موديلات 2009 جديدة تماما
انا كنت حاجز عربية 2008 واضريت انتظر ثلاث اشهر للاستلام وجبت واسطة علشان استلم لانهم كانوا عايزين ياخروني شهرين كمان نتيجة ان خط التجميع شغال علي الاسبرانزا الصيني
العربية بتنتج تقريبا كل ثلاث اشهر وبالحجز من ابو الفتوح والاولوية في الاستلام للمعارض والتجار (لانهم بيرشوا بتوع المبيعات) لاني عرفت بعد كده انهم سلموا ناس تانية حجزت بعد مني بفترات طويلة ولكنهم بيفتحوا مخهم مش عبط زي حضرتي
المهم النوبيرا من سنة 2001 (اخر موديل فيها) لم يتم عمل اي تعديلات تكنولوجية في السيارة وتم نقل خط الانتاج لاوكرانيا تحت اشراف جنرال موتورز
السيارة ممتازة كمعادلة القيمة بالنسبة للثمن ولا توجد سيارة اخري في السوق المصري تقدم هذه الامكانيات وتلك الفئة الكبيرة والاداء المتفوق بهذا السعر
، الصيانة في التوكيل مقبولة ويجب عليك متابعة الصيانة جيدا (العمال والمهندسين مصريين مش ملائكة يعني الكروتة والاستهبال امر واجب عليهم وعلي كل مصري اصيل شرب من نيلها وقاعد بيغنيلها) ولكن اذا كنت مستخدم جيد للسيارة وعندك خبرة كافية ستحصل علي ما تريد منهم
عيوب السيارة الاساسية الاستهلاك العالي للوقود بالمقارنة بفئتها ووزنها (استهلاك قريب جدا من الماتركس)
احد عيوبها الرئيسية في وجه نظري وهو ميزة بالنسبة للاخرين نعومة العفشة الفائقة والتي تؤثر علي ثبات السيارة في المعطفات الحادة والحركات المفاجئة(العربية بتروح في اتجاهات غريبة وتحتاج لمهارة علشان تلم السيارة والا هتلبس في اي حاجة) ولكن في القيادة العادية السيارة ناعمة جدا ومريحة جدا
واي خدمة
ملحوظة :المعلومات السابقة تعبر عن راي شخصي ماخوذ من خبرة تشغيل حقيقية لسيارة موديل 2008 وربما تتوافق او تختلف مع اراء افراد اخرين قامو باستخدام تلك النوعية من السيارات