أهمية تغيير زيت المحرك

**Eng.moh.masry** · 26-04-2009 12:02 PM

الموضوع يا جماعة بعتبره مهم جدا ولا بد من اخذه في الاعتبار بشكل كبير شدني جدا يمكن يكون الموضوع اتعرض قبل كدة في المنتدي بس هو شدني وكنت لازم اعرضه علي حضراتكم.يمكن علشان بعضنا ممكن يهمل او مش عارف الاهمية العمليةوالعلمية لتغيير زيت المحرك بتمني يكون الموضوع فيه بعض الافادة لحضراتكم.
الاول كيف بيتم تغيير زيت المحرك ؟
تغيير الزيت بيتم عن طريق استبدال الزيت القديم للمحرك بزيت جديد بالاضافة لاستبدال الفلتر القديم باخر جديد في نفس الوقت .هتكلم عن ليه احنا بنغيره احد الاسباب المهمة جدا والي بتهمنا كلنا ان تغيير الزيت بيحافظ علي السيارة وبيزود اكيد من كفاءة عمل المحرك ومن كفاءة عملية الاحتراق داخل المحرك وبالتالي هنزود من العمر الافتراضي للمحرك وبالتالي للسيارة نفسها.بالرغم من الي انا قلته ولكن لحد دلوقتي هناك خلاف وفي سوءال بيطرح نفسه.متي يصبح زيت السيارة قديما ومتي يجب تغييره بزيت جديد؟للاجابة علي ذلك السؤال لازم نعرف ونتلكم عن عوامل منها الكيفية الي تقود بيها سيارتك وعمر الماكينة نفسها وحالتها والبيئة الي تقود فيها سيارتك.طبعا انا بقصد بالبيئة الظروف الجوية والمناخية في المنطقة الي بنسوق فيها بالاضافة للمسافة والاحمال التي تقع علي السيارة.
متي يتم تغيير زيت السيارة مبكرا وباستمرار ؟
1-اذا كنت تقود سيارتك بسرعة عالية
2-لو كنت عايش في جو شديد الحرارة او شديد البرودة وده طبعا بيؤثر تاثير كبير علي لزوجة الزيت وبالتالي علي كفاءته في الاستعمال
3-اذا كنت تقود سيارتك علي طرق غير مستقيمة ومنحدرة
4-اذا كان محرك السيارة قديم ويستهلك زيت بشكل كبير
5-اذا كنت تحمل سيارتك باحمال زائدة
في سؤال مهم جدا ليه بنغير زيت المحرك؟
اكيد احنا عارفين ان الحالة الكيميائية والتركيب الكيميائي لاي ماد بيتغير بفعل التغير في درجات الحرارة وبالتالي فزيت المحرك بارتفاع درجة الحرارة الناشئة عن الاحتراق بداخل المحرك فان ذلك يؤدي لقلة لزوجة الزيت طبعا لان هناك علاقة عكسية بين لزوجة المادة وارتفاع درجة الحرارة وبالتالي كفاءة الزيت بتقل.بالاضفاة ان الزيت بيمتص الاتربة والشوائب التي تدخل مع الهواء الازم للاحتراق داخل المحرك فمع طول الفترة بتكثر الشوائب داخل الزيت مما يقلل من قدرته علي امتصاص شوائب اخري فبالتالي تتعلق تلك المواد والشوائب بالمحرك ويقلل ذلك من عمره الافتراضي ويسبب له الصدا
ماذا يحدث اذا لم نغير زيت المحرك؟
طبعا سيوءدي ذلك الي تقليل العمر الافتراضي للمحرك اوي أي ماكينة بشكل عام.وده طبعا لان كلما كانت حالة الزيت جدية كلما ذادت كفاءة الزيت في امتصاص المواد الغريبة الداخلة مع الهواء للمحرك وده بيزود من كفاءة عملية الاحتراق
هل نستطيع القيام بذلك بانفسنا؟
بالطبع يمكننا فعل ذلك بانفسنا وده بيتم بوجود العدة المناسبة لتغيير الزيت بالاضافة للملابس المناسبة مع وجود الفلتر المناسب والزيت
هل تحتاج السارة لبعض الاصلاحات اثناء فترات تغيير الزيت؟
اكيد طبعا لابد من معرفة مستوي الزيت داخل الكارتير وده عن طريق عصاة قياس مستوي الزيت لان طبيعي مستوي الزيت بيقل مع زيادة الاستعمال وطبعا بنراعي علامات القايس الموجودة علي عصاة القياس.وبيختلف نوعية الزيت المضاف للمحرك وبالتالي بتختلف الكفاءة ليه.وبينصح باستعمال نفس نوعية الزيت داخل المحرك.

م/ محمد المصرى
منقول للأمانة

تم النقل بمعرفتي
الادارة 1

**zyadahmed** · 28-04-2009 04:24 AM

ازاى اعرف المحرك بتاعى محتاج زيت تقيل ولا خفيف بالتحديد لو عندى عربية اسكودا فيليشيا 96 يعنى قديمة وعدادها عامل كيلو مترات كتيرة

**الطنطاوي** · 28-04-2009 08:42 AM

طيب وزيت الفرامل وزيت الجير

تاني حاجة الموضوع ده مش اجتماعي أنت ممكن تطلب من الادارة نقله للقسم العام

**Eng.moh.masry** · 28-04-2009 10:08 AM

المشاركة الأصلية كتبت بواسطة الطنطاوي

طيب وزيت الفرامل وزيت الجير

تاني حاجة الموضوع ده مش اجتماعي أنت ممكن تطلب من الادارة نقله للقسم العام

شكرا على الاقتراح

**Eng.moh.masry** · 28-04-2009 10:24 AM

المشاركة الأصلية كتبت بواسطة zyadahmed

ازاى اعرف المحرك بتاعى محتاج زيت تقيل ولا خفيف بالتحديد لو عندى عربية اسكودا فيليشيا 96 يعنى قديمة وعدادها عامل كيلو مترات كتيرة

باشا موضوع الموتور القديم دا قصة تانية لان فى المواتير القديمة يستحسن عدم اطالة مدة الزيت اللى بيتحط
يعنى يكفى تحط زيت ينزل بعد 1000-1500 كم و دا طبعا لان الموتور من جوا بيبقى فيه تاكل شوية و لما الزيت بيطول جواه بيتحرق و ميأديش دورو على الوجه الأكمل و بالتالى التاكل هيزيد و يستحسن لو كان الموتور خفيف يعنى كبسو ضعيف و دا الميكانيكى بتاعك ممكن يعرفو بسهولة او انتا ممكن تعرفو لو كان الموتور بياكل زيت انك تحط زيت شمبر مع الزيت ( بس دا ميغنيش طبعا عن العمرة لا قدر الله ) و لو مفيش اى مشاكل يبقى يكفى غيار الزيت على فترات قصيرة زى مقلنا و يستحسن كمان لو تغير فلتر الزيت مرة و مرة لا علشان تضمن كمان ان مفيش اى شوايب جوة الموتور و ان دورة الزيت تكون نضيفة
أخوك م/محمد المصرى