الموضوع: تركيب انذار سيمفوني للانوس الكاملة

السلام عليكم ورحمة الله وبركاته

يوم السبت رحت التوفيقية عشان اشتري انذار
اول حاجة دخلت عند بطاح لاقيت نوع صيني اسمو SPY ب 150 تقريبا وعندو SUN-IV تقريبا ب 170 (مش فاكر اوي لاني مكنتش مهتم بيه) وحسيت ان الدنيا مش تمام

كنت دورت علي النت ولاقيت موقع للشركة العالمية للتوكيلات توكيل Symphony
الموقع: Symphony Alarm
اماكنهم:
- مول التوفيقية: 14 ش التوفيقية - محل 33
باقي العنوانين موجودة علي الموقع عشان مبقاش بعلن عنهم, هنا :service center

سالت عن الاسعار قالي 160 للجهاز V500
انا رايح فاكر انهم بيركبوا ولكن طلعوا مش بيركبوا
قلت اسالهم علي فرع تاني بيركب قالولي ليهم فرع في ش النزهة ميدان سانت فاتيما قلت لازم اكلمهم واسال
كلمتهم قالولي ال V500 ب 225 بالتركيب
اشتريته فبعتني لواحد قدامهم عشان اركبه المهم طلع كهربائي ومستريحتلوش قلت اركبه في مكان اعرفو احسن (علي فكرة قالي 30 جنيه تركيب )

رحت لمحل اكسسوارات اسمه نور في ش جسر السويس بيركب انذار (علي ناصية ش قسم عين شمس)
سالته بكام تركيب انذار سيمفوني علي عربية دايو قالي 35 جنيه وهحتاج قربة سنتر فيه نوعين
صيني ب 25 وتايواني ب 35
ده المحل:

قلت توكلت علي الله ركب
الصنايعي اخد وقت بصراحة لانو ركب سلك في مكان غلط بس بعد كده اشتغل

الصور:

صورة العلبة:


صورة السارينة بتاعته:


صورة الوصلات :


هنا فك فيبر الباب عشان يركب اربة السنتر(المسئولة عن فتح السنتر من الريموت) وطبعا عمل خرم صغير عشان يثبتها في صاج الباب الداخلي


دي صورة الاربة:


واخيرا ده شكل الريموت(2 ريموت):




بس سلاح الريموت هيتغير عشان يتعمل علي كونتاكت العربية
الجهاز فيه خواص ممتازة
ومنها:
- بعد ما تفتح وتدور وتمشي السنتر بيقفل مع اول دوسة فرامل
- لما تقف وتبطل الموتور السنتر بيفتح
- فيه امكانية فتح الشنطة(لما تكون كهرباء)
- فيه امكانية البحث عن السيارة(بيدي صوت وفلاشر)
- امكانية الغلق الصامت
- المفروض انه يتوصل علي دايرة الكونتاكت عشان يفصل الكهرباء عن الكونتاكت والعربية متشتغلش لما تتفتح بغير الريموت بس الراجل قالي هتحتاج كتاوت وفيلم وممكن يعمل مشاكل (لو حد جربها يقولنا)
- فيه امكانية منع الخطف (بتدخل الانذار في مود معين تخليه يمنع ان الموتور يدور لحد ما تلغيه من الريموت (ده في حالة ان العربية مفتوحة اصلا)
- اعتقد ممكن برمجة ريموت اخر عليه وان شاء الله هجيبلكوا خطواتها

ياريت اكون افدتكو لاني انا كمان مكنتش عارف ايه اللي بيحصل
صاحب المحل اداني معطر جوزة هند صغيرة وعلقتها في مراية الصالون وشغالة الحمد لله

وربنا يكفينا ويكفيكوا شر الناس