننا نسافر الدمام نغير جو يومين

واليوم ده المفروض كان يوم الخميس الي فات

خرجت من الشغل مبسوط ورحت عند صاحبي وأول ما وقفت بالعربية :/

سمعت صوت خبطة في الموتور واشتغلت علامة Stop

طبعا طفيت العربية بسرعه ونزلت فتحت الكبوت ولقيت السير مفكوك والبكره بتاعت الموتور مش موجوده ..... دورت عليها مالقيتهاش

شغلت العربيه اشتغلت واللمبة طفت ... الحمد لله انه كان فيه ميكانيكي قريب والحمد لله برضو انه شخص بيفهم في الرينو جدااااا

وقفتها عنده ورحت عند (التشليح) "دول بيشترو العربيات المخبوطه وبيبيعوها قطع غيار" واشتريت منه الآتي (البكره + كرسي المساعد اليمين + كرسي مساعد شمال + مساعد شمال) كل ده وقف عليا ب 550 ريال مع اني سألت عن كرسي المساعد الواحد ب 890 ريال في التوكيل و البكره ب 740 ريال و المساعد ب 853 ريال
دي اسعار التوكيل هناااااا

انا جبت الحاجات دي علشان الي عندي خلاص شويه وهتبوظ

المهم انا جبت قطع الغيار دي من عربية مش ماشية كتير وبحاله فوووق الممتازه وبسعر ممتاز ممتاز ممتاز

ايه رأيكو يا وحوووووووووش مقارنتا ً بأسعار قطع الغيار في مصر؟؟

وبالمره عايز أسألكم عن حاجه،،،،، انا اتفقت اني اخد السي دي بتاع العربيه الي عنده وابدله بالكاست بتاعي وبعد ما قعدت معاه وكسرت راسه في السعر رضي انه يديهولي ب 100 ريال بس السؤال هنا اذا ؤكبته على عربيتي التحكم بتاع الدركسيون هيشتغل ولا لا؟
وهل لازم أخد أي أسلاك مع الكاسيت ولا مش لازم؟؟

وشكرا ليكو يا وحوووووش

**renault monster** · 25-04-2009 02:23 PM

* ملاحظة: البكرة ( الشداد)

**Ahmed Selim** · 25-04-2009 05:11 PM

أزيك يا باشا

معلش قدر الله و ما شاء فعل

عاوز بس شوية أستفسارات منك

الشداد ده بتاع أيه ؟؟؟
سير أيه اللى مش لاقيه ؟؟
يعنى أيه كرسى المساعد ؟

أنت العربية بتاعتك زيرو ولا مستعملة و لو مستعملة كانت ماشية كام ؟؟؟

**renault monster** · 26-04-2009 11:35 PM

احمد باشا ازيك

بكرة الشداد او الشداد هو ده

انما يا باشا كرسي المساعد

هو ده

معلش يا باشا معرفش اسمه في مصر ايه

انا اشتريت العربية ماشيه 70 الف

وبالنسبه للسير هو ما اتفكش بس لما البكره دي اتفكت السير حل شويه المهم انه وصلني لحد الورشة

شاااااااااتووووووووو

يا باشا الكاسيت انا لسه ما جبتوش بس في اقرب وقت افضى فيه هجيبه وردك ده هو الي انا مستنية قبل ما اشتريه

عموما هو راكب في ميجان 2007 وبحاله حلوه جدا ووافق اني ابقى اشتريه بالسعر ده بعد فصال نص ساعه ورضي اني ابدله بالكاست بتاعي

ربنا يسهل ان شاء الله

والف شكر على مروركم الجمييييييل

**renault monster** · 27-04-2009 05:05 PM

الشداد باظ عندي لما كانت بتمطر من فتره الشوارع كانت غرقانه ومشيت في شارع مليان ميه وصلت لحد الكبوت

ومن يومها طلع صوت البكره وبعد فتره اتفكت

خلو بالكم يا وحوووش من المطر

العربية بتمشي في الميه زي الحلاوة بس بعدين بتأثر عالعربية

**Ahmed Selim** · 27-04-2009 07:32 PM

كرسى المساعد = بطاحة المساعد

**renault monster** · 28-04-2009 10:25 AM

وبالنسبه للسير هو ما اتفكش بس لما البكره دي اتفكت السير حل شويه المهم انه وصلني لحد الورشة

وبالنسبه للكاسيت

فيييييين ايييييييييييمن

**ashour100** · 30-04-2009 01:37 AM

السلام عليكم
استاذ مونستر هو فيه قطع غيار ميجان في تشليح الدمام؟!
وياترى الميكانيكي اللي صلحلك العربية كويس واسعاره كويسة ولا ايه؟

وشكرا

-

-

الموضوع: أسعار تغيير الشداد + بطاحة المساعد + المساعد - ميجان

LinkBack

أدوات الموضوع

عرض

أسعار تغيير الشداد + بطاحة المساعد + المساعد - ميجان - انشر الموضوع فى :

-

-

-

-

-

-

المواضيع المتشابهه

بطاحة المساعد

تغيير المساعد

المساعد الشمال اعلى من المساعد اليمين فى خطر او مشكله

المساعد

المساعد ولا صوت حكه

الكلمات الدلالية لهذا الموضوع

المفضلات

المفضلات

ضوابط المشاركة