الموضوع: رعشة بسيطة في دبرياج اللوجانmcv اول ما تتحرك العربية؟؟؟؟

السلام عليكم و رحمة الله و بركاتة

يا جماعة من حوالي 10 ايام و انا بحس برعشة بسيطة في دبرياج العربية لما اديها الغياار الول و ابتدي اتحرك من الثبات و ارفع رجلي من الدبرياج احس ان الدبرياج في حكة خشنة شوية ورعشة بسيطة جدا بحسها برجلي بتروج بمجرد ما ارفع رجلي من علي البدال
و احيانا بيبقي في معاها هزة بسيطة جدا في الموتور انا بحسها و صعب ان يحسها اي حد راكب معايا
طبعا الصوت دا مكانش موجود قبل كدا بس ظهر دلوقتي
احيانا بيروح و ما بحسوش و احيانا بحس بيه
طبعا انا حاليا شاكك في الإسطوانة و الديسك او بليه الدرياج لأني جربت ادوس دبرياج و العربية دايره و اقرب جامد و اسمع صوت الموتور لقيت ان لما بدوس دبرياج صوت الموتور بيكون ناعم و عادي جدا و لما برفع رجلي من علي الدبرياج بيقي في صوت خشونة او ونه بسيطة كدا بيظهر مع صوت الموتور
طبعا اكنت مخلي اخويا هو اللي بيدوس علي الدبرياج و انا كنت مقرب جدا من العربية من تحت و كنت فاتح الكبوت عشان اسمع صوت الموتور كويس و فعلا اتأكدت

انا في الأول كنت شاكك ان ممكن يكون الهزة البسيطة دي سببها ان مسامير الداير اللي بتربط الموتور علي قواعدة ممكن تكون مهويه شويه ولا حاجة و عايزة يتقرط عليه و تتربط كويس
بس لما سمعت الصوت دا شكيت اكتر في الديسك و الإسطوانة او في بلية الدبرياج
انا متضايق جدا منه لأن الصوت دا كان عندي في العربية البيجو القديمة بس كان اعلي من كدا و كان بيظهر جدا و العربية سخنة و راجعة من مشوار طويل و كنت بتنرفز جدا منه
انا مشكلتي الكبيرة اني ودني حساسة جدا جدا جدا في العربية و اي صوت غريب بحس بيه و بيزعجني و بفضل ادور و افتش عليه لغاية ما اعرف مصدره
مش عارف ان كانت دي هواجس خصوصا و انا من النوع الموسوس شويه و لا دي بداية مشكلة في الديسك و الإسطوانة

العربية لسه عاملة 6000 كم و عملت صيانة ال 5000 قريب و بصراحة انا حاسس ان ولاد الذين اللي في التوكيل دول علي قدهم و مش صنايعيه و ممكن يكونوا بيهبلوا في العربية

اللي عاوز اعرفه دولقتي لا قدر الله لو فيه مشكلة هل الديسك و الإسطوانة في الضمان و لا ممكن يستهبلوا فيها و يقولك برا الضمان

انا محتاج مساعدتكم و ارائكم في المشكلة دي و ايه ممكن يكون سببها