عربيتى نصر 127 وعندى مشلكة ف الاضاءة العاليه
بمعنى انى وانا ماشى بالليل على السريع مثلا واشغل الاضاءة العاليه او الرعاش
بتكون قليلة اوى ومش بتنور الاضاءة المطلوبه
ارجوا ان تفيدونى المشكلة فين
عرض للطباعة
عربيتى نصر 127 وعندى مشلكة ف الاضاءة العاليه
بمعنى انى وانا ماشى بالليل على السريع مثلا واشغل الاضاءة العاليه او الرعاش
بتكون قليلة اوى ومش بتنور الاضاءة المطلوبه
ارجوا ان تفيدونى المشكلة فين
أنا كمان عندى نفس المشكلة فى أوبل فكترا 2001 و إتقالى غير الكتاوت بس أنا مش مقتنع
دي مشكله كتاوت النور
طيب أغير اللمبات كمان
أنا عندى نفس المشكلة والكهربائى كذا كهربائى بصراحه قالى الفانوس عاوز يتغير علشان القمره اللى جوه (العواكس يعنى) باظت قالى حتى لو ركبت أى نوع من أنواع اللمض مش هيعمل حاجه فا بص كده على النيكل اللى جوه الفانوس
انا عندى نفس المشكلة فى الفيورا والمشكلة حلها كتاوت
حل المشكلة دى هو ( كتاوت تقوية النور ) و فى حل تاني كمان معاة و هو لو عنك عاكس داخل الفانوس اللى قدام اللمبة حاول تشيلة من الفانوس يفرق معاك فى الاضاءة و الكلام دة عن تجربة فى العربية عندي .
انا كان عندي نفس المشكلة و لقيت ان الفانوس مش راكب كويس يعني باصص لتحت شوية و دي مشكلة مستديمة في ال 127 عشان الكلبست بتبوظ بسرعةز عموما حاول باليل كده تجيب سلك رباك و شد الفانوس و ظبطه و اربط السلك من جوه في المسامير.
لو حبيت احطلك صور قوللي
اسباب ضعف الاضاءة الامامية:-
1- ضعف كتاوت النور و دى انصحك فيها بكتاوت فرنساوى من نوع mixxo حتحسسك انك مركب زينون
2- عواكس الفانوس من الداخل ممكن تكون ابهتت غى ناس بتحطلها ورق مفضض بس انصحك تغير الفانوس خالص
3- كابلات و قواطيش البطارية و دى بتضعف النور و بتخلى دوارة المارش مس مستريحة
استبعد انك تغير اللمض خالص بما انها كانت شغالة الاول كويس يبقى عمرها ما تضعف دى بتتحرق على طول
على فكره كان عندي نفس المشكله في نوبيرا 1 وغيرت كتاوت والنور بقي تمام
دي مشكله كتاوت النور
ظبط الفوانيس الاول لان ممكن يكون شعاع كل فانوس مش بينور قدام العربية وضارب في الارض او السما
1- ظبط إتجاه الفوانيس - أحيان كتير بيكون مافيش أي مشكله لكن الفوانيس واحد ضارب فوق وقارف الناس اللي قدام في مراياتهم و التاني ضارب في الأرض أو يمين أو شمال
2- فحص الفانوس من الداخل - لو هو فيه تراب أو العاكس الفضي اللي في خلفية الفانوس من الداخل متوسخ يتفك الفانوس ويتغسل من الداخل ويتساب ينشف كويس جداً قبل مايركب علشان لو ركب وفيه ميه وهو محكم المية دي هتعمل شبورة على الزجاج وتخلي النور ضعيف بردة
لو الطبق الفضية دي متأشرة يبقى الفانوس يتغير
3 - بعد ضبط الفوانيس لو النور لسة ضعيف نشوف كتاوت النور ونصنفر الرجول بتاعتة ونركب الوصلات كويس لأن الكتاوت مش بيضعف ويحتاج يتغير هو بس ممكن تكون الوصلات مش كويسة
طيب ياجماعة هل الفانوس لو اصلي او مش اصلي بيفرق حاجة يعني بيفرق في قوته واانتشاره على الارض اصلي انا عندي في الفيات 132 مركب فوانيس امامية جديده بس صناعة هندي مش ايطالي وعاى عواكسهم حلوه لامعة بس لللاسف مش بترمي على الطريق بالرغم من قوة الاضاءة لدرجة الناس بتشتكي من قوتهم روحت لكذا كهربائي قالي العيب انهم مش اصلي بس انا مش مقتنع متهيألي ممكن تكون عيب ظبط؟ و لاايه رائيكم؟
شكرا
ياباشا طالما الناس بتشتكي من النور يبقى الفوانيس ضاربة لفوق النور بيجي في عين الناس بدل ماينورلك الأرض نصيحة أظبط الفوانيس علشان الناس متدعيش عليك!
طريقة ضبط الفوانيس
- إيقاف السيارة على بعد حوالي 10 أمتار من اي حائط (يفضل أن يكون أبيض أو لونة فاتح) في شارع ميكونش فيه نور مع مراعاة إن السيارة تكون واقفة على أرض مستوية.
- إنارة النور الصغير (الواطي) ثم ظبط إتجاه الفوانيس من الريجلاش المخصص لذلك حتى يصبح إرتفاع النور على الحائط تكون أقل من مستوى إرتفاع الكشافات قليلاً ويكون عرض النور على الحائط تقريباً ضعف عرض السيارة
- لو السيارة فيها كشاف واحد للنور العالي والواطي خلاص كدة العالي بردة هيكون إتظبط
لكن لو في كشافين يبقى نشغل العالي فقط ونظبط كشافات العالي من الريجلاش بحيث إن النور على الحائط يصل إرتفاعة إلى مستوى سقف السيارة تقريباً ويكون عرض النور على الحائط حوالي مرة ونصف عرض السيارة أو أقل قليلاً.
فعلا يا reamoz وانا ماشي منور النور في الضلمة غصب عني بحس ان الناس غليةه تكسرلي الفوانيس هي الحمدلله محصلتش لغاية دلوقتي بس مايمنعش تسمع (ايه ياعم عمتنا- النور مع التشويح) وهلما جرا ياعني انت رائيك اني انزل الفوانيس لتحت لاكن الاضاءه الجامده دي ملهاش علاقة بالفانوس انه يكون اصلي او غير اصلي و لاليها دعوه باتجاه اللمبة من جوة؟
شكرا
لأ ياباش نوع الفانوس معتقدش هيفرق في قوة الإضائه طالما العاكس الداخلي كويس وفيه لمعة
وإتجاه اللمبة من جوة مش بيتغير ولا بيتعدل
إظبط بس إتجاه الفوانيس وإنشاء الله هتلاقي النور إتحسن جداً
شكرا يا reamoz على اهتمامك وجاري التجربة