الموضوع: النوبيرا وتجربتى لها فى ظل 5 سنوات

:I_angr1[1]طبعا العنوان غريب وزمانكوا بتقولوا اية العربية اللى قعد يجربها 5سنين دى
دة ولانى بكتشف فيها كل يوم حاجة وححكيلكوا عن كل الى اعرفة فيها
بصوا يازملائى الفاضلين
انا راكب النوبيرا بقالى حوالى 5سنين وفى خلال الخمس سنين دول بدلت فى 3عربيات نوبيرا واحدة اتو واتنين مانيوال
انا من حبي فى العربية دى عايز ابيع اللى معاية واجيب نوبيرا بردة بس جديدة
بس ما انصحش بالاوتو خالص عايز واحد فاضى اولا ومعاة فللووووس ثانيا

بالنسبة لاستهلاك البنزين فى النوبيرا هو ولا كتير اووى ولا قليل اووى
بتعمل حوالى 200كيلو فى الصفيحة داخل البلد و220على الطرق السريعة
طبعا بلد الصنع كوريا والتقفيل مصرى.
بالنسبة لعفشه النوبيرا هى ايضا ولا جيدة ولاسيئة ولكن تحتاج الى صيانة دورية باستمرار واشهر عيب فى العفشة جلب المقصات ودى اتحلت زى ما محمد ممدوح قال بتغير المقصات الى نوع اسبانى
وطبعا استخدام كل واحد يفرق عن التانى انا عن نفسي طبيعة شغلى بتخلينى اعمل فى اليوم بال250 كيلو متر منهم حوالى 70 كيلو متر فى طرق غير ممهدة والباقى كلة طرق سريعة وبردة لازم تعدى على فواصل ومطبات بتشخلل العفشة انا على النظام دة بغير جلب مقصات كل 3شهور ومساعدين كل 9شهور بس هى عفشة مريحة جداا مش بتاعت طنطيط وحركات من دى
بالنسبة للتكيف فهو تلاجة بمعنى الكلمة انا يوم ما ابقى مولع وحران اخرى 2
بالنسبة لارتفاع السيارة عن الارض فهو معقول ونادرا لما تخبط فى مطب بس طبعا مع التحميل بتفرق
ويوجد بعض عيوب فى تقفيل السيارة مثل درج التبلوة كاوتش الزجاج

الفرامل ضعيف الى حدا ما بسبب وزن السيارة بس شغالة لكن فرامل فجائية ماتسعفكش ودى اسوء شئ فى النوبيرا
وسع الصالون والشنطة طبعا مش عايزة كلام تعتبر اوسع سيارة فلى فئتها

المحرك ايضا قوى ويتميز بسرع التجميع فهو محرك 1600 سي سي 16 صباب 4سلندر ويتمتع بنظام الحقن الالكترونى
اهم نقطة فى النوبيرا بقى وهى الثباااااات ثبات روعة العربية بسم الله ماشاء الله والله بدخل بيها ملفات على 170 كيلو متر فى الساعة وانا مطمن جدااا
قطع الغيار بالنسبة لتوافرها واسعارها فى متناول الجميع و البلد بحالها مافيهاش اكتر من تجار قطع غيار الدايو .

ويارب اكون قدرت افيدكوا.

هو فعلا ياحسام بااشا بيحط الترمومتر على الهوايه وجاب درجة حرارة الهوا -5

بالنسبة لعنوان الراجل هو فى الطالبية فيصل وانت داخل من على فيصل يمين امشى حوالى 400متر قبل ميدان الساعة على طول هتلاقى على شمالك عصارة اسمها الحرمين ادخل فى الشارع دة وامشى 200متر لغاية ماتعدى من على مطب وقهوة هتلاقية على ايدك اليمين وعندة كشف كمبيوتر واسمة صلاح
واى حد يروحله يقوله اناا جاى من طرف احمد صاحب النوبيرا السودا والفضى