انا سألت عند جابر عبد الشهيد تاني, و لقيتهم فعلا غيروا مواصفات الهاي لاين بس عن الأول علشان يقدروا ينافسوا الوكي
دي يا شباب الورقتين اللي فيهم مواصفات الهاي لاين الخليجيى و بتاعة الوكيل
الخطوط الحمراء في الصورة الثانية هي المواصفات اللي مش موجودة في سيارة الوكيل (دي بقلم الأستاذ جابر عبد الشهيد بنفسه) ....
و المرايات الحرارية مش موجودة في عربية الوكيل مع انه كاتب انها موجودة ....
أولا : مواصفات الوكيل :
http://www5.0zz0.com/2009/05/20/00/764543832.jpg
ثانيا : مواصفات سيارة جابر عبدالشهيد :
http://www5.0zz0.com/2009/05/20/00/716388316.jpg
سعر الهاي لاين عند جابر عبد الشهيد 134 الف
و بيقول ان الوكيل صعب يستمر في سعر الهاي لاين كده لأنها تبقى مش واقفه عليه بمكسب يستاهل
و "بيقول" انه اللي حاجز دلوقتي حاجز موديل 2009 و لما العربيات تيجي في اكتوبر هاتكون 2010 و هاتكون العربية انتشرت و اتعرفت قيمتها و ساعتها اللي حاجز مش هايلاقي 2009 ...هايلاقي بس 2010 و معاها فرق في السعر ....
انا لن أعلق على ما قاله الأستاذ جابر و لكن أنقله لكم لمعرفة رأيكم
ادعولي العربية توصل بقى ...
و بكره هاقوللوكو على مكالمة كوميدية للوكيل
جزاك الله كل الخير استاذ أحمد... بس برده مش فاهم ... يعني التوكيل هيضطر يزود سعر الهاي لاين للحاجزين ويسلمهم بسعر تاني علشان زيادة المكسب...
ولا لما يسلم مثلا على شهر 7 يكون 2010في الطريق ويزود السعر عليها وايه حكاية المرايات الحرارية اللي مش موجودة في التوكيل...ازاي وفي ناس كتير استلموها من التوكيل وموجودة....
وتسلم ايدك وربنا يباركلك ويجزيك كل الخير وتستلمها وتتمتع بيها ...
انا ماعنديش أي توقع لأسعار الوكيل لأني ماعنديش اي معلومة عن اللي ممكن يحصل ...اللي مكتوب فوق ده (كلام الأستاذ جابر عبد الشهيد) و انا فقط باذكره لا اصدقه ولا أكذبه ومش فاهم زيي زيك :whtauwant:
موضوع المرايات السخانات ..انا ما شوفتش بعيني عربية الوكيل فيها ولا لأ ...بس لو حضرتك تعرف حد عنده السخانات في الهاي لاين يبقى انا المعلومة اللي وصلتني غلط ... و أعتذر عن ذكرها بدون التيقن بس ياريت حضرتك تقطع الشك ده ...
ادعيلي ربنا يكرمنا بقى ...لحسن انا عملت مفتاح فخار و بافتح بيه باب الفرن دلوقتي ..ومش راضي يفتح
السلام عليكم
ايه يا استاذ احمد المفتاخ الجميل ده , انت راى انك تصمم مفاتيح فخار و بعد كده تصمم عربيات فخار و تبيع التصاميم بتاعتك , و الله شكله جميل اوى و متقن :hlopaet_prv:
زي ما قلتلك من قبل هما رفعوا مواصفات الهاي لاين, و شكرا علي الإهتمام :)
شد حيلك انت بقي علشان انا خلاص مش هتابع الموضوع ده اوي دلوقتي :)
أما بخصوص الموديلات، فالوكيل فعلاً هيسلمكو ٢٠٠٩ علشان انتو حاجزين كدا، لكن حتى لو سعر العربية اترفع انشاء الله بأت بمليون جنيه الوكيل ملتزم إن يسلمك وبالسعر إلي اتفقت عليه،
انتو بنكو ورق، وبتوع جهاز حماية المستهلك وجهاز المدعي الإشتراكي ممكن يقفل الشركة و يصفيها في حالة زي دي(مع احترامي لجهاز المدعي الإشتراكي لما بقى تبع الجهاز المركزي للمحاسبات فكرني بالأسد لما يعجز......)
طبعا أستاذ أحمد مع احترامي لكلام حضرتك وكلام الحج جابر عبد الشهيد ...بس هوة الفرق اللي حضرتك قولت عليه ما بين التوكيل والخليجي في بعض الأخطاء ده من خلال مقارنتي بالعين المجردة ما بينهم الاتنين
يعني حضرتك قلت ان الخليجي بتزيد السيدي 6 تشانجر والشكمان الكروم البارز والدواسات للفرامل والبنزين نيكل في الخلجي عكس التوكيل الدواسات كوتش
وبالمعاينة طلع انه العكس هوة الصحيح بس حضرتك الكلام ده للخليجي في الفئة اللي مش الهاي لاين ولا حتى التوكيل...
عموما انا كنت لاقط كم صورة للخليجي من أحد المعارض وصور البشمهندس غازي وضحت برضة الكثير مع انها كانت ضلمة شوية بس قدرت ان ابينها برده
ده بخصوص الشكمان الكروم في عربية البشمهندس غازي
http://www.e7trf.com/files/54930.jpg
ودي العربية من ورا خليجي ومش باين منها حاجة ...
http://www.e7trf.com/files/54926.jpg
ودي صورة الدواسات البنزين والفرامل في عربية البشمهندس غازي برضه والواضح انها نيكل مش كاوتش
http://www.e7trf.com/files/54928.jpg
على عكس الخليجي الواضح انها كوتش ودي صورتها
http://www.e7trf.com/files/54929.jpg
طبعا الصور الخليجي دي انا كنت مصورها من زمان من أحد المعارض ومش عارف هل تختلف عن اللي عند الحج جابر ولا لأ... وبصراحة الفرق بس زي ما حضرتك قلت هيكون في المرايا ذاتية التعتيم والله أعلم هتكون موجودة ولا لأ.... ومش عارف هل يكون الحج جابر بيجيب الخليجي بمواصفات خاصة غير دي ولا ايه نظامه...
عموما هي مش هتفرق كتيير لأنه طالما التوكيل طلع نفس الخليجي وطلع مفيش فرق ده حتى انه زياده عن الخليجي يبقى أكيد التوكيل أفضل...
والله اعلم ممكن التجار يكونوا غيروا المواصفات لأن الصور دي قديمة أول ما النيو سيراتو نزلت بس برده التوكيل جاب كل المواصفات التي أغفلها الخليجي أول مرة...
بصراحة انا انصح حضرتك تفكر تاني في موضوع الخليجي والأفضل أكتر ان حضرتك تستنى لغاية ما الهاي لاين بتاعة التوكيل تنزل ساعتها حضرتك تقرر أي واحدة فيهم الأفضل وبعدين هانت...
لأن برده المبلغ اللي حضرتك هتدفعة كتيير مش قليل ... فحرام تدفعه وبعدين التوكيل يوزع امكانيات اعلى وبسعر اقل ... ساعتها أكيد حضرتك هتزعل وتضايق...
وموضوع موديل السيارة بصراحة مش فارق 2009 من 2015 حتى.... طالما العربية هتنزل نفس الكماليات ونفس الشكل مفيش تغيير بالعكس أنا هكسب فرق السعر بين الموديلين لأني انا عاوز عربية اركبها واتمتع بيها مش اتفاخر بموديلها...
وعموما ربنا يوفقك لكل خير ويهديك الى الطريق الصواب وبرده ما تنساش صلاة الاستخارة...
ملحوظة ...طبعا لبشمهندس غازي احنا اسفين اننا لعبنا في الصور بس ده علشان التوضيح ما بين العربيتين (الخليجي والتوكيل)
أسف على الاطالة...
تقبلوا تحياتي...
نسيت أقول لحضرتك ...انه مع احترامي لكلام الحج جابر عبد الشهيد والبروشيرات بتاعته ... الا انه للأسف يفتقر الى المصداقية وعدم التحري بدليل انه حذف لحضرتك كماليات ضمن التوكيل على انها عنده بس ... حتى لو لم يكن له بها علم ... بس برده لازم يكون عنده مصداقية... يعني بصراحة حاسس كدة انه تدبيس للزبون واستغلال تأخير التوكيل في التسليم...انه يشوه سمعته أو انه يبيع قبل ما التوكيل ياخد حيزه في السوق بعد كم شهر...
من جهة أخرى البروشور بتاع التوكيل من أول ما نزل وهوة مظبوط لا في زياده ولا نقص بشهادة الأخوة الاعضاء
حتى لما الجماعة قالوا انها فيها نظام ثبات اليكتروني ...التوكيل ما نزلهاش في البروشرات بتاعة العربية...
يعني كان من الأول عنده مصداقية في التعامل مع العملاء وذلك ايضا بإشادة البشمهندس غازي اللي راح التوكيل وشكر فيهم وفي مصداقيتهم...
عموما الواحد مش كل سنة بيغير عربية ضمن الظروف الراهنة في تلك البلد... علشان كدة الواحد بيشتري دماغه وياخد ضمان 5 سنوات واسمه على الأقل من التوكيل...يعني اي حاجة هوة ملزم بيها لو لا قدر الله عيب صناعة ولا حاجة...
مش تاجر يديني ضمان سنتين وبعدين ادور على صيانة في اي مكان خارج التوكيل
وبعدين انا سألت عن ضمان الخليجي أكتر من واحد ...قالولي مفيش... ومش عارف هوة منين جاب الضمان ده على التوكيل وان العربية هتدخل التوكيل صيانة كدة...يعني هل التوكيل حابب ان تجار الخليجي ينافسوه ومع ذلك يقوم كمان بصيانة عربياتهم...
انا رأيي المتواضع ان خمس سنوات فترة كويسة جدا الوحد ينام فيها وهوة مطمئن وفي خلالها يعمل اللي عاوزه بالعربية وبعدين يغيرها بعد ما يكون مل منها,,لكن لو لا قدر الله ظهرت عيوب العربية بعد كم سنة وده وارد جدا بعد ما تمشي فترات طويلة ...هكون محصور في مدة فترة الضمان بتاعتي الباقية وخايف انه لو جرى حاجة هدوخ وراها...
بس لما أكون عارف اني معايا توكيل ومسموعياته حلوة ... برده هكون مطمئن...
عموما انا باذن الله نويت اني اشتريها وغالبا على الصيف تكون انتشرت...لذلك حبيت اعبر عنها لأنها بصراحة عربية تستحق وبجدارة...وخصوصا التوكيل...
وربنا يوفق الجميع ...
دعواتكم...
استاذ احمد ..انا معاك في كل اللي قلته بس احب اوضح شوية حاجات :
العربية اللي حضرتك مصورها دي اعتقد من المنصورة من عند رويال اوتوموتيف عادل جاد ...و دي مش الهاي لاين
انا شفت الهاي لاين الخليجي و ركبتها و كل اللي اتقال موجود فيها فعلا ...
انا نفسي اجيب عربية التوكيل ...و كلمتهم من يومين ... وقللي كمان 3 أو اربع شهور يعنى ممكن على شهر 9 او 10 و ساعتها العربية مش هايكون ليها اي فايدة الا انها توديني و تجيبنى من الشغل ....و عربيتي القديمة كانت مكفية الغرض د فعلا ...
موضوع ان التوكيل بيصلح الخليجي ده اكيد و في سيارة صديق ليا و هو عضو بارز معانا في المنتدى (نادر نبيل) خليجي و بتتصلح في التوكيل حاليا و انا باكتب الكلام ده ...
انا عارف ان عربية الوكيل هي الخيار الأفضل ...و لكنه لا يناسبني اطلاقا .للأسف
انا مش فرحان يعني بالزيادة و لا بادافع عن الخليجي ..لن الوكيل الحقيقة جايب من الآخر ...و عداه العيب بس هي نقطة الميعاد دي جاية عقدة في المنشار .. وانا بعت عربيتي فعلا و عندي طفلة صغيرة و ما قدرش استنى كتير من غير عربية ....
الحمد لله و الخيرة في ما اختاره الله
و انا بجد مقدر و شاكر جدا نصائحك اللي عارف انها نابعة من حرص على مصلحتي و حب الخير ليا
عموما استاذ أحمد ربنا يكون معاك بجد ويوفقك لكل خير... وهوة موضوع الوقت ده بجد مشكلة وخصوصا ان الواحد بيكون مشاويره كتيره ولا غنى عن العربية بالنسبه له...
وعلى فكرة كلام حضرتك مظبوط عن العربية هي من عند رويال اتوموتيف في المنصورة ..لكن طالما حضرتك شفت الهاي لاين الخليجي وركبتها وارتحتلها وعامل الوقت مهم بالنسبة لك ...فربنا ييسرلك الخير وتوكل على الله وان شاء الله ربنا هيكتبلك الخير
وبرده طالما موضوع الضمان مريح حضرتك فربنا يباركلك فيها ويمتعك بيها ان شاء الله
:_Alshmokh22[1]: وربنا يخليلك ويباركلك في الأمورة الصغيرة ...:_Alshmokh22[1]: