-
ارفعوا الظلم عن الفليشيا
والله يا جماعة انا حزين جدا علي السمعة اللي الناس عملاها علي العربيات الفليشيا ومش عارف ليه التعميم اذا كانت عربية عملت مشاكل فليس هناك داعي للتعميم علي باقي السيارات من نفس النوع من واقع تجربتي مع سيارتي الفليشيا الكومبي 97
الخص الكلام عنها في عدة امور
1- سيارة متينة جدا جدا
2- موتور عشرة علي عشرة
3- صالون ممتاز
4- واسعة جدا لو قلبت الكراسي الخلفية اصبحت نصف نقل
5- قطع الغيار مرطرطة ومش عارف اللي بيقول انها نادرة جاب الكلام منين
6- اسعار قطع الغيار في المتناول والاصلي معمر جدا جدا جدا
7- ثبات العربية فوق الممتاز والجري بيها امن جدا(طبعا تجميعها مش زي الجولف بس لما بتجمع اللي يحصلني يكسرني )
اما عيوبها فنلخصها في الاتي
1- عافشة ناشفة حبتين
2 - استهلاك البنزين متوسط بس في الطوالي موفرة جدا
3- لازم تبقي ايدك فيها علي طول والصيانة الدورية امر مهم جدا يعني لا تغفل عنها
اما موضوع السخونية المزعوم اللي مش عارف جابوه منين فانا في حيرة جدا السيارة عندي لا يتعدي المؤشر 88 درجة وفي السفر الموشر لا يتحرك ارتفاعا مطلقا
العربية دي من 97 شغالة وصديقي في الشركة معاه واحدة 2000 نفس الوضع مع بعض المرونة في عفشتها عن ال 97
السيارة يا جماعة جيدة جدا وعائلية جدا
-
اويد كلامك لانى مش باحب اعمم لو فى كورلا مثلا عند واحد ومش محافظ عليها وتعباه معنى كده كل الكورلا تبقى سيئة العملية نسبية اديها شغل تديك اداء مادام النوع بتاع السيارة اصلا محترم ومن شركة محترمة زى اسكودا لكن بوجه عام الفيليشيا معايا رائعة وباحب اسوقها جدا وانا راضى عنها
-
أنا معاك تماما في اللي انت بتقوله ....وشايف انها مظلومه وطالع عليها سمعة لوجود بعض المشاكل مع البعض والتي توجد في جميع الموديلات الأخري.
انا معايا كومبي بس 96 بقالها معايا 5 سنوات ما شاء الله زي الفل. هي بس الاهتمام بالصيانة وكذلك قطع الغيار الأصلية مهمه جدا جدا جدا. لأنها معمره جدا وتعطي الأداء المطلوب منها. أنا كان ليا تجربه مع مروحة ردياتير استرخصت وجبتها صيني ...عملت معايا مشاكل بالكوم في التبريد ...ما اتحلتش الا لما جبت المروحة استيراد أصلية.
غير كده العربية ممتازه وعملية جدا...انتوا ما تتصوروش انا بشيل فيها قد ايه بالزات لما اتني أو اشيل الكنبه الخلفية خالص
-
الكلام ده محترم جدا واؤيده بمنتهى الثقه .
-
العربية ده فعلاً حمالة اسيه
كان معايا وحدة من الزيرو ٩٧ لحد ٢٠٠١
٩٠٠٠٠ كم
كل التم تغيرو الأتي :
رأبه بتركب تحت الكربرتير " تحت العمه" كنت مشروخة و بتهرب هواه
ثرموستات رادياتير لئن الأديم كان مملح فده كان بأدي إلى إرتفاع الحراره عن المعتاد نتيجة تأخر المروحة فالعمل
جوز كبالن
مساعد أمامي بعد مطب ظريف في شوارع المحروسة
افتكر دي كنت كل الحاجات الاتغيرت على أد مالذاكرة تجيب
-
يا جماعة طيب طلب سريع منكم انا من اسكندرية و عندى فيليشيا 99 و لسة جايبها بس فيها كام حاجة كدة اولا الفتيس بتاعها تقييييييييييييييل جدا لدرجة انى مش بعرف اجيب مارشدير يا ريت تقولولى اعمل ايه ثانيا عايز اعرف ايه احسن زيت موتور ليها ثالثا عايز اعرف ازاى اعلى الكرسى بتاع السواقة لانه واطى اوى اوى و مش عارف اعليه ازاى و مش بشوف حدود العربية من كتر ما هو واطى و اخر استفسار معلش الفوانيس بتاعتى اتكسرت و رحت جبت فوانيس تايوانى فيها مشكلة و لا حتبوظ اصل فلوسى مكفتش اجيب الاصلى و الف شكر لسعة صدركم
-
اولا بالنسبة للفتيس هتلاقي محتاج يتزبط بس مش اكتر وبيرجع زي الاول متقلقش
اما المارشيدير فعلن بيبقي تقيل وممكن ميجيش معاك الا من تاني وتالت مرة بس زي ما قلت بيتزبط هتلاقي حلقة او حاجة متاكلة هتغيرها وخلاص
ثانيا احسن نوع زيت للعربية دي شيل في ناس بتقول امارات مصر وتوتال وطبعا موبيل
ثالثا الكرسي مبيعلاش بس اكيد الكرسي عندك ممكن تلاقيه هبطان
\ الكرسي بيطلع قداو و ورا بس حاول تحط شلته او اي حاجة عشان تعالي الي هيسوق
رابعا الفوانيس التيواني ممتازة ومعمرة جدا وغالبا هتلاقيها مركة depo
خامسا ليك يا باشا في مركة لمض للفوانيس الي قدام اسمهاosram دي ممتازة والماني و45 وات والاضاءة بتاعتها احسن بكتير من العادية والجوز 110 جنية بس عن تجربة هتدعليلي
-
والله الف شكر ليك يا استاذ مازن و سنوافيك بكل جديد
Content Relevant URLs by
vBSEO 3.6.0 PL2