مرور حلوان

**salsapopo** · 25-04-2009 03:16 PM

السلام عليكم و رحمة الله و بركاته
الحقيقة دي اول مرة اكتب في المنتدي الرائع فوق الوصف دا
انا لسة خام في موضوع العربيات و ان شاء الله و باذنه هشتري عربية قريبا
انا ساكن في حلوان و عملوا مرور جديد فيها فهل حد يعرف هو فين و اية ظروفة ياعني زحمة ولا فاضي و كدا ياعني

اخيرا : انا بقالي مدة طويلة مهتم بالعربيات و بدور علي مكان الاقي فية كل ما اريدة عن العربيات و بعد طول انتظار لاقيت المنتدي الرائع دا

و ان شاء الله اكون عضو نشيط فية و لما ابقي خبرة ابقي افيد الناس و شكراااااا

**salsapopo** · 10-05-2009 02:39 PM

هو محدش رد لية

**samihanwar** · 19-06-2010 12:45 AM

مرور حلوان عند حته كده اسمها عرب راشد
او شونه حلوان
وده انيل وازفت مرور فى الوجود
وزحمه مووووووووووووووووووووت وبعتات كل شويه
ده أنا عشان اجدد رخصه العربيه بقعد يوم كامل
تصور كده من الساعه 9.00 الصبح لغايه الساعه 6.00 مساءا
وطبعا سويقه على الأخر
ده انا عايز أبيع العربيه بسبب المرور ده
يقطعو ويقطع سنينو

**MaZaGAngeE** · 06-07-2010 10:20 AM

انا كنت تبع مرور المعادي و لما عملوا حلوان محافظة لقيتني تبع مرور حلوان
و انا بكتبلك دلوقتي من سويقة حلوان المعروفة بمرور حلوان
زي ما العضو قال
موظفين أقل بكتير جدا من انهم يوصلوا لدرجة زبالة
و طلبات غريبة و كل واحد لو و باكد لو رد عليك هيقولك استنى في الدور
انا كنت مكسل انقل محل الاقامة لمدينة نصر بس ان شاء الله لازم انقل خلال الاجازة دي بأي طريقة

**MaZaGAngeE** · 06-07-2010 10:51 AM

تخيل الموظف الحيوان ده ماسك المايك و بيزعق في الناس و بيقول : كل واحد يحترم نفسه و اللي هقوله على مببغ مخالفاته يدفع من سكات و ميفتحش بقه

و الناس واقفه ساكته و مستحملة قلة أدبه

يا رب أطول رقبة أمه و أنا أربيه من أول و جديد

**MaZaGAngeE** · 18-07-2010 12:37 PM

وكيل النيلبة بتاع المرور ده انسان ده لو قلنا عليه انسان بيدي الحد الأقصى للمخالفات و بيرفض ينزل منها زي ما يكون هوه اللي بياخد المخالفات لنفسه .....

و دي شوية صور للمرور توريك الناس دي زبالة لأي درجة ...

**agwaa** · 18-07-2010 04:51 PM

وكيل النائب العام ( وكيل النيابة ) في كل الأعراف هو الملاذ الذي يستجير به المتهم ( والذي هو برئ حتى تثبت إدانته ) من ظلم وإنتهاك الآدمية من قبل قباضايات الشرطة ....
ولكن أن يصبح وكيل نيابة مرور حلوان أحد هذه القباضايات في معاملته للغير آدميين ..( إللي هم المواطنين ) وتقديرات جنابه الجزافية للمخالفات وبند التظلم في المخالفات ساقط من قاموس جنابه وكأن أوامر جنابه فوق القانون كل ذلك فاق الوصف ...
كله كوم وإفتكاسات جنابه كوم تاني خالص ....
تصوروا بيكلبش كل إتنين مجرمين ( قصدي مخالفين ) مع بعض حتي ولو كان المخالف لا تستدعي مخالفته الحبس ( دة من سؤالي لأكثر من متكلبش ) لأ وإختراع جنااااااابه لغرامات لم تكن موجودة وكأن جنابه بيقسم مع المالية ( مع حد علمي أنه تم الفصل بين إيرادات وزارتي العدل _ التابع لها جنابه _ والمالية ) يعني بالبلدي مالوش نسبة من الجبايات إللي بيلمها ...
ربنا يكرمني وأشوف سكن بعيد عن هذه الوسية المدعوة حلوان أو حتى خارج البلد أو خارج الكرة الأرضية إن وجد .....
وحسبنا اللـــــــه ونعم الوكيل