شمسية للدركسيون ب 4 جنيه وربع فى كارفور الصحراوى

السلام عليكم و رحمة الله و بركاته يا أهل المنتدى الكرام :)
النهارده كنت فى كارفور الصحراوى و لقيت شمسية الدركسيون كنت بدور على النوع ده من فترة و ماكانش موجود فى الأماكن اللى بدور فيها , هى عملية جدا شكلها حلو و تنفع جدا لو بتركن عربيتك فى الشمس مدة طويلة فمن من ناحية تحافظ على جلد الدركسيون و من ناحية مايكنش سخن ملسوع ماتعرفش تمسكه أول ماتركب العربية و تمنه 4 جنيه و ربع و طبعا صنع فى الصين فلو حد محتاجه يلحقه لأن الكمية مش كبيرة و لو حد محتاج و جاى الفطار أنا ممكن أجيبهاله معايا و انا تحت أمركم. و السلام عليكم ورحمة الله و بركاته.

http://www5.0zz0.com/2007/09/20/20/45657698.jpg

http://www5.0zz0.com/2007/09/20/20/60991946.jpg

سمسم حبيبي هي الشمسة ديه عليها رسمة معينة أو علامة لانسر مثلا ولا لأ ؟

لا يا سمسم معليهاش اى رسمة أو علامة لانسر , هى سادة خالص ذى فى الصورة بالضبط خامتها نفس خامة الشماسة الكبيرة اللى بتفردها على الزجاج الأمامى من الداخل.

والله كفاية شعورك ده

هي دي رسالة Nile Motors

شكرا يا أسلام باشا

اخي المواطن
حذر فزر اسلام المصري كان في كارفور بيعمل ايه

1-بيضرب ديك رومي في الاوكازيون
2-بيجيب تموين شهر رمضان تاني بعد ما التموين خلص في اول اسبوع
3-بيتسلي بالفرجه علي الاكل
4-كل ما سبق

عزيزي المواطن جاوب ممكن تكسب مكان جنب اسلام في الفطار و اهو كله في سبيل الدايت

العفو يا بايو على ايه :) ده أقل واجب تجاه NILE MOTORS وأعضائه الكرام الأفاضل أنا أخدمكوا بعنيه.

اقتباس:

---

المشاركة الأصلية كتبت بواسطة AlmAhAtmA

اخي المواطن
حذر فزر اسلام المصري كان في كارفور بيعمل ايه

1-بيضرب ديك رومي في الاوكازيون
2-بيجيب تموين شهر رمضان تاني بعد ما التموين خلص في اول اسبوع
3-بيتسلي بالفرجه علي الاكل
4-كل ما سبق

عزيزي المواطن جاوب ممكن تكسب مكان جنب اسلام في الفطار و اهو كله في سبيل الدايت

---

هو فعلا التموين نقص شوية مع انى من أسبوع لسه شارى التموين بتاع رمضان :D :D :D هى الفرجة على الأكل جميلة الصراحة :) الدايت مش نافع معايا خالص للأسف :(

شكراً يا باشا، بس انهي كارفور الصحراوي دة؟؟ الي فى داندي ولا اللي في المعادى؟

أنا كده فهمتك ياإسلام أنا كنت فاكرها الشمسية اللي بتتفرد على التابلوه كله وكان نفسي في واحده عليها علامة لانسر بدور عليها مش لاقيها خالص .

اقتباس:

---

المشاركة الأصلية كتبت بواسطة Nader

شكراً يا باشا، بس انهي كارفور الصحراوي دة؟؟ الي فى داندي ولا اللي في المعادى؟

---

أسف على عدم التوضيح يا نادر , انا أقصد كارفور داندى مول اللى عند كارتت مصر أسكندرية الصحراوى.

والله لو لقيت واحده قصادى هاجيبهالك على طول يا سمسم , واللى يجيبلك الخبر اليقين اذا كانت موجودة أساسا ولا لأ سبير كار.

هما السماسم مقضينها مع بععض وكمان هاني قال يعدى على كارفور وهو مروح يجيب شوية حاجات بدل ما يدخل البيت ايدة فاضية
:lol: :lol: :lol: :lol: :lol: :lol: :lol: :lol: :lol: :lol: :lol:

والله هيا حلوة يا اسلام بس لو العربية فاضية شوية اصلي حاسس ان عربيتي بقت زحمة جدا جدا
ربنا يكرمك وتشوف العيل التاني كدة يابو جومانة وتشوف هايروقك ازاي

الا بقولك الدندي اللي جبتة لو عايز اعملهولك عالفطار يوم المقابلة قولي وانا اجيلك اخة منك في اي حتة
اصلي عازم العيلة قريب وعايز احطة منظر عالسفرة بقى وانت فاهم وما تقلقش هارجهولك يوم المقابلة مش ناقص كتيررررررررررر
:lol: :lol: :lol: :lol: :lol: :lol: :lol: :lol: :lol:

ولو عايزنا نظبط انا وانت ومهاتما دندي لوحدنا يوم المقابلة شغال قول والفرد مش هايزيد عن 100 :mrgreen: :mrgreen: :mrgreen:
ده بصلحة الزينون طبعا يا اسلام باشا شاهين مش ناسي حقك يا شقيق بس ينوبني من الجنط جانب :wink: :wink: :wink:

معاك حق يا كريم موضوع الزحمة اللى فى العربية ده مشكلة , لازم الواحد كل فترة يعمل عملية ترتيب و تنظيف , الحمد لله العملية عندى رايقة , يمكن علشان الخروجات العائلية مش كتير مرة فى الأسبوع بس :) فى الفطار هبقى أفرجك على شنطة عربيتى ان شاء الله , هى كده من ساعة ماجبتها.
عيل تانى ايه يا كريم :) خليك فاعل خير :wink: ده الواحد يجيب ميكروباص صغير بعد كده :) الحمد لله على كل شىء بس الموضوع ده متأجل حتى يسود السلام فى الشرق الأوسط :lol: :lol:
والله انا أشجع فكرة الدندى جدا :D :D بس ديه كده هتكون وجبة دسمة جدا جدا :) خليها خفيف خفيف أحسن لحسن الاخوة الأعضاء ياخدوا فكرة غلط عننا :D

شكراً يا باشا