أجيب بونتو زيرو ولا مستعمل ؟؟

**Ahmed Hamdy** · 27-04-2009 07:11 PM

عايز أجيب عربية بونتو بس محتار أجيبها زيرو خاصة بعد العرض الجديد سعرها 66000 .. ولا أجيبها مستعمل فى حدود 45000 .. ؟؟؟

المشكلة انى لو جبتها زيرو حجيبها قسط حدفع فى حدود 30000 وأقسط الباقى .. فطبعا الواحد بيحسبها بيلاقى زيادة فى القسط وزيادة تأمين وصيانة فى التوكيل أغلى ..

وفى نفس الوقت خايف من المستعمل ... !!!

**AHMED_IVB** · 28-04-2009 12:57 AM

اسمع يا احمد كده كده ال 30 الف مش هيجيبوا حتى مستعمل الا لو كانت موديل قديم وحالتها سيئة جدا يبقى توكل على الله وهات زيرو انا معايا واحدة وماشاء الله ممتازة جدا واكيد الزيرو ليه طعم تانى
وربنا يوفقك للى فيه الخير ان شاء الله ويباركلك فيها سواء جديدة او مستعملة ويبعد عنك شرها

**Ahmed Hamdy** · 28-04-2009 11:01 AM

لا أنا لو حجيب مستعمل حكمل على الفلوس اللى معايا بجمعية فحيوصلوا ان شاء الله لحدود 45 .. يعنى حجيب مستعمل فى حدود 45 وده ممكن يجيب حاجة كويسة موديل 2002 - 2003 مثلا .. إنما لو حجيب قسط مش حينفع أدفع قسط وجمعية بالتالى حدفع اللى معايا بس وهو حوالى 25 ممكن 30بالكتير ..

**tamer51177** · 30-04-2009 04:35 PM

صدفة غريبة أوي ...
انا كنت في نفس الموقف بتاعك ده بالضبط وبالارقام كمان والله ، وسبحان الله ربنا هداني وجبت بونتو 2001 مستعمل من شهر كده وقولت ابعد عن القسط والتأمين والفوائد والكلام الفاضي ده كله ،،،
ربنا يرشدك لما فيه الخير والصلاح

**Ahmad Shawky** · 30-04-2009 06:30 PM

المشاركة الأصلية كتبت بواسطة ahmed_ivb

اسمع يا احمد كده كده ال 30 الف مش هيجيبوا حتى مستعمل الا لو كانت موديل قديم وحالتها سيئة جدا يبقى توكل على الله وهات زيرو انا معايا واحدة وماشاء الله ممتازة جدا واكيد الزيرو ليه طعم تانى
وربنا يوفقك للى فيه الخير ان شاء الله ويباركلك فيها سواء جديدة او مستعملة ويبعد عنك شرها

حضرتك جايبها موديل كام 2009؟

**Ahmed Hamdy** · 03-05-2009 12:46 PM

المشاركة الأصلية كتبت بواسطة tamer51177

صدفة غريبة أوي ...
انا كنت في نفس الموقف بتاعك ده بالضبط وبالارقام كمان والله ، وسبحان الله ربنا هداني وجبت بونتو 2001 مستعمل من شهر كده وقولت ابعد عن القسط والتأمين والفوائد والكلام الفاضي ده كله ،،،
ربنا يرشدك لما فيه الخير والصلاح

طيب حضرتك جبتها بكام .. وحالتها ايه ؟؟
وايه رأيك هل شايف ان القرار ده صح ولا كان الزيرو أفضل ؟؟

**amir** · 04-05-2009 03:29 AM

شباب انا كنت بفكر جديا كده شويه في البونتو
ممكن ملاكها يتوسعو شويه في الكلام عنها اكتر من كده و من جميع النواحي؟

**Ahmed Hamdy** · 06-05-2009 01:15 PM

المشاركة الأصلية كتبت بواسطة tamer51177

انا جبتها بـ 43 و حالتها اكتر من ممتازة (فابريكة وجنوت وكاسيت سي دي وإنذار وعفشة متجددة وماصرفتش عليها حاجة خالص من بعد ماخدتها الحمد لله)

و الحمد لله انا مش ندمان على القرار ده خالص وبالنسبة لي المستعمل اللي حالته كويسة ومش محتاج مصاريف احسن من الزيرو لأن الاسعار متقلبة جدا وكده كده الزيرو بيخسر لو جيت تبيعه وخاصة لو اضفنا فوائد التقسيط والتأمين وكل التكاليف دي

شكرا جدا على ردك ..
وربنا يباركلك فى العربية ..

هو فعلا الواحد لو لقى عربية مستعملة نضيفة فعلا أفضل من الزيرو القسط .. عشان الزيرو كده كده بيخسر زائد فوائد القسط زائد التأمين فبتبقى الخسارة كبيرة ..