عرض للطباعة
ارجو معرفة
- انواع الدهانات المستخدمة فى رش السيارات ( بوية فرن ) واسعارها
- وتكلفة رش السيارة بالكامل فى حدود كام
- لو ها روش السيارة بالكامل لانى مغيير رفرف وكبوت اسيب الحوض زى ماهو ولا ممكن ارشه للنظافة .
- معروض عليا ارش العربية ببوية اوميجا ميتاللك وهاتتكلف تقريبا فى حدود 1700 فهل هذا الرقم مبالغ فيه .
سكينز تعتبر احسن البويات الميتاليك الموجودة فى السوق وسعرها يتراول ما بين 800 الى 1000 جنيه للكيلو, والعربية تقريبا بتاخد 2 كيلو الا ربع ودة طبعا غير الصنايعى والفرن.
اياك ورش الحوض لانه بينزل من سعر العربية جدا, طالما العربية مش مخبوطة فى الحوض يبقى مترشوش.
مش عارف الاوميجا نظامها ايه بس لما تشترى اى بوية هات الورنيش مستورد لان الورنيش هو الى بيدى اللمعة للعربية وبيحافظ على البوية لفترة اطول واعذرنى لقصر معلوماتى.
يا تري الورنيش ده عباره عن طبقه بتترش بعد الطلاء :?:
و لو هوه كده فعلا ممكن ارش العربيه ورنيش بس لارجاع اللمعان :idea:
كان عندي كام نقره صغيره و دكه في العتبه اليمين كل الناس بتقولي ما تعملهمش بس خانقني لو عملتهم علي البارد هل ده معناه اني مش لازم ارش اللي اتاكدت منه ان العتبه طبعا لازم تترش
و شكرا علي حسن استماعكم :lol:
نصيحه لله
متجيش جمب العتب لأن مفيش حد بيعرف يظبطه تاني وسيبها زي ما هيا
بص يا عم هانى تلميع العربية بيبقى من غير الورنيش فيه بوليش للتلميع و أنا متعود ألمع عربيتى كل فترة لأنها سودا و ما ادراك ما الأسود فى مصر المحروسة اما الورنيش ده فده اللى بيسبت البوية الميتالك و يديها اللامعة بتاعتها و موضوع التلميع ده باعملوا فى بورسعيد و بيتكلف حوالى 70 جنيه بس العربية بتبقى بعديه عروسة و لحد دلوقتى لمعت مرة واحدة و بتاع الدوكو بالمرة بياخد معاه الخدوش الخفيفة و بتبقى العربية تحفة أما بالنسبة للعتب ما حدش هايعرف يعمل فيها حاجة لو علبة مقفولة أما لو مفتوحة فهاتبقى عاوزة سمكرى كويس و اللى أعرفه و ممكن يعملها برده فى بورسعيد بحكم شغلى هناك و آسف للإطالة. و يارب أكون أفدتك.
و رمضان كريم
هانى أبو عبدالرحمن
جزاك الله كل خير
همه في مركز الخدمه قالوا لي انهم ممكن يعملوها و ترجع كويسه مش عارف حاجه اسمها شفط
يبقى العتب علب يا باشا و كده مفيش سمكرى يعرف يعمله و بالنسبة للشفط فى واحد فى الحرفيين بس ما أعرفش فين و لا إسمه إيه ممكن تسأل كريم منير ممكن يكون عارفه و التلميع بيخلى العربية جديدة تماما خصوصا لو سوده المهم يبقى الصنايعى كويس و أى خدمة يا هن :D
يا جماعة احسن حاجة بعد ما العربية تتغسل كويس و اي مركز للعناية بالسيارات يبقي تتشمع بمادة كده بتعمل عازل بين سطح العربية و العوامل الجوية و المادة دي اما سبراي او مثل الورنيش و افضلها نوع امريكي اسمه ترتلز و علي غلافه رسمة سلاحف تستخدمه و تنسي اي اتربة علي العربية لانه بيزحلق الاتربة او بفوطة صغيرة تلاقي الاتربة في خبر كان
التشميع ميزته انه بيحافظ علي لون العربية الحقيقي و العربية تحتفظ برونقها لاطول وقت ممكن
محمد فهمي
بص ياسيدي
أولا عربيتك 323 تاخد كيلو نص بوية و (كيلو ورنيش و نص كيلو مصلب) يترشوا يعد البوية على طول في الفرن
و السعر اللي انت سمعتة دة 1700 جنية كتير جدا في رش العربية بوية أوميجا
وبالذات ان اللي انا فهمتة ان العربية مافيهاش شغل كتير و انك بترشها نضافة يعني مانتاش مسمكرها و لا جايبها عالصاج
وموضوع العتب دة ممكن تعملة و ترشة على قدة بس بدون ماترش اي حتة تانية في العربية
و اياك ثم إياك انك ترش حوض العربية
مافيش حاجة اسمها رش نضافة لحوض العربية
دي كلمة ابتدعوها تجار العربيات علشان يداروا ان العربية مرشوشة لحادثة
و اأكد علشها بتوع الدوكو علشان يسترزقوا
لو عاوز ترش العربية ب 800 او 900 جنية روح أربعه و نص من على طريق السويس و خش يمين قبل الجامع في شمال و اخر الشارع يمين و بعدين إسأل على "علي دوكو" و قولة انك صاحب أدهم و عاوز ترش العربية بوية فرن أوميجا و قولة أدهم بيقولك و فر و ماتعليش في العربية و قولة ان انا قلت لك ان على حايعملها ب 800 او 900 جنية
و الواد دة شغلة نضيف بس انت ماتتكلمش معاه كتير و فهمة انك عاوز شغل نضيف و ماتدفعش غير نص التكلفة عربون و الباقي عند الاستلام ماترغيش كتير معاه علشان هوة خبيث و حايشتغلك في الفلوس لو حس انك مش فاهم قوي و زبون
كيلو البوية الأوميجا بحوالي 60 جنية او 70 جنية و الورنيش بيبقى أغلى شوية ماتخليش الناس دي تشتغلك
ولو عاوز بوية نضيفة و مش غالية فية بوية علي عارفها اسمها سبيس هيكر ألماني بنجيبها من الحرفيين من ممدوح بتاع البوية قول لعلى أدهم بيقولك اعملها سبيس هيكر و مش حاتزيد غير يمكن 100 او 150 جنية بالكتير
ويا تر يا ا/ borgelharm
التشميع دا ينفع انا اعمله ولا لازن واحد بتاع دهان ورش
وبيتباع فيه وتمنه كام؟
وشكرا مقدما
على فكرة البولش بتاع تلميع العربية بيتعمل للعربية كلها ب 30 جنية بالكتير وممكن ب 25
مش لدرجة 70 جنية أبدا حرااام
معلش نسيت أقول إن كان فيه حاجات تانية مع التلميع و كمان ده شامل سعر تمن بوية سكينز ميتالك نفس لون العربية و بقشيش الصبيان :Dاقتباس:
المشاركة الأصلية كتبت بواسطة Adham
ثمن كيلو بوية فرن ميتاليك + ورنيشها و مصلبها لو ماركة سكينز تمنها فوق ال 100 جنية لوحدها
دي اكيد بوية اوميجا مش سكينز
تمن مش ثمن يعنى 0.125 كجم :lol: و التلميع مش محتاج و رنيش و مصلب
ايوة انا عارف و 1/8 كيلو سكنز ميتالك بالورنيش والمصلب بتاعه بيعدي ال 100 جنية
البوية الميتاليك بيبقى ليها و رنيش و مصلب يا أبو عبدالرحمن مش من مستلزمات التلميع انا ماقلتش كدة
يا عبدو كيلو السكنز الميتاليك بيعدي ال 800 جنية اصلا :lol:
انا اخر مرة جبت ربع سكينز كان بـ 200 جنيه بورنيشه , الكلام دة كان من 8 شهور تقريبا.
ماختلفناش ماهو لما الربع يبقى ب 200 جنية يبقى الثمن ب 100 جنية و الكيلو يبقى ب 800 جنيةاقتباس:
المشاركة الأصلية كتبت بواسطة Abdallah
طيب يا جماعه اعذروني لتدخلي بس عندي سؤال ، هو الورنيش للبوية الميتالك فقط ولا كمان للالوان العادية ؟ ، ولو انا مش عايز اشمع العربية وعايز حاجة تدوم مدة اطول ينفع أرش ورنيش بس على البويه القديمة ؟
وشكرا
الورنيش للبوية الميتاليك وبس
و بيترش عالعربية في الفرن بعد ماترشها بالبوية الميتاليك بدقايق
يعني بيبقى طبقة تانية فوق اللون بتاع العربية
الالوان السادة بيبقى ورنيشهها منها فيها
و ممكن لو العربية ميتاليك و الورنيش مع السنين و الشمس و الغسيل اجرب و بيقشر تقوم تسحق العربية بصنفرة ناعمة قوي 400 مثلا و ترشها ورنيش تاني في الفرن
ترجع تمام التمام
بس دة لو البوية اصلا تحت الورنيش كويسة مش متجرحة و لا مجرٌبة و لا فية خبطات في العربية
أ/ادهم لو هرش تمبرا ببويه اوميجا ميتالك وانا اللي هجيب الخامات وادفع ايجار الفرن تتكلف كام خامات وكام مصنعيه
تمام يا رجاله بس ولو العربيه سلفر وعايز ارجعلها المعه بتعتها يبقى ايه الحل
وايه نوع الورنيش وبيبقى فى حدود كام
تحياتى
ياجماعة انا عايزة افهم انا عربيتى لادا 2107 مو 97 عايزة ارشها من برة بس لانها متجرحة جامد و لونها نبيتى اجيب بوية اسمها ايه؟ و عادى ولا ميتالك؟ و بكام الموضوع دة كله؟ ياريت تردوا عليا بسرعة
ايوه فعلا هو ممكن الواحد يعمل الموضوع بتاع التشميع ده بنفسه
السلام عليكم
الاكسيل تاخد كام كيلو بوية ؟
طب هلا لفرق بين اللون العادى والميتالك كبير ولا بسيط
انا كنت قبل كده عملت 128 ب 600 ج ومكنتش عجبانى وكانت اى تراب يلزق عليها وكانت بترهقنى فى النظافه ؟
هل في نوع بوية عادى بس يكون سهل ا لنظافه ولا لازم ورنيش الميتالك ؟
وهل ممكن اللون العادى يتورنش ؟
وايه افضل نوع بوية ويكون وسط مش عالى اوى ولا رخيص اوى ؟؟؟؟
وشكرا جزيلا
شكرا لافادتكم لينا بس انا حبيت اعرف ايه احسن انواع البويا الميتالك هل مفيش غير اوميجا وسكينز ولا في نوع تانيوتتكلف كام بورنيشها مع العلم اني معايا فولكس بيتلز وكنت عايز اعرف اسعار الخامات ايه وافضل الخامات ايه وعايز اعرف متوسط اسعار ايجار الفرن ويا سلام لو صنايعية كويسة وتبقوا مشكورين اوي:36_1_50[1]::36_1_50[1]:
فيه كابسى برده
ها انتو فين
متابع