ازيكو يا اوبلاويه ؟؟
بخير انا عارف ..ههههههه
انا بكره ان شاء الله رايح منصور فرع العامريه اعمل صيانه ال 140 الف كم عقبالكو ...
حد محتاج اسأله على حاجه هناك ؟؟؟
عرض للطباعة
ازيكو يا اوبلاويه ؟؟
بخير انا عارف ..ههههههه
انا بكره ان شاء الله رايح منصور فرع العامريه اعمل صيانه ال 140 الف كم عقبالكو ...
حد محتاج اسأله على حاجه هناك ؟؟؟
بالتوفيق!!
سلملنا على المعلم منصور وشوف اخباراسعار الاسترا ايه
Would you please ask about RPM problem in Aveo?
Did they find a solution other than changing TPS sensor ???
Thanks
الاسترا ايه الهاتش و لا السيدان ؟؟
السيدان منصور كلمونى قالولى نازل منها كاتيجورى واحد ب 150 الف ...
الهاتش اخر حاجه سمعتها كانت 140 اسنتيا و 155 انجوى
بس هتاكدلك برده ...
تروح و تيجي بالسلامه يا حبيبي متقطعش الجوابات
مبروك على الصيانة وترجعلنا بالف سلامة سلملى على التوكيل اوى اوى بقالى بتاع 3 سنين مروحتوش
انا عايز سلامتك
تروح وترجع بسلامه بس ابقى قولنا عملت ايه هناك
روح و تعالى بسرعة و سلم على كل الى هناك
بس فى سؤال بعد 140 ألف كيلو إيه الى مش بتغيره؟؟؟؟؟
انا سألت المهندس بس واضح انه كان مفكر انى رايحله بالفيل ...
بيقولى مفيش حاجه من دى بتحصل
لما زنقته قالى اه اه حصلت فى بعض العربيات و بحطلها منظف و المشكله بتختفى قلتله مش بتغيرو tps قالى لا مبيحصلش ...
فبصراحه مكملتش كلام معاه و مشيت ....
انا اسف انى معرفتش اجيبلك كلام مفيد ..
اسعار الاسترا :
اسنتيا 130 او 135 (مش فاكر بصراحه)
انجوى 150 و العربيه المانى 100% موديل 2009 الى بلجيكى كان 2008 و خلص خلاص ..
سيدان 150 المانى و بتطلع من المانيا على بولندا و بعدين مصر (انما الصناعه و التقفيل المانى)و بيقولى انها لما تيجى من بولندا ده اوفر للشركه
بس انا بصراحه مش مصدقه !!!
و الفيكترا بالمره
اليجانس 155
هاى لاين 165
توب لاين 180
و فى تقسيط مباشر مع منصور بفايده 8.5 % فى السنه ...
انا روحت و جيت بس مش بسرعه
بالنسبه للصيانات ...
هى بتبقى ليها تقسيمه معينه ..
يعنى 5000 و 1000 ..... لحد 60 الف ..
و بعدين تبدا من تانى
اهم صيانتين فى حياه العربيه هم صيانه ال 60 الف و ال 120 الف ..
اانا دافع فى صيانه 120 الف 2500 جنيه !!!
بس يعتبر كل حاجه بتتغير
سيور و فلاتر و بوجيهات و حاجات كتيييييير
بس والله الصيانه الدوريه هى الى محافظه لعى العربيه لحد دلوقتى ...
حمدالله على سلامتك
ان شاء الله يا جماعه بكره اكتبلكو تفاصيل الصيانه و الاسعار و الحاجات دى ...
و كمان محتاج اسالكو فى شويه حاجات ...
Thanks you so much
Ta3atak ma3ea ya basha
ان شالله والحمدلله ع سلامتك يا باشا بس اوعى تنسى تقولنا
الف شكر يا خلوووود على الاسعار
بس فعلا النجوى المانى 100% و بالسعر دة؟
كدة تبقى 100%
شكرا ياباشا و دائما تعبك معايا
يا باشا لا تعب ولا حاجه ..
اى خدمه انا تحت امرك .
الله يسلمك ...
و بعدين هو انا اقدر انسى اقولكو ؟؟
حالا يا باشا هتلاقى الاسعار و التفاصيل موجوده ..
يا عم لا تعب ولا حاجه ...
اه على فكره الاسعار دى مش من منصور نفسه ..
دى من شركه بلال موتورز موزع معتمد لمنصور (فى الداون تانون)..
و كان عارض الاسترا السيدان و الهاتش و الفيكترا التوب لاين ...
و طبعا انا اتفرجت على ال 3 للمره الالف ...
و حسب كلامه ..
ان الاسترا الهاتش كلها المانى ما عدا موديل 2008 كان بلجيكى ..
و السيدان صناعه المانى و تقفيل المانى و لكن بتتشحن من بولندا (الحوار مش داخل دماغى لان العربيه مش بتنزل المانيا على حسب معلوماتى يبقى يصنعوها ليه ؟؟)..
و طبعا الفيكترا المانى 100%...
و بيقولى ان سعرها هيزيد الفتره الجايه لما الكميه الى عندهم تقل ...
الكلام ده من ابن صاحب المعرض ...كان اسمه سامح باين !!
جزاك الله خيرااا
يا اأخ خالد
لو سمحت إسأل لى على صيانة ال90000 تتكلف حوالى كام و شكرا مقدما
خالد باشا ايمن،
يحز في نفسي و بمزيد من الحزن و الأسى أبلغكم يا عصابة الأوبل بأن العبد لله محمد حمدي و هو في كامل قواه العقلية قد قام بشراء الأسترا السيدان امبارح - للمدام مش ليا طبعا لأني فولكساوي أصيل - و سوف أتابع المنتدى بتقرير عن السيارة بعد الافاقة من الصدمة و لله الأمر من قبل و من بعد.:k14:
محمد حمدي
يمكنكم مواساتي على الخاص.