الموضوع: بخصوص النيو سيراتو , أرجو المشاركه من الجميع !!!

السلام عليكم

الموضوع ان من ساعة ما السيراتو الجديده نزلت وعليها جدل كبير اوى من اعضاء المنتدى

وانقسموا بين مؤيد ومعارض

وطبعا ده شئ طبيعى لأن لولا اختلاف الاذواق لبارت السلع

وفى ناس كتير مستغربه من الضجه اللى حاصله على العربيه وشايفين انها ماتستاهلش وشكل على الفاضى وطلعت ولا نزلت عربيه كورى

انا فى الموضوع ده هاقول وجهة نظرى واحاول اوضح ليه الضجه دى على العربيه وتستاهل ولا لأ

مبدأيا كدا بصفه عامه لما حد بييجى يشترى عربيه بغض النظر عن احتياجاته الشخصيه اكيد بيبقى عايز اكتر كماليات مع اقل سعر صح ؟

ولكن مع الكماليات والسعر طبعا يشترط الجوده يعنى الحاجه تبقى كويسه ومحترمه

مش نروح نجيب صينى يبقى كماليات وشكل ومفيش جوده

نيجى للسيراتو بصفه خاصه فيها عوامل نجاح كتير

كماليات كتير بسعر معقول وفى نفس الوقت فى جوده فى الصنع ( مش صينى يعنى )

موتور قوى 124 حصان اقوى من عربيات يابانى كتير والمانى كمان

ومع ان موضوع الشكل اذواق الا ان اغلب الناس لا يختلفوا ان شكلها تحفه بجد

عربيه بتتباع فى العالم كله ولها اسمها

من العربيات القليله اللى نزلت مصر كامله من غير مايتشال منها حاجات

العربيه وكيلها فى مصر محترم ومدى ضمان 5 سنين او 100 الف كم

ولو هنيجى فى مقارنه فعليه بينها وبين بعض العربيات اللى نفس الفئه السعريه

وانا هاذكر العربيات اليابانى بالذات لان دى برضه اللى حصل عليها الخلاف

مثلا السيفيك والشارك والكورولا والمازدا

عربيات تحفه بكل المقاييس ميختلفش عليها اتنين

السيفيك الكامله ب 188

الكورولا 160

الشارك 155

المازدا 145

السيراتو 126

الفرق يتراوح بين 19 الف الى 62 الف

وفى كمان كماليات فى السيراتو مش موجوده فى اعلى فئات فى بعض العربيات

لو انت شايف ان فرق الفلوس ده يساوى الفرق بين الصناعه الكوريه واليابانيه

دى تبقى وجهة نظرك وانت حر فيها وانت شايف ان ده احسنلك ومبروك عليك

وانا شايف ان احسنلى السيراتو

لانها هتديلى كل اللى فى السيفيك مثلا وممكن يبقى فيها حاجات اكتر واحسن واوفر ال 62 الف اللى هما طبعا لا يساوو الفرق بين الكورى واليابانى من وجهة نظرى

الفرق بين الكورى واليابانى دلوقتى يكاد لايذكر

الكورى جودته كويسه مش صينى يعنى

مايستاهلش ابدا فرق الفلوس ده

بس مش معنى ان انا مثلا بافضل السيراتو عن السيفيك وكورولا والشارك والمازدا والتيدا ان هى افضل منهم كلهم

لأ هى افضل بالنسبه ليا انا كشخص

هاخد كماليات وجوده فى الصنع بسعر معقول

وافضل لكل واحد بيفكر بطريقه منطقيه ومش متعصب لليابانى وخلاص

لانى بشوف ناس رأيها انها تركب حاجات يابانى ومستعمله كمان بكماليات اقل لمجرد انها يابانى

حتى لو فرق فى الخامات زى ما اغلب الناس بتقول فالفرق مايستاهلش

وفى الاخر دى وجهة نظرى وتحمل الخطأ والصواب

ووجهة نظركم جميعا تحترم طبعا

وفى انتظار ارائكم

_____________________
تم النقل لكيـــــــــا
مشرف العـــــــــــام