محتاج عربية صغيرة حديثة مستعملة حالة جيده لأبنتى بالجامعة

**abdinsemred** · 20-09-2007 08:49 PM

أحتاج لسيارة صغيرة حديثة مستعملة ولكن بحالة جيده وليست فيات أو نصر لآبنتى بالجامعة وطبعاً بلاش العربيات الصينى......
أعتقد وأنتم أكثر منى علماً أن هذا الطلب قد يغطى الماركات التالية , ولكن لو فى غيرها ماعنديش مانع ,,,,,,,,,ولكم كل الشكر والإمتنان:

شيفروليه ..آتوس
هيونداى...آتوس
دايهاتسو...شاريد
سوزوكى ...ماروتى
برودوا ...كيلسا

**abdinsemred** · 20-09-2007 08:52 PM

عفواً أقصد شيفروليه ....سبارك

**fahd_628** · 20-09-2007 11:13 PM

السعر فى حدود كام يا باشا ؟

**kareem_Ashmawy** · 21-09-2007 12:18 AM

أنا رأيى سوزوكى ماروتى زيرو...بـ 36 الف
لأنى فهمت من كلام حضرتك انك بتتكلم فى سعر 30 الى 40 الف
و طبعا الزيرو أحسن من المستعمل ميت مرة
و لو حضرتك تقدر تزود لل 42 الف جنيه
يبقى ممكن السوزوكى ألتو على الزيرو
ودى شكلها احلى من الماروتى

و على فكرة الاتنين أداؤهم ممتاز بالنسبة لفئتهما و يمكن الاعتماد عليهما
هما على فكرة من غير تكييف
بس الجامعة بتبقى فى الشتاء ( يعنى مش محتاج تكييف )

وربنا يوةفقك فى الاختيار :D

**معاذ الشرباصى** · 21-09-2007 12:21 AM

لو بتتكلم فى زيرو يبقى الشاريد احسنهم تليها الكليزا

اما لو مستعمل يبقى هتفرق حدود السعر

لكن فكرة كريم ممتازة طبعا, و الماروتى عربية مثالية للبنات انهم يتعلموا عليها و سواقتها سهلة و يعتمد عليها جدا

SS · 21-09-2007 12:36 AM

انا مؤيد لرأى الاستاذ كريم
عربيه زيرو حتى لو امكانيات قليلة احسن من وجع الدماغ بتاع المستعمل لانه لو حتى حالته كويسة الامر ما بيسلمش
وده خاصة للبنات وبالاخص لو كان لسه الموضوع جديد عليها

**abdinsemred** · 21-09-2007 05:54 PM

كل كل الشكر للأفاضل الذين تكرمو بالمشاركة .....وسأبين لحضراتكم المعروض حتى الآن ,,وربنا يغفر لى إستغلالى لوقتكم الثمن فى المشاركة

هيونداى بموتور تويوتا 93.........15000 جنية
فورد إسكورد 85.................22000جنيه
دايهاتسو شاريد 93................32000جنيه
دايهاتسو ميرا 91 ...............21000جنيه
أودى 76 عدد 4 باب ..........12000جنيه
دايو زاز 2001................30000جنيه
دايو زاز 2001 ..............28000جنيه
تابوت سيميكا جولف فرنسى 91.......21000جنية
رينو 5 1982 مكيفة...........15000جنيه
رينو فويجو 1981.............16000جنيه
رينو 12 خارجياً هايلة...... 21000جنيه
رينو سبورت 1976........ 8000جنيه
رينو 5 سانك 84 18500جنيه
رينو 9 84 .......27000 جنيه
رينو كليو 2003.......54000جنيه
لانوس 99..........43000جنيه

رجاءاً لاتبخلوا علينا بالنصح ...فلابد لى من إتخاذ قرار سريع حتى يتوقف عذاب إبنتى بالمواصلات ....وجعل الله مساعدتكم لى فى ميزان حسناتكم فى هذا الشهر الكريم

**abdinsemred** · 21-09-2007 06:02 PM

والآن فقط ظهرت هذه السيارة هوندا سيفيك 1984 هاتش باك هاف باور مكيفة سنتر إنذار فرش 29000جنيه

**Heshaam** · 21-09-2007 06:09 PM

طالما حضرتك وصلت بالميزانية لرنج ال50 ألف، يبقى - من رأيي - ما تغامرش في المستعمل وخصوصا إنك عايزها لبنت حضرتك تروح بيها الجامعة؛ لأن المستعمل مش مضمون فممكن تلاقيها عملت إشتراك عند ميكانيكي. ده غير المقالب غير المتوقعة.

أنا معرفش إيه الجديد المتميز في الرنج ده، بس أعتقد الإخوة اللي شاركوا طروحوا بدايل كويسة ومتنساش حضرتك نقطة الضمان.

وربنا معاك

**limo** · 21-09-2007 06:14 PM

لو انت بتفكر فى الدايو زاز انا عربيت احتى للبيع هيه دايو زاز مو2005 مش 2001 وكمان 1300 مش 1200 متور انجكشين وبها كايست وزجاج كهرباء امامى وسنتر وسبويلر وفابريكه بالكامل معادا اكصدام ورفرف وكابوت امامى والعربيه ماشيه 22 الف كم بس وبجد العربيه زيزو بمعنى الكلمه ومش هتصرف عليها حاجه خالص

الموضوع: محتاج عربية صغيرة حديثة مستعملة حالة جيده لأبنتى بالجامعة

LinkBack

أدوات الموضوع

عرض

العرض المتطور

-

-

-

المواضيع المتشابهه

مطلوب 127 توب حالة جيده بالاسكندرية

عايز عربية مستعملة تكملة اقساط بنكية او تقسيط موديلات حديثة

مطلوب سيارة حديثة مستعملة بمقدم 40 الف وقسط شهرى 2500

عايز عربية مستعملة في حدود ال 70 ألف (حالة ممتازة و كيلومتر قليل)

معايا 30000 جنية وعايز يابانى أو كورى حديثة مستعملة أو 504

الكلمات الدلالية لهذا الموضوع

المفضلات

المفضلات

ضوابط المشاركة