بصراحة انا مش عارف حساسات اية دى على العموم الاسباب الشائعة والمتكررة لرعشة او رجة الموتور وتوقف الدوارة
1- اذا تم غسل السيارة والموتور ربما يوجد بعض الماء موجود فى فتحة البوجية ودة يخلية لا يعمل الحل تجفيف البوجية بالهواء المضغوط
2- يوجد سلك من اسلاك البواجى المتصلة مع الكويل غير سليم للكشف علية تدورى السيارة وتفكى واحد وتقربية من البوجية اذا لقيتى شرر كهربائى يعنى السلك دة سليم واذا كان غير ذللك يعنى السلك دة محتاج تغير
3-اذا كانت الرجة تشعرى بيها وانتى على السلانسية يعنى بدون ما تدوسى بنزين لكن لما تمشى بيها وتدوسى بنزين تختفى يعنى وربما واحد من كراسى الماكينة الكاوتشة بايظة الحل تغير الكرسى دة فى اسرع وقت ممكن
4-البوجى نفسة مصدى ومش شغال نهائبا
5 - فلتر البنزين مسدود ومحتاج يتغير
6- طلمبة البنزين لا تعمل بصورة جيدة والعيب دة يظهر دايما فى بداية التشغيل او مع السرعة العالية
7- بنزين مخلوط بالماء او بالديزل والعيب دة تنفرد بية مصر حسبى الله ونعم الوكيل
8- واذا حصل دة يعنى ادمرت بخاخات البنزين داخل الموتور وممكن توصل الى عمرة كاملة ودة بيظهر مع البداية التشغيل والسرعة المنخفضة والعالية
9- لسبب ما ضغطة السلانسية قلت بالتالى قلت نسبة البنزين فى بداية التشغيل مما يودى الى رجة وتوقف الموتور ولا يدور الا لما تدوسى بنزين مع الدوارة او بعد عدة محاولات للدوارة
10- نوعية بنزين غير مناسبة للسيارة
11- فلتر الهواء يؤدى ايضا الى رعشة وتوقف فى بداية الدوارة افتحية ونظفية بالهواء المضغوط او تغيرة يكون افضل بس نظفية الاول وشوفى يوجد تحسن او لا
12-منظم الهواء موجود بعد الفلتر (يمكن دة المقصود بالحساسات )اذا امتنع تماما عن العمل لن تتم الدوارة ابدا لان لايوجد هواء رايح الماكينة اما اذا كان غير منتظم ويحتاج تغير سوف يؤدى فعلا الى رجة وتوقف للدوارة طيب نعرف اذاى انة دة هى المشكلة فى الحقيقة صعب جدا بدون كشف كومبيوتر فى التوكيل
ودى تقريبا خبرتى فى الموضوع دة
طيب نرجع الى موضوع الحساست دة فى الحقيقة اذا المقصود السنسور يوجد سنسور حساس الكامة ودة موجود فوق الماكينة تقريبا تحت او امام فلتر الهواء ودة لايسبب رجة ولكن تتوقف الماكينة عند تخفيض السرعة مع السرعة المنخفضة او فى المنحنيات ودايما تحصل عند الاشارات
حساس الكرنك يوجد اسفل الماكينة ودة ايضا لايسبب الرجة فى البداية ولكن يجعل الماكينة تتوقف مع السرعة العالية طبعا مع رجة
المفضلات