عرض للطباعة
يا جماعة دي أول مشاركة ليه في المنتدى و كنت عايز أخذ رأي كل أعضاء المنتدى الكرام وهم كلهم أهل خبرة في فكرة فتح مركز كشف أعطال بالكمبيوتر لجميع السيارات ...
أنا الموضوع ده مستهويني جدا بس مش عارف مقلق منه شوية مع العلم اني بفكر أفتحه في مدينة نصر و حيكون بشكل شيك جدا و عصري ...
يا جماعة أفيدوني فعلا لأني محتاج أعرف رأيكم لأن الموضوع أنا حابه جدا بس بصراحة خايف أعمله فقولوا لي رأيكم الموضوع ده كويس ولا لأ عشان أنا خلاص دماغي سخنت من التفكير...:I_angr1[1]:
طبعا الموضوع حلو بس عاوز ادارة كويسة وممكن تعمل ركن صغير كافية لانتظار السيارات وممكن ركن للكلين والتنظيف وركن تغيير زيوت وركن نفخ هواءوركن للاكسسوارات ومعطرات الجو وشوية حاجات من دى بجد فكرة حلوة بس كل ما المكان يكون اكبر كل ما يكون احسن
+1111111111اقتباس:
المشاركة الأصلية كتبت بواسطة eng.octooo
انا ممكن ابقي زبونك لو عملت الموضوع ده بس باسعار كويسة
و عربيتي فورد يا ريت لو تعرف تجيب حاجة تقراها
ألف شكر أستاذ eng.octooo على ردك واهتمامك بالموضوع وفعلا أنا ناوي أدخل معاه بعض النشاطات اللي انت ذكرتها علشان أدعم المكان بس يا ترى موقع المكان مناسب و لا ممكن أماكن تانية زي الهرم أو المهندسين ؟؟؟ لان المكان أكيد بيفرق...اقتباس:
المشاركة الأصلية كتبت بواسطة eng.octooo
شاركني الرأي لان رأيك فعلا مهم...:S_thum1[1]:
مشكور على ردك أخي aYaBooY وأنا يكون لي الشرف لما تنورني وتبقى زبوني وان شاء الله حيكون متوفر كل الاجهزة لكل العربيات و حتكون الأسعار مناسبة و كويسة للكل وحيكون في خصم خاص لكل أعضاء المنتدى لفترة كبيرة من الافتتاح ...:10D5C8~1107:اقتباس:
المشاركة الأصلية كتبت بواسطة aYaBooY
بس دعواتكم معايا بالتوفيق من الله عز وجل...
ايه يا جماعة فين الردود ؟؟؟
أنا حقيقي محتاج لرأيكم معايا لأني متردد وعايزأعرف الموضوع كويس ولا لأ...
مستني ردودكم و آرائكم...
يفضل دائما عند العزم على فتح مشروع معين الألمام التام بالجوانب الفنيه لهذا المشروع ....بمعنى لو متوافر عند حضرتك الجانب الهندسى (كهربيا وميكانيكا تجاه صيانة السيارات الحديثه وأعطالها ) توكل على الله ونفذ.............._ أما لو كان هناك النيه فى الأعتماد على آخرين .....فلا يفضل ذلك .....والخيار لك
ألف شكر ليك يا باشمهندس سمير على ردك واهتمامك ...اقتباس:
المشاركة الأصلية كتبت بواسطة samirayad
أنا فعلا مش ناوي أعتمد على حد في الموضوع ده و ناوي ان شاء الله اني أديره بنفسي بس ماقدرش أقول باني ملم بكل معلومة صغيرة في مجال السيارات بس الحمد لله عندي خلفية كويسة عن العربيات نظرا لحبي الشديد جداااااااااااااااااااا لها...
و من وجهة نظري لو قيمت معلوماتي عن السيارات أقدر أقول انها من 50% - 60% فهل دي تكون بداية كويسة ؟
مستني ردك الجميل يا باشا...
طالما فيه نسبه كويسه كده فده كويس والنسبه حتزداد مع الممارسه والخبره كماناقتباس:
و من وجهة نظري لو قيمت معلوماتي عن السيارات أقدر أقول انها من 50% - 60% فهل دي تكون بداية كويسة ؟
الله يخليك ......وبالنسبه لأجمل رد ممكن أن يقال فى حالة زى دى ومع تواجد بعض القلق عندك كما سبق وتبين لى عند أطلاعى على الموضوع من بدايته................اقتباس:
مستني ردك الجميل يا باشا...
_ ففعلا لا أجد الا أن أوصيك بأستخارة المولى عز وجل .........فلن تجد ردأ أفضل ولا أجمل من هذا........وهو الأستخاره
أنت لازم تبحث على النت عن المشروع ده
هتلاقي حاجات كتير
وابقى عرفنا وصلت لإيه
بالتوفيق
ألف شكر ليك يا باشمهندس على اهتمامك مرة تانية وفعلا هو ده أجمل الكلام اللي ممكن يتقال و الحمد لله أنا فعلا باستخير ربنا بس أنا باخد بالاسباب و النصائح ومعلومات أهل الخبرة اللي زيك يا باشا...اقتباس:
المشاركة الأصلية كتبت بواسطة samirayad
وربك سبحانه و تعالى يقدم اللي فيه الخير...
بس أنا ليه عتاب على الناس في المنتدى لان الاعضاء بيعاينوا الموضوع من غير مشاركة... فعلا يا جماعة النصائح و الاراء مهمة فرجاء لا تبخلوا علي بالنصائح...
مشروع هايل ان شاء الله و فكرة كويسة جدا ... و لازم فعلا تدخل المجالات التانية اللي الاخوة الاعضاء قالولك عليها ... و في افكار تانية حلوة زي انك يبقي عندة قاعدة بيانات بالعربيات اللي هتجيلك . متسجل فيها العربية و تاريخ الزيارة و كشف بالاعطال و التصليحات ... حاجة زي كدة يعني ..بحيث لما تجيلك العربية تاني تقدر تعرف كان فيها ايه ... و الله الموفق ....
اقتباس:
المشاركة الأصلية كتبت بواسطة El.Hossieny
الموضوع ده كويس جدا وبيعتمد اعتماد كلي على كذا حاجه مرتبطين :
1-إلمام جيد بعيوب السيارات وطقم مدرب او ذو خبرة بالاضافة لآلات حديثة .
2-نظام إدارى ميخرش الميه .. من اول ما السيارة تدخل لحد ما تتصلح وتخرج..
3-علاقات كويسة تدعم بداية المشروع وبعد كده السمعة كفيلة بالباقي. .
والمعدات سهل جدا تدور على النت وتوصل لكذا حاجه وفيه شركات كتير في القاهره بتوفرها .. ولو هتنفذ فعلا ممكن تبعتلي ع الخاص وانا ابعتلك رقم حد يفيدك ..
بالتوفيق
يا باشا ربنا يجعلة فتحت خير عليك
انت بس استخير ربنا وان شاء الله خير
هو المشروع جميل بس اهم حاجة يبقى عندك خبرة ولو هتجيب حد يبقى امين وخبرة بردو وخلى بالك من الصنايعية عشان لو مش صاحى ليهم هيكلوك ودة عن تجربة مع واحد صحبى
وان شاء الله ربنا يوفقك بس متنساش تعزمنا على الافتتاح عشان نشرب كوكا
لازم يكون عندك الخبرة الكافية و كمان المساحة الكافية
انت عاوز على الاقل مكان 400 متر عشانم تنفذ كل الافكار دى
طبعا مش هقدر اقول حاجه غير اللي الاعضاء قالوها
واوصيك بالاستخاره قبل اي خطوه هتاخدها
والموقع
مهم جدا جدا جدا
وطبعا الاحسن انو يكون على شارع عمومي
ويكون خالي من اي ورشة اصلاح
طبعا الرزق بتاع ربنا سبحانه وتعالى
لكن الاحتياط واجب
ومتنساش لما ان شاء الله يتم المشروع على خير
تطلع كل شهر صدقه
... ألف ألف شكر لكل اللي ردوا على الموضوع , بجد يا جماعة رأيكم كله جميل ومهم و يؤخذ في الحسبان و يا رب نتعاون كلنا دائما على البر و التقوى
بس في نقطة مهمة غايبة عن بعض الأعضاء وهي اني قولت اني حفتح مركز لكشف الأعطال و تشخيصها فقط مع ادخال اكسسوارات السيارات في المكان و ذلك كله بشكل شيك و عصري بحيث يكون مشابه لخدمة رجال الأعمال ولكن طبعا بأسعار معقولة و مناسبة لكل شخص
أما بالنسبة لموضوع مركز الصيانة حيكون الخطوة التانية ان شاء الله و حتكون قريبة بس بعد الالمام التام بالموضوع لاني حيكون في اعتماد على ناس آخرين و في الأغلب حيكونوا مهندسين وليس صنايعية وده طبعا للحفاظ على كفاءة المكان
... بس بجد شكرا لكل من ساهم برأي و في انتظار المزيد من النصائح و الأراء والدعاء بالتوفيق و الهداية لما يحبه الله و يرضاه
ايه يا جماعة فين الردود ؟؟؟
ليه الناس بتبخل بالآراء لما الواحد بيكون فعلا محتاجلها ؟؟؟