المشاركة الأصلية كتبت بواسطة SuccessCre8or
الأخ العزيز حسام Optrawy .. اتفق معاك في الرأي
هو بس في حاجة انا عايز اضيفها و شايف انها مهمة جداً ... التسويق و الإعلان و قيمة الماركة Brand Value...محدش يعني فكر ان الكلام دا له تأثير على أسعار العربيات !!
في فرق بين كبير بين المستهلك الاوروبي/ الأمريكي و المستهلك العربي ... الناس دي فاهمة كويس جدا معنى كلمة الـــbrand value و ما يتعلق بيها .. و اللي بدورها بترفع من سعر العربية ( برتفعه جداً في رأيي بالنسبة للتويوتا بالذات .. قيمة ماركة تويوتا غاية جدا و اعلى من شركات تانية اوروبية و امريكية ) ... و بما أن المستهلك هنا مش فاهم او مش دارس للتسويق و الإعلان , , إلخ ... لما يشتري عربية مش هيكون واخد باله من النقطة دي ... بينما أنا مثلاً لو فكرت اشتري عربية .. سوف اختار اللتي تعطيني احسن قيمة مقابل السعر او best value for money .... و دا بما إني درست للتسويق و الإعلان و بالتالي بصراحة تويوتا دي اخر إختيار هفكر فيه ... لأني بصراحة بكون شايف اني بشتري ماركة و ليس عربية ... دا بالإضافة اني شايف ان موديلات تويوتا من بعد عام 2000 تعتبر عك بالنسبة لتويوتات التسعينات !! و هشتري كيا او مازدا او هيونداي او بروتون طالما انا شايفهم best value for my money !!!!
في نقطة عايز اتأكد منها ... اني اعرف المنتجات الياباني توضع في شريحة جمركية اعلى من غيرها ... ( يا ريت حد يصحح لي لو غلطان )
موضوع يابني احسن من كوري ان مش مقتنع بيه بصراحة ... خاصة اننا منعرفش العمر الإفتراضي للسيارات الكوري الحديثة ( يعني هل تعرف إذا كانت الإلانترا معمرة زي اليباني ولا لأ ؟؟ طبعا محدش يقدر يقول انها بتبوظ مثلا بعد سنتين !! ) ... النقطة هنا اني شايف ماركتين اتنين مميزين في اليباني ... هوندا و سوبارو ... غير كدا مش مقتنع بحوار الكوري اوحش من الياباني ... انا مش بعمل حرب عالياباني ... انا بتكلم انا هشتري اية بالفلوس اللي معايا ....وبالنسبة للسيراتو ... بــ126 الف انا شايف انها BEST BUY...
شكراً