أكتر كيلومتر عاملاه عربية بيجو من غير عمرة موتور كان كام..؟؟

السلام عليكم ....

السؤال ده بصراحة محيرنى أوى
و هو ان موتور البيجو ممكن يوصل لغاية كام كيلومتر من غير عمرة موتور
طبعا مع عمنل الصيانة المعقولة

و أنا هبدأ بنفسى...
أيام ما كنت بدور على بيجو
أكتر عربية شوفتها عاملة 258 الف كيلو
بس كان بيقول انه عملها عمرة عشان يبيعها يعنى عمل الـ250 الف دول بالموتور قبل العمرة

كمان المهندس اللى فى أوتو سيرفيس مدينة نصر
كان قال لى ان موتور البيجو ممكن يوصل لمليون كيلومتر لو ملتزم بالصيانة....!!

بينى و بينكم أنا بفكر فى الموضوع ده كتير لأن عربيتى اشترتها عاملة 170 الف كيلو
بس كبس الموتور فى التوكيل طلع 80 %
و لكن برده عندى احساس داخلى ان كده كتير اوى و ان الموتور هيفيص منى قريب :D

يلا مستنى ردودكم...

بص يا كريم انا واحد صحبي مهاه بيجو 505 موديل 1983 وعمله مليون و 200 الف كيلو من غير عمره وواللة احسن 100 مره من المرسيدس بيتاعت السنة دي وبنمشي بيها علي 180 يعتي بنقفل عدادها علي طريق مصر الاسماعيلية ............ فمتخقشي البيجو دي عربية معمره وجميلة جدا وبهدين 170 الف كيلو دي لسة شابة . انا معايا شاهين برده وعملة معايا 200 الف من غير عمره برده وزي الفل فاياراجل البيجو عايزه عمره بعد 250 الف .كيلو علي كده الشاهين لزملها عملره بعد 10 الاف كيلو بس. :lol: :lol:

الله يطمنك يا ابو حنفى :D

هى بتختلف على حسب الإستخدام
لو مشاويرك كلها سفر ومسافات طويله الموتور حيعيش معاك فتره كيلومتر لا تتخيلها
لو مشاويرك بسيطه يعنى 20 كم كل يوم حيعيش معاك فتره زمنيه كبيره جدا لكن مش حيوصل الى نفس المسافه اللى قطعتها اللى بتسافر
لكن عموما محركات البيجو من أطول المحركات فى العمر وده راجع للجوده والاتقان اللى فى صناعه العربيه ككل
ربنا يبارك لك فيها ويكفيك شرها

ؤبنا يبارك لحضرتك...ومتشكر اوى

يا شباب عربيتنا 405 موديل 1990 و متدبش مفك في موتورها بس الصيانة دورية و بنغير زيت كل 2500 كيلو او 2000 عموما العربية بقلها معانا 3 سنين و نص و هي قلبت العداد و عمله دلوثتي 168 الف كيلو يعني كده مليون و 168 صح معا العلم ان الموتور امكانيه التسارع بتعته هايله

كده كويس ؟

ya basha ana kan ma3aya 405 kont 3amel biha 293

اقتباس:

---

المشاركة الأصلية كتبت بواسطة Nour_Peugeot

يا شباب عربيتنا 405 موديل 1990 و متدبش مفك في موتورها بس الصيانة دورية و بنغير زيت كل 2500 كيلو او 2000 عموما العربية بقلها معانا 3 سنين و نص و هي قلبت العداد و عمله دلوثتي 168 الف كيلو يعني كده مليون و 168 صح معا العلم ان الموتور امكانيه التسارع بتعته هايله

كده كويس ؟

---

يعنى العربيه ديه ماشيه لمده 18 سنه كل يوم متوسط 177 كيلومتر!!!!!!!

و الله العظيم زي مبقولك كده عمله مليون و 169 الف دلوقتي

و لو حد مش مصدق انا احتمال اجي بيها يوم المقابله بتاعت نوفمبر يشوف

حضرتك ممكن العربيه في يوم واحد تمشي كمان 200 كيلو انا ولدي شبه ميكروياص بالعربيه

بيتحكر كتير

و ثانيا صاحب العربيه الاول يعمب بالمخابرات فتحركاته ايضا كثيره

و العربيه اعتقد من اواءل العربيات النزلت مصر

لن رقم الموتور عجيب

937

بس كده

و يمكن العربيه مكمله كل عدد الكيلوات ده بسبب الصيانه الزائده عن اللازم