طبيعي بس كدا الشد بيها بقى اكيد بطيييييييييء موت ولا ايه؟؟اقتباس:
الثبات كان ممتاز بال 14
الفرامل اتحسنت نسب بسيطه لكن مش حلوه اوى برضو
جربتها بال 16 اكاد جزم ان العربيه بقيت عربيه تانيه خلص من حيث الثبات او الفرامل
طبيعي بس كدا الشد بيها بقى اكيد بطيييييييييء موت ولا ايه؟؟اقتباس:
الثبات كان ممتاز بال 14
الفرامل اتحسنت نسب بسيطه لكن مش حلوه اوى برضو
جربتها بال 16 اكاد جزم ان العربيه بقيت عربيه تانيه خلص من حيث الثبات او الفرامل
بالعكس الشد كان احسن بكتير لان الجنوط الجديده خفيفه بالتاى الحمل على الموتور خفيف
و طول ما الاوزان الغي منبوطه كان خفيف يبقى اداء الفرامل و التسارع احسن
ياشباب ازاى تجيبوا العيب علينا دى عربيه ساقطه فى اختبارات التصادم وكفايه اللى بنشوفه منها على الطرق وده يخلينا نحكم عليها كويس
بأمانه اللى عمل العربيه دى مابيفهمش اى حاجه فى اى حاجه
العربيات دى مش بتتصنع كده اى موتور على اى شاسيه وخلاص
اهم حاجه بتحطها المصانع العالميه قدام عنيها لما بتصنع عربيه ان يكون جسم العربيه قادر على التغلب على قوه الموتور يعنى يكون الايرودينامك بتاعها عالى
(واطيه على الارض عشان تبقى اقرب من مركز الجاذبيه - وتكون عريضه اكبر مسافه ممكنه بين العجلات وده مثلا ليها تعلا اقف كده وحط رجليك الاتنين جنب بعض وخلى حد يزقك جامد اكيد هتقع بسهوله لانك مرتكز على حيز صغير من الارض غير لما تفتح رجليك وتخلى حد يزقك هيبقى ارتكازك اعلى وبالتالى ثبات اعلى - ده غير مداخل ومخارج الهوا وزاويه ميل البربريز الامامى والخلفى وارتفاع العربيه من ورا ) وكمان لو قلنا العربيه خفيفه وموتور كبير طب كبر الفرامل ظبط العفشه لكن ازاى بقى الكل فرحان ومبسوط
الله عربيهشكلها حلو وموتورها 1600 الله ورخيصه كمان وكله بيشترى
ياجماعه العربيه ساااااااقطه فى اختبارات التصادم وتعتبر ماخدتش ولا نجمه
نصيحه ماحدش يفرح بيها ويشتريها واللى عاجباه بقى ربنا يكون فى عونه
ياباشا العربيه واخه 3 او 4 نجوم فى اختبارات التصادم بصراحه مش فاكر اوى و هما غالبا 3
معلش انا داخل من الموبيل بكره ان شاء الله هاجيبلك الفديو بتعها
يعني هو الواحد لازم يمشي فوق ال120 و بعد كده يقول إن العربيه مش ثابته و فراملها ضعيفة
وأنا إيه اللي يخليني أمشي على السرعه دي أصلا , لا إمكانيات الشوارع عندنا تسمحلي بكده و لا الزحمه ولا مفاجئات السواقين تديلك فرصه للسرعه دي
ما نمشي طبيعي أحسن و بسرعه معقولة و إحنا نلاقي العربيه زي الفل
بالنسبه للاخ سام كار
كلامك فيه نقطه صح غبووووووررررررر هو فعلا توكيل سيى لكن سياره جيده
و هيه واخده 3 نجوم من 5
ايون 3 من 5
امل البريليانس اللى واخده صفر دى تعمل ايه
بس هيه حاليا مابقتش تاخد صفر غالبا 3 برضو
العربيات اللي متصورة على الفيس بوك دي ازاي معجونة كده...؟
انا مصدقتش وانا بتفرج عليها.... دي كارسة....
البودي بتاع العربية كأنة كرتون من حديد... في عربية لفة حلوين شجرة!!!! زي مايكون صنصال مش حديد!!!
فعلاً العربية دي عاملة زي غرفة الاعدام لما تدخلها احتمال ضعيف تطلع منها حي..
ربنا يستر على كل ملاكها..!
انا شايف ان الفيرنا زى اغلب العربيات اللى فى السوق من حيث الصاج
و لو حد شاف الموضوع بتاع حادثة الدائرى من كام يوم هيلاقى ان كل العربيات اللى فى الحادثة كان مصيرها واحد و كلها معجونة زى اللانسر و البيجو و الاكسيل و الفيرنا و النقل و المقطورة و الاتوبيس و .......
اعتقد ان الحوادث ما بتفرقش بين انواع السيارات فى الفئة المتوسطة دى فعلى كدا بقى المفروض يبقى الجروب اسمه كفاية عربيات بقى علشان يبقى فيه عدل
و لو الشخص اللى عمل الجروب دا فاضى شويه و نزل الحرفين و لف شويه هيلاقى اعداد لا حصر لها من اللانسر و التويوتا و الهيونداى و الهوندا و كل الماركات و كلها ربنا يعفينا معجونه و لا هى جت على الفيرنا و بقت العربية تشكل خطر على الشارع المصرى
انا بنكرش ان العربية فيها عيوب بس المفروض الواحد يعرف امكانيات عربيته و يعاملها على هذا الاساس و مش يعنى علشان موتورها 1600 يبقى لازم امشى على 180 و تبقى 100 % على الطريق و تبقى ثابته 100 % و فراملها 100% مع السرعة دى اعتقد ان دى معادلها صعبة التحقيق مع الفيرنا
و مع ذلك الفيرنا عربية ممتازة فى الفئه دى ( قطع غيار رخيصة - سهلة الصيانة - استهلاك بنزين معقول - شكل حلو ( اذواق ) ........
و اللى مش عاجبه الفيرنا فى اختيارات كتير ادامه فى نفس الفئه و لكنى لا اعتقد انها هتفرق كتير
و لا انتوا رأيكو ايه
يسلم زندك يا محمد مافيش كلام تانى
يعنى هى جت عالفيرنا ماهو الفيس بوك مليان جروبات و الشوارع مليانه عربيات.. و بصراحه العالم الحمير هما اللى جايبين سمعة العربية الارض,, ماشيين بيها 180 و 200 و مش عارفين امكانيات العربية و فى الاخر بيلبسوا. انا مش عارف ايه الميزة فى السرعات دى حتى لو فى سيفيك او باسات محدش يقنعنى انه هيقدر يتحكم فى عربية بتقطع مسافة 55 متر فى (((الثانية))) !!!!! و فى الاخر يقولوا الفرامل ضعيفة و ثباتها ضايع.. انا لما بقول كده لوالدى بيقولى و انت ايه اللى هيمشيك 120 طول الطريق؟؟؟ مش 180 و 200 :rolleyes2:
انا كل عائلتى واصدقائى وجيرانى هيونداوية - منهم حوالى 6 اكسيل & 9 فيرنا موديلات سنوات مختلفة والباقى النترا وجيتس ونيو اكسنت وماتريكس - اقلهم شكوى واكثرهم مديحا الاكسيل والفيرنا - وبعدين ازاى شركة عريقة زى هيونداى تتطور عربياتها من اكسيل لاكسنت ثم الفيرنا - ازاى يكون التطور للاسوأ - ومعروف والكلام من خبراء الطرق اى واحد كيلو متر يزيد عن 100 كم /س يفقد سيطرة السائق على سيارته مهما كانت كفائته ومهما كان طراز السيارة - انما واحد يروح يشد بعربيته بدل ما يشد شيشة ولا يتقى الله فى نعمة ربنا من بيها عليه يتمناها ملايين غيره لازم ربنا يعمله عبرة - وانا شايف الهجوم على الفيرنا من شركات منافسة الفيرنا مسحتها او من ناس ندمت انها لم تشتريها وشربت مقلب ماركات تانية - اتقوا الله لان دى شهادة ستحاسبون عليها - والفيرنا رغم انف الجميع ستبقى السيارة الاولى فى مصر لسنوات قادمة
بالله عليكم قولولى فين الشاسيه بتاعها فى الصوره اللى لفه حوالين الشجره؟ دى كأنها حته صلصال
؟؟؟؟؟؟؟؟؟؟؟؟؟؟؟؟؟؟؟؟
ياباشا ما الانوس هيه كمان يتتعجن عادى جدا جدا و الانسر برضو المهم السواق متحكم ام حمار
اى عربية جديدة كرولا او لانسر او فيرنا ولا لانوس ولا نيسان صنى ولا بونتو ولا جولف ولا باسات كلها 3 علب ، الثلث الاولانى اللى فيه الموتور متربط بصواميل فى مقصورة الركاب ومتربطة بصواميل فى الثلث الاخير اللى فيه الشنطة ، ولو اى جزء من الثلاثة لا قدر الله حصل فيه حاجة بيتفك ويتركب ثلث غيره بعيد عنكم ، اذن من اساسيات العربيات الجديدة انها تكون خفيفة ومافيهاش شاسيه (علب بس)
يبقى العيب موش فى الفيرنا العيب فى اللى اخترع النظام ده اساسا ، لان اى عربية من الماركات دى او غيرها اتخبطت بتتعجن زى الورقة المتكرمشة كلهم زى بعض ياعزيزى ، وربنا يحفظنا من الحوادث يا اساتذة
بعيد عن موضوع الشوارع تسمحلى بكدة ف أه فى شوارع وطرق بتسمحلى بكدة ( العين السخنة - ال10 كيلو اللى على الدائرى بعد نزلت مصر اسماعلية ) وهكذا وبعدين موضوع انا إيه اللى يخلينى امشى فوق ال 120 :) فنا مش هشترى عربية زيرووووو عشان تقلى اخرك 120 مع انها على 120 مش ثابتة بس ما علينا عداد العربية 200 ومتحددة سرعة ليها ايا كان المفروض السرعة القصوى اللى عندها بكون لسة فى نطاق الأمان بتاع العربية ولو كانت 170 متحددة فى الفيرنا فنا من حقى امشى 170 وده مبيحصلش وعلى فكرة بالنسبة لوضوع السرعة فبأكدلك ان العربية لو ثابتة ومظبوطة انا مستعد اوريك الرقم اللى انتة عايز تشوف العربية ديه علية وسط العربيات على الاوتوستراااااد ... فمحدش يحاول يقنعننى ان المشكلة من السواق مش من العربية :)
ولوني مش من هواة المشاركة في المنتديات فالنقاش الحاد اللي انا شفته هنا عن العربية اغراني اني اشارك......
انا من يوم ماشفت العربية دي حبتها من شكلها بس كنت يادبوك شاب وممعيش فلوس , بس ربنة رزقني وبفكر في نوع العربية اللي اجبها ......
انا حاليا في امريكا وهرجع مصر كمان شهرين ....
أحب اقول اني مشفتش عربية صيني في البلد دي و
كل موديلات الهيونداي الموجودة في مصر تقريبا موجدة في امريكا وشفتش عربية وحدة متعجنة زي اللي الواحد بيشوفها في مصر
ببساطة مش علشان العربية حلوة أنما السواقة هنا ذوق وفن واحترام قوانين
فيه طرق ممكن تمشي فيها 140 وعادي لإن الطريق سمحلك بكده ... بس معتقدش ان الطرق بتعتنا وطريقة السواقة بتعتنا تسمح بالسرعات دي
فاعتقد ان الفيرنا بريئة بريئة
انما العيب فينا وعدم احترمنا للقوانين ولحدود العربية
ولو عايز عربية متعومش هات بي ام دابليو بنص مليون
ولو العربية عيبها انها ورق فأحب اقول ان العربيات كلها ورق والدليل للأسف بص على عربيات حدثة الدائري
وشكرا
الموضوع فلب بكلام فاضى باين عليه
طب فين الفيرنا مافيش غير بتاع الافيو اللى شغال
الفيرنا اصلا انا دورت عليها مش موجوده خااااالص
لو هنتكلم عن اختبارات الامان بقى
ده لينك من موقع euro ncap
ومافيهوش فيرنا خالص
http://www.euroncap.com/tests/hyundai.aspx
العربيه مالهاش اى اثر ولا اى معلومات
ياريت لو حد شاف ليها فيديو crash test
يبقى يوريهولنا
وحتى الفيرنا بره اسمها اكسنت وشوفوا الكسنت واخده كام نجمه وسنه كام!!
انا شايف ان الموضوع اتقلب لمهاجمة كل واحد لصالح عربيته
الموضوع ابسط من كدا يا جماعة
فى الاخر دى عربية فبلاش التعصب الزيادة عن اللزوم
ارجو ان يعود الحوار لحالة من الهدوء و الموضوعية
و ربنا يسترها مع الجميع
الحمد لله لقيت فيديوهات بالعافيه بس شكلهم مش تبع ncap
دول من الجنب
http://www.youtube.com/watch?v=nmxpngtU014
http://www.youtube.com/watch?v=cPvg5BTr3fc&NR=1
http://www.youtube.com/watch?v=XERLw...eature=related
ومش لاقى غير دول
!!!!!!!!!!
يا رجالة الفيرنا زى اى عربية...يعنى مش لازم الهجوم الثورى دة عليها
انا شايف انها مناسبة جدا بالنسبة للسعر واكيد احسن من الصينى
http://www.youtube.com/watch?v=gPtCthI5RTg
منا يقول من الصبح الموضوع قلب بكلام فاضى
و عموما هادورلك على اللينكات و اجيبهم اوك
عموما اللى شابف ان الموضوع ده مهم يكمل و اللى شايفه مش مهم يطلب من الاداره حذفه انا من رائى انه موضوع مالوش لازم كل الناس بتعمل حوادث و كل الناس بتموت و ربنا جاعل العربيه دى سبب خص انا عاوز اموت بقى هاروح اشترى فيرنا سلاموا عليكوا
نسيت اقولكوا ابويا و هو بيجيب العربيه قالى انا جايبها علشان تموت فيها
دلوقتي الناس اللي بتقول ان الجروب ملوش لزمه وان في عربيات كتير بتعمل حوادث
كل العربيات بتعمل حوادث فعلا بس لما تشوف عدد العربيات من كل نوع هتلاقي ان الفيرنا فعلا بتعمل اكتر حوادث في مصر
عربيه ولا بادي ولا ثبات ولا فرامل ولا عفشه ولا امان ولا اي حاجه خالص غير الموتور الجامد جدا
وعلي راي م/احمد عزت بص المرسيدس سمارت والفورد كا وحاجات تانيه كتير .. فعلا عربيات خفيفه بس ثبات عالي جدا
وفعلا ماينفعش ينزلوا موتور 1600 جامد زي ده في علبه الكبريت دي
انت ليه بتقول الناس قةلهالى فى و شى و رح دماغك انا مش بزعل على فكره من النقد خالص و متيالى عيب اوى انك تقول على عربيه علبه كبريت راعى شعور الناس ملاكها على الاقل
انت ترضى ان حد يجى يقول على عربيتك انها علبه كبريت
انت جانبك الصواب فى الحته دى على فكره
انا قولتها قبل كده جنط العربيه جنوط 14 ة انت هاتحس بفرق كبير فى الثبات و الفرامل
و مش مشكلتى ان فى واحد اهبل جايب العربيه و مش عارف يتحكم فيها انا واخد طريق اسكنريه فى ساعه و نصف طول الطريق ماقلتش عن 150 180 و متهيالى لو انا حاسس انها مش ثايته كنت مشيت اقل من كده على فكره انا كان معايا قبيها مرسيدس 200 و بى ام z3
يعنى فاهم كويس معنى الثبات كويس
ارجو تقبل كلامى بصدر رحب
يا شباب انا عندى رأى صغير لو سمحتولى:-
دلوقتى مقارنه الفيرنا ام 60 الف بعربيه تمنها 160 الف ده فيه ظلم كبير لانك بتشترى عربيه مدينه مش عربيه سباق ولا عربيه رحلات ولا فيها التجهيزات دى من اصله وبالتالى محدش قال ان الفيرنا خاليه من العيوب لكن من افضل العربيات فى الفئه بتاعتها.
حاجه تانى اللى مقتنع ان العربيه خفيفه وورق وكرتون واللى صممها مبيفهمش وكل الكلام اللى اتقال ده ...ياترى خبرتك ايه مع الفيرنا؟
ركوبك العربيه مشوار او فتره قصيره مش حاجه.. يعنى ما ينفعش اقول العربيه الفلانيه دى زباله لمجرد رأى شخصى او حادثه شوفتها!
العربيه فى الاخر من تصميم انسان يعنى عمرك ما هيبقى فيه عربيه بلا عيوب فالكمال لله وحده!
اما موضوع الصور اللى على الجروب ففى رأيى المتواضع اى عربيه حتى لو فولفو معرضه انها تتعجن حسب طبيعه الحادثه والسرعه!
وبالنسبه لموضوع ان الفيرنا اكتر عربيه بتعمل حوادث ده برضه فيه ظلم لان العربيه منتشره جدا ولازم تعمل نسبه كبيره لان نسبه وجودها فى الشوارع كبيره!
انا مكنتش هتكلم لو الفيرنا هى العربيه الوحيده اللى ركبتها وعاشرتها واختبرتها عشان مبقاش متحيز للفيرنا ودى برضو نقطه لازم منعديهاش لازم الناس وهى بتتكلم تراعى شعور ملاك العربيه لان الواحد لما بيلاقى حد بيشتم عربيته بيعتبرها إهانه شخصيه وإتهام بعدم الفهم وقله الخبره وانه اتضحك عليه وانه رمى فلوسه فى شويه حديد خرده وكل الكلام ده...كل واحد فينا بيعتبر العربيه دى بنته ويحبها تكون فى اجمل صوره ومنقبلش حد يغلط فيها حتى لو وحشه!
ياريت يا شباب نبقى موضوعيين واللى يقول رأيه يكون فعلا امتلك الفيرنا او على الاقل ليه خبره حقيقيه معاها مش تجربه او حد قاللى او كانت مع واحد صاحبى او المشاركات اللى من النوع ده...
انا شخصيا جربت ال128 و الاكسيل والسوبارو واللانوس وأخيرا الفيرنا!
افضل عربيه فعلا ركبتها كانت السوبارو بس شوفوا دى تمنها موديل 2009 كام؟؟!!
يليها من وجهه نظرى الفيرنا !!
وعلى فكره فى حاجه قلهالى واحد صحبى مهندس سيارات اشتغل فتره فى توكيل عربيه صينى يقال انها فاشله ملهاش علاقه بجوده واعتماديه اى سياره لانى مازلت مصر على ان التجربه هى خير دليل ولفتره تكفى للحكم العادل غير الانطباعى!
صاحبى ده قاللى حاجه غريبه"لما كان يجيلنا واحد معاه العربيه وبيشتكى منها مر الشكوى كنا نجربها منلاقيش حاجه من اللى كان بيقولها ويجيلنا واحد تانى جى يعمل الصيانه الدوريه ونسأله العربيه أخبارها ايه يقول فيها قصايد شعر وبعدين نلاقى فى العربيه مشاكل مش عارفين هو ازاى مش حاسس بيها!!!
وصلنا لحاجه اسمها الرضا ربنا بيرزق بيها الواحد وبيراضيه بالعربيه اللى تعب فى تمنها وبيخليه مقتنع بيها ويمكن واحد تانى يشوف العربيه تابوت ولا نعش طائر بدليل ال 1100و1300 اللى لسه ماشيه واصحابها مبسوطين بيها وتسأله يقولك دبابه وعربيه زى الحديد مش ورق زى عربيات اليومين دول ويتفاخر انه دخل فى تيوتا دغدغهاله وخرج هو سليم زى الفل"
يبقى ياريت نحكم بالعدل ونطبق قول الرسول صلى الله عليه وسلم "من كان يؤمن بالله واليوم الاخر فليقل خيرا او ليصمت"
ايه ايه ايه
احنا هنقعد نقول ماتشتمش عربيتى وانت ماتشتمش عربيتى
وانت عربيتك وحشه لا ده انت عربيتك وحشه قوى
لوسمح ماتقولش عربيتى وحشه
ايه ده احنا عيال صغيره ولا ايه
وياباشا انت كلامك على عينا وراسنا بس بلاش تحبك الكلام كده يعنى
دى فى الاول وفى الاخر حتته صاجه مش هنزعل من بعض عشانها
شكرا شباب
استمتعت معكم بهذا الموضوع ال........ الجامد
معلش مش هقدر اكمل
....................
علي فكرة واضح اووي ان اغلب الي بيقولو ان الفيرنا مش حلوة مجربوهاش فترة كبيرة علشان يقدرو يحكمو عليها
وبعدين الفيرنا احسن من عربيات كتير اووي في الفئة بتاعتها
ومش معقول كل الناس الي معاهم الفيرنا او بيفكرو يشتروها مش بيفهمو حاجة خالص او بيرمو فلوسهم في الارض
ولو العربية وحشة زي مابتقولو مكنتش انتشرت اووي كده
كل عربية فيها عيوب ومميزات بس انا شايف ان مميزات الفيرنا اكتر من عيوبها
ومن الاخر العيب علي الي سايق العربية مش مسئولية الشركة الي عملتها ان في ناس بتحب تجري وخلاص من غير اي خبرة او تعامل مع الظروف الطارئة
بصراحة...
بدون زعل...
اللي فتح الموضوع دا هنا هو اللي غلطان ....
و بقول له...
... دور على جروب تاني عن اي عربية تانية عملوه شوية عيال تافهة و افتح له موضوع هنا عشان الناس تستفيد كمان و كمان ... زي ما حصل في الموضوع دا كدا ( شايفين الإستفادة وصلت لحد فيييين ؟؟ )
شكراً