أصحاب السيراتو .. أرجو الإفادة

**seniorelza** · 27-04-2009 09:14 AM

الإخوة الأفاضل
الموضوع بسيط ولكن مزعج جدا .... خاصة الساعة 3 الفجر لما أكتشف إن عربيتى عامله فرح بجهاز الإنذار وأنزل من الدور الرابع علشان أشوف إيه الحكاية .... المشكلة إن الإنذار بيشتغل لوحده وبمزاجه ومش عارف إيه السبب
لو ممكن حد من الإخوة يعرف الإنذار مكانه فين وهل ممكن أوقفه أو هل الإنذار له درجات إستشعار بحيث مايشتغلش غير لو حد حاول يفتح العربية .... مع العلم إن الإنذار ده مزود بالعربية من المصنع مش مركبه وبيشتغل مع الكلاكس
أرجو الإفادة قبل ماحد من الجيران يحاول يتخلص منها ....

**Mina W** · 27-04-2009 11:23 AM

اكيد فى حاجة غلط، اولا الانذار عادة بيكون له جهاز للتحكم فى الحساسية، علشان مثلا قطة بتنط على العربية متخليهوش يشتغل.
تانى حاجة ممكن يكون فى مشكلة فى الانذار نفسه ده اى حد بيشتغل فى تركيب الاجهزة ممكن يشوفه بس طبعا الافضل تروح للتوكيل مدام العربيه جايه بيه

**seniorelza** · 27-04-2009 03:39 PM

شاكر جدا إهتمام حضرتك ... بس هو فين جهاز الإنذار وأقدر أتحكم فيه إزاى .... هى دى المشكلة ... الحل التانى يوم أجازة ومشوار لغاية التوكيل على موضوع زى ده ... لو حد من الإخوة عنده السيراتو وعارف مكان الإنذار ويفيدنى أكون شاكر ليه جدا