لا انصح أى من ملاك إمبريزا بمحاولة تغيير زيت المحرك أو أى نوع من الزيوت خارج التوكيل ومراكز الخدمة المعتمدة .. ليس لصعوبة العملية ولكن لأن ده ممكن يخرج العربية من الضمان ....
-
ولكن الموضوع ده عملته كنوع من المعرفة فقط لملاك موديلات 2008-2009 ... عن طريقة تغيير الزيت فى الموديل ده ...
---------------------------------------
العملية سهلة جدا كأى عربية .... ولا تستغرق أكتر من 15 دقيقه ...
-
حتحتاج مفك صواميل 20مم .. ومفك عادة لفك الكليبسات البلاستيك ومفك صليبة
-
وطبعا زيت محرك جديد ........
(( طبقا لسوبارو يتم تغيير زيت المحرك فى الظروف العادية كل 15000 كم أو 12 شهر " أيهما أقرب " لكن بصراحة شايف إن تغيير الزيت كل 5000 كم هنا فى مصر كتير شويه .. لكن ده السبيل الوحيد لاستمرار الضمان على السيارة ..
------------
مركز خدمة سوبارو يستخدم Mobil1 وهو المستخدم فى معظم مراكز خدمة سوبارو حول العالم .. وإن كان البعض يفضل زيوت شل العالمية ..
------------
-
1-
يفضل رفع السيارة لتسهيل العملية ..
لو نظرنا لمقدمة العربية من تحت حتلاقى غطاء بلاستيك أسود لحماية الموتور .. حنفكه
الغطاء ده ماسك بصامولة من وراء وكليبسين زى الصورة

---------
ودى صورة أقرب للكليبسين اللى وراء ده ويتم فكهم بسحبهم من بعض بكل سهولة

-

وعلى كل جنب حتلاقى كليبس صغير .. واحد على اليمين وواحد على الشمال زى الصورة يتم فكهم بمفك عادة

-
باقى مسمارين فى الأمام

-------------------------
وشيل الغطاء البلاستيك .. ( محدش عارف أهمية الغطاء ده قدى .. هو اللى حمى العربية من تحت لما خبطت و أنا بأركن تحت الكوبرى عند سبير كار وكان المطلع اللى عاملينه بجد سيىء جدا)
-
المهم ده المنظر بعد فك الغطاء ...

-((( الدايرة فى الصورة على الشمال على فتحة خروج الزيت ... )) واللى على اليمين ده طبعا الفلتر
-
طبعا لو حتفك ... تكون العربية مبطلة و يفضل تكون باردة ...وتكون حاطط طبق كبير لاستقبال الزيت
-
ولو عايز تفك الفلتر لتنظيفه فكه عكس عقارب الساعة وشد لتحت
-

-
بعد تفريغ الزيت .... إققل و رجع الغطاء تحت العربية مكانه .. وإملأ الزيت الجديد من الكابوت
-..
--------------
معلومة أخيرة كده .. شوف المجتمعات المتحضرة بتعمل ايه فى الزيت اللى خارج من العربيات ..

-ده Oil Eater
بيشفط الزيت اللى خارج و يقفلوا العلبة الصغيرة دى تانى ويبعتوه لمصانع تعيد استخدامه .. و عمار يا مصر
---------------------------------------
-
تم بحمد الله
-