عرض للطباعة
مين احسن مع الوضع في الاعتبار كل حاجه زي السعر والعمر الافتراضي و المتانه ألخ......
انا مش هعمل استفتاء عشان انا مش بحب موضوع ابيض و اسود ؟؟؟ كل واحد يقول اختياره و الدليل عليه ... و ارجو ميحصلش زي المره اللي فاتت عشان شكل المشرفين هيلغوا عضويتي عشان الفتنه :twisted: اللي انا عملتها المره اللي فاتت :mrgreen:
هي المفروض ياباني وانا بعتذر علي كده ولو حد يقولي ينفع اغيره ازاي؟؟؟
انت عاوز تحسب سعر ولا عاوز تحسب مين احسن
لو عاوز تحسب بالسعر مكنتش مرسيدس باعت خالص ولا BMW
لكن نقارن الفئات ببعضها :wink:
لو قصدك المعادلة بين السعر والمتانه والعمر الأفتراضي والأداء فأؤكدلك ان احسن ناس في الموضوع ده هم اليابانيين
اقتباس:
المشاركة الأصلية كتبت بواسطة أبو عبدالله
يا جماعة مفيش حاجة إسمها احسن ناس و أوحش ناس لازم التقييم يبقى موضوعى و على فكرة اليابان بردو فيها غش و تزوير و سرقة و كل حاجة زى بقية الدنيا ما هما مش ملايكة بردوا يعنى زى كل الناس بس هما مظبطين الميديا عندهم كويس فما فيش حاجة وحشة بتتقال عنهم ده غير إنهم أصلا حليف وديل مثالى لأمريكا فالمديا الأمريكانى بردوا مظبطاهم بس بردوا ممكن تشوفوا بعض تقييمات الأمريكان هتلاقوهم متحيزين أكتر لصناعة بلادهم ثم الأروبى المشكلة بقى إحنا متحيزين لميييييييييييييييين و ليه :?:
معلش اختلف معاك يا ابو عبدالرحمن
لامريكان تقول علي حكومتهم زي ما انت عاوز :mrgreen: بس شعب لا لا
و شوف المجلات الامريكيه كتيير جدا عربيات يابانيه و اوروبيه بتكسب فيهم و الامريكي احيانا بيتذيل القائمه
فمفيش تعصب خصوصا المجلات المشهوره
أستاذ abo3bdolrahman ... أناعن نفسي متحيز للي هيوفرلي ... سيارة فيها متطلباتي ... وبسعر يناسب امكانياتي ... ويقدر يوفرلي خدمة ما بعد البيع من صيانة ... وقطع غيار ...اقتباس:
المشكلة بقى إحنا متحيزين لميييييييييييييييين و ليه
يعنى أدفع ...بدأ من 30,000 جنيه أو أكثر .... فى عربية فيها نفس الأوبشنز ... بس علشان أسم صانعها (أى كان الأسم) ... ده اللى أنا بتكلم عليه ...
تقبلوا تحياتي ...
م / حسام منير
+ 1اقتباس:
المشاركة الأصلية كتبت بواسطة Hossam Mounir
كلامك ده بالظبط اللى انا أقصده المهم تكون مناسبة لإمكانياتى و توفر قدر مناسب من الأمان لراكبيها و أكون مقتنع بيها و حاببها
اقتباس:
المشاركة الأصلية كتبت بواسطة 911 turbo
يا حبيبى أنا معايا زملاء امريكان هنا فى نيجيريا و اللى لاحظتوا فعلا إنهم دايما شايفين إن أحسن حاجة فى الدنيا اللى بلادهم بتنتجه و طبعا دى حاجة كويسة احييهم عليها لأنهم مش زى غيرهم زى القرع بيمد لبره و دايما الأوربى عندهم هوا اللى بعد الأمريكانى و بالنسبة للمجلات و النت فما أسهل تظبيط المديا عندهم و ظبط إتجاهاتها و أفكارها و اللى يدفع اكتر يجد ما يسره :twisted:
بس برضه دا فخر امريكا كلديلاك اسكاليد اخدت المركز الرابع في كار اند درايفر المجله الامريكيه
و ان كانوا بيحبو العربيات الامريكي جيبهم هنا :twisted: و انا اكرهملك فيهم :twisted:
يا أستاذ حسام مش كل حاجه علشان الأسماقتباس:
يعنى أدفع ...بدأ من 30,000 جنيه أو أكثر .... فى عربية فيها نفس الأوبشنز ... بس علشان أسم صانعها (أى كان الأسم) ... ده اللى أنا بتكلم عليه ...
يعني مش معقوله كل فرق سعر بين العربيات الياباني وغيرها اقول انه علشان الأسم
سيادتك هما بيعطوك يالسعر بتاعك حاجات مش موجوده في العربيه الأقل سعرا منها مثال الدراسات اللي معمول بها العربيات بدل ما يسرقوا من احد تاني
وخامات مش زي الخامات اللي مصنع منها السيارات التانيه وقولت لحضرتك قبل كده هات تابلوه الكورولا وهات تابلوه عربيتك الألنترا وهي مودل أجدد من الكورولا وشوف الخامات
شوف خامات الفرش
شوف الدهان ... هو الدهان ده مش مختلف اسعاره حسب كفائته
شوف عربيتك هتمسك برومة من تحت بعد كام سنه وشوف دي هتمسك فيها بعد كام سنة
شوف فرق اداء العفشة عامة والمساعدين خاصة
شوف الكبلن ده هيعيش اد ايه وده هيعيش اد ايه
شوف المساعد ده هيعيش اد ايه وده اد ايه
شوف الاكصدام ده لما ياخد خبطه هيتكسر ولا هيمتص الصدمة ويرجع مكانه
شوف وشوف وشوف ................
يعني حاجات كتير والله
وانا بقولك برضه ممكن لو حضرتك جيت اي من المقابلات بتاعتنا وشرفتنا طبعا ويكون لنا الشرف انا سوف اريك الفروق بين عربيتك والكورولا او اي ياباني ..........
في الاخر مفيش حاجه ببلاش ولو في عربيه مبالغ في اسعارها فهيا ليست مقياس لكل العربيات اللي موجوده في السوق
وبعدين على الاقل بدفع مره واحده
مش بتدفع مره قليل وبعدين ياخدهم مني في اسعار قطع الغيار
ده اسعار قطع غيار الألنترا اغلى من بتاعت الكورولا اللي هيا معمره أكتر
+ 100000000000000اقتباس:
Hossam Mounir كتب:
اقتباس:
المشكلة بقى إحنا متحيزين لميييييييييييييييين و ليه
أستاذ abo3bdolrahman ... أناعن نفسي متحيز للي هيوفرلي ... سيارة فيها متطلباتي ... وبسعر يناسب امكانياتي ... ويقدر يوفرلي خدمة ما بعد البيع من صيانة ... وقطع غيار ...
يعنى أدفع ...بدأ من 30,000 جنيه أو أكثر .... فى عربية فيها نفس الأوبشنز ... بس علشان أسم صانعها (أى كان الأسم) ... ده اللى أنا بتكلم عليه ...
تقبلوا تحياتي ...
م / حسام منير
+ 1
كلامك ده بالظبط اللى انا أقصده المهم تكون مناسبة لإمكانياتى و توفر قدر مناسب من الأمان لراكبيها و أكون مقتنع بيها و حاببها
اختلف معاك يا ابو عبد الرحمناقتباس:
يا حبيبى أنا معايا زملاء امريكان هنا فى نيجيريا و اللى لاحظتوا فعلا إنهم دايما شايفين إن أحسن حاجة فى الدنيا اللى بلادهم بتنتجه و طبعا دى حاجة كويسة احييهم عليها لأنهم مش زى غيرهم زى القرع بيمد لبره و دايما الأوربى عندهم هوا اللى بعد الأمريكانى و بالنسبة للمجلات و النت فما أسهل تظبيط المديا عندهم و ظبط إتجاهاتها و أفكارها و اللى يدفع اكتر يجد ما يسره
كل اللي سافر امريكا شهد ان العربيات الأولى هناك هيا لكزس وهوندا واكورا وسوبارو وتويوتا
ودايما حضرتك لو متابع الاحصائيات بتاعت الامريكان مش هتلاقي اوروبي خالص غير البي ام طبعا
وهتلاقي ايضا ان الياباني متصدر القوئم وده باعتراف منظماتهم وليس احد اخر وده مش حاله والله ده انا عمري ما شوفتاحصائية واحده بتقول انهم عندهم اوروبي دي
ممكن يكون ده تصريحهم ولكن كل الاحصائيات غير كده بالمره
اما عن موضوع زي القرع نمد لبره والله احنا مش عندنا صناعه سيارات نقدر ندافع عنها وبعدين هيا دي مش قضيتنا اصلا
احنا بنحب اي صناعه محترمه من اي حد انشالله الصومال والله لو انتجوا حاجه كويسه هنحبها
وليس هناك تعصب لجنس لأن الجنس ليس له معنى اصلا لنتعصب له .....
طب معلومة على السريع هيونداى أول شركة تستخدم صاج مجلفن فى سيارتها قبل تويوتا وغيرها و فيات أول شركة تستخدم صاج معالج بكيماويات مقاومة للصدأ و بالنسبة لمكونات الصالون فالبلاستيك كله واحد و الإختلاف فى النقشة يعنى كله من النوع الريسيكلد اللى بيتصنع من الزبالة و القماش و الجلد كله نفس النوعيات الفروقات يا تبقى فى التكنولوجيا يا اما كله كلام فاضى و التكنولوجيا فى التصنيع هي اللى بتخلى عربية أفضل من عربية و عربية أأمن من عربية و هكذا و كفاية كده و أنا ما قصدتش حد بموضوع القرع و كمان ما ليش دعوة بالمنظمات و الميديا لأن كله بكتب و يسقف للى يدفع أكتر و الكلام ده عن تجربة و خير مثال مصر اللى دايما بيجيبوها فى الميديا بره جمل ماشى فى الصحرا و وراه الراجل أبو جلابية مقطعة :evil:
برضه المقارنة هتكون كالتالي:
متسوبيشي...تويوتا...هوندا...م زدا...ديهاتسو
و في المقابل
هيونداى...كيا...دايو...
الفرق واضح
شكرا
معلش يا جماعة بعد إذنكو أنا شايف إن إعادة مناقشة الموضوع ده لا طائل من ورائه - تمت مناقشته عدة مرات من قبل في أماكن عدة من المنتدى - طبعا مع احترام كامل الحرية لأي عضو في طرح أي موضوع يراه مناسبا.
لو قلنا مثلا إن الياباني أحسن هل أصحاب الكوري هينزلوا يبيعوا عربياتهم ويشتروا ياباني ولا هيعترفوا بسمو المنزلة للسيارات الياباني على وصيفاتها من الكوري؛ أو العكس.
أنا رأيي إن كل واحد يعرض مميزات وعيوب عربيته كما يراها وده كفاية أوي ليه ويبقى كمان كسب فينا ثواب الإفادة. إنما التعميم غير مفيد بل قد يكون مضلل في بعض الأحيان واللي بيقرر إنه يشتري عربية، القرار بتدخل فيه عدة محددات، واحد منها وليس كلها، بلد المنشأ.
وده سنة الحياة، اللي خلى في عربيات ياباني نافست الأوربي والأمريكي وتفوقت عليه في بعض النواحي ممكن يخلي فيه كوري يتفوق على التلاتة السابقين في بعض النقاط ومين عارف يمكن يطلع صيني محترم يتفوق عليهم كلهم وما فيش حاجة كاملة. وظهور الياباني لم يلغ الأوربي والأمريكي وكذلك الحال بالنسبة للكوري مع الياباني والأوربي والأمريكي إنما الكل بيحاول يطور من نفسه وفي كثير من الأحيان يتفوق التلميذ على الأستاذ.
وربنا يبارك لكل واحد في عربيته :P
+100000000000000000000اقتباس:
المشاركة الأصلية كتبت بواسطة Heshaam
الكورولا - اللي سيادتك أستشهدت بيها - بالذات السعر بتاعها مبالغ فيه جداً ... وبعض هذه المبالغة ... الأسم Toyota ... وده مش عيب ... علشان الناس دى حفرت فى الصخر فى السبعينات والثمانينات والتسعينات ... علشان تثيت رجلها فى سوق السيارات سواء الأوربي أو الشرق أوسطي ... وطبعاً هما ناجحيين ... جداً ... ولهم باع طويل فى مجال صناعة السيارات ... وتسويقها ... ومحتليين مراكز متقدمة فى هذا المجال ... أحلفلك اني مصدق .. ومقتنع بكل الكلام ده 100% ...اقتباس:
يا أستاذ حسام مش كل حاجه علشان الأسم
يعني مش معقوله كل فرق سعر بين العربيات الياباني وغيرها اقول انه علشان الأسم
وأيوه خامات عربيتى بكل الثقة ... تضارع العربية الكورولا ... وقلت لسيادتك أجمالاً ... تتفوق عليها فى بعض النقاط ... وتتفوق الكورولا فى نقاط اخرى ... وده رأى من واحد لف السوق ... ونزل وطلع وأختار عربيته على مدار 10 شهور ... وركبت كل العربيات اللى فى السوق المصري ... وسافرت دول كثيير ...وركبت فيهم عربيات كثيير ... يعنى حكمي هيبقى عن خبرة مش عن تحييز لعربيتي ... اللى انا شايف أن الحمد لله مخيبتش ظني ... ويمكن ده رأيي الشخصي ... وأنا أكيد حر فيه ...
يا أستاذ ابو عبد الله علشان ما ندخلش فى مناقشات بيزنطية لا عائد من ورائها ... ونقعد نلف فى دوائر ... لتنتهي ... الصناعة الكورية للسيارات حالياً ... و على رأسها شركة هيونداى ... أصبحت تضارع اليباني ... وتماثله ... لن أجاملها وأقول تتفوق عليه (يبقى فتي مني) ... بس هقول انهم بقوا واقفين على سلمة واحدة تقريباً ... وده مبقالوش كثيير ده بقالوا خمس سنوات فقط ... بس هيونداي معدل تطورها حالياً مش طبيعي ... بيتطورا بمعدلات سريعة جداً ... حتى الخليج اللى كان مقفول على اليباني ... أبتدت هيونداى تقتحمة ... وتصنع لنفسها أسم فيه ...
وطبعاً ... ده مش كلامي ... ده أرقام وأحصائيات ... ومعلومات موجودة على النت ... سيادتك عايز تقتنع بالكلام ده خير ... سيادتك مش مقتنع بيه ... خير برضة رأيك ... وما حدش يقدر يفرض حاجة على سيادتك ...
تقبلوا تحياتي ...
م / حسام منير
بصراحه اختلف تماما انها حتى على نفس السلم اصلااقتباس:
بس هقول انهم بقوا واقفين على سلمة واحدة تقريباً
يا استاذ حسام انت شايف كده بمنظور كام عربيه امام كام عربيه
انت ذات نفسك قولت في موضوع سابق ان تويوتا طبعا لها مراكز ابحاث ومش عارف ايه تعملها ابحاث وكده
طيب هيونداي عملت هايبرد
طيب ازاي لما حتى العربيات الهايبر متعملتشي من جانب هيونداي او حتى لسه بيدرسوا فيها ازاي تبقى على سلمة واحده دي مش فاهمها بصراحه
وهو ده اللي انا مش فاهمه من حوارك
يا استاذ حسام تويوتا عندها اختراعات كتير هيونداي لم تنتج واحد منها
يبقى ازاي احط الأتنين في سلمة واحده
ده علشان هيونداي توصل لها امام سنين طويله لأنها لم تأتي من فراغ
وانا لم اقل ان هيونداي وحشه وعمرها ما هتبقى عربيه كويسه لأن ده لا هينقص مني شئ ولا هيزود
زيها زي تويتا لما تنتج انتاج مثل تويوتا نا اول من يدافع عنها
ولكن انا في الوقت الحالي ..............
هيونداي لا يجوز من الأصل اي ادخلها في مقارنة مع تويوتا
وجهات نظر ... مختلفة ...اقتباس:
هيونداي لا يجوز من الأصل اي ادخلها في مقارنة مع تويوتا
هيونداى لها مركز تطوير وأبحاث فى أمريكا ... وده بالمناسبة اللى طور ال Elentra 2007 ... وهو اللى أبهر العالم بال تحفة الجديدة ... اللى هيا ال Concept Genesis ...
http://www.hyundaiconceptgenesis.com
سيادتك يا ريت تقرأ المشاركة دى للأخ Ahmed Anwer ... جاء فيها بمقال يثبت أن Toyota ... عاملة حساب أوى لهيونداى ...
http://www.nilemotors.net/Forum/view...=7506&start=20
تقبلوا تحياتي ...
م / حسام منير
احب اعلق على كلام الاستاذ حسام منير بأن السيارات الكوري تعتبر وقفت على نفس السلمة مع السيارات الياباني وهذا في الاونة الاخيرة فقط.
اتفق معك ولكن
1- في الثلاث سنوات الاخيرة فقط ليس الخمسة.
2- الكوري اللي بينزل للاسواق الاوروبية والامريكية ودول الخليج هو الذي ينافس لانه في رايي شئ تاني غير الكوري اللي بينزل عندنا في مصر بالاضافة إلى مستر غبور وسياستة المتدنية في خدمة ما بعد البيع والصيانة والتلاعب باسعار السوق فالتوكيل الغير محترم قد افسد سمعة هيونداي مما جعلها في درجة ادني من الياباني في اعين الناس!
الكفاءة الكورية نشهد لها ونرفع لها القباعة للتطور الذهل السريع!
ولكن الكوري (مع إحترامي لرأيك) لم يرتقي بالشكل الكامل ليكون ندا للياباني في الاسواق العالمية ومش حقول الاسواق المصرية إللي حالها مايل.
أستاذ goodwave ... أشكر مداخلتك ...
- سواء ثلاثة سنوات أو خمس سنوات ... مش هنختلف ... بس المهم أنهم بدأوا فى المنافسة بقوة ... وبيتطورا تطور سريع جداً ...
- هذا الموضوع قتل بحثاً ... الكوري اللى بينزل الأسواق الأوربية والأمريكية ... هو هو اللى بينزل مصر ... مع أختلاف فرق السعة اللترية ( بتأثر على قدرة وعزم الموتور) ... وإزالة بعض ال Options ... وخاصة المتعلقة بالسلامة ... كالفرامل ال ABS ... وال Air Bags ... وما إلى ذلك ...
-سياسة غبور فى خدمة ما بعد البيع ... كلنا نتفق أنها ليست على الجودة المطلوبة ... لأكبر موزع سيارات فى مصر ... بس سوء الوكيل ليس أنطباع لسوء السيارة التى يوزعها ...
وجهات نظر ... مختلفة ...اقتباس:
ولكن الكوري (مع إحترامي لرأيك) لم يرتقي بالشكل الكامل ليكون ندا للياباني في الاسواق العالمية ومش حقول الاسواق المصرية إللي حالها مايل.
تقبلوا تحياتي ...
م / حسام منير
أستاذ حسام ......
أشكرك لردك ..... أحترم رأيك وإن كنت أختلف معك .... يعجبني سعة صدرك.
وشكرا
اي شركة محترمة لازم تعمل حساب لأي حد علشان تفضل هيا المتقدمة ولو معملتشي كده تبقى الشركة ليست على كفاءة ادارية جيده وده عكس اللي انا درسته تماما عن الشركات اليابانيه عموما فهم ملوك الأدارة في العالماقتباس:
عاملة حساب أوى لهيونداى
فعلا مازال حتى الأن اليابانى متفوق على كورى لكن دا لا يمنع تقدم الكورى و إقترابه من اليابانى فى السنوات الاخيرةاقتباس:
ولكن الكوري (مع إحترامي لرأيك) لم يرتقي بالشكل الكامل ليكون ندا للياباني في الاسواق العالمية ومش حقول الاسواق المصرية إللي حالها مايل.
ايه يا جماعة متتخانقوا في حته واحدة :D :D :D :D
الأخ ابو عبد الله المقال اللي ذكرته كان بيقول إن تويوتا مبقتش شايفة إن جنرال موتورز منافس ليها و بقت شايفه هيونداي هيا اللي علي الطريق ، ده اظن مفيش أبلغ من كده علي قوة هيونداي و أكيد دي حاجة حضرتك مبتنكرهاش علي الأقل كمبيعات (أسرع شركة سيارات في العالم نموا كمبيعات)
أنا مقتنع تماما إن حتي لو في فرق جودة و خبرة في الياباني عن الكوري (دي حاجة مقدرش افتي فيها ) بس برده في جزء كبير فرق اسم ،،،
و ده شئ طبيعي العربية سلعة معمرة و استثمار طويل الأجل هما بيبعوا الثقة في اسم تويوتا مع الجودة و الخبرة ، عشان أنا هابقي مطمن أكتر و انا رامي فلوسي في عربية عليها اسم تويوتا
و علي فكرة عن خبرة أنا لما كنت بسافر معارض بره عشان اشتري حاجات متعود لو قاعد مع مورد من دول العالم الأول صناعيا بفاصله علي الأقل في 30 و 40 % من السعر اللي بيقوله عشان عارف أنهم بيبالغوا في أسعارهم
و العكس لما بقعد مع مورد من دول العالم الناشئة في الصناعة بفاصله في 10% بس من سعره عشان هما مبييالغوش في أسعارهم
حاجة تانية فعلآ في ناس من أصحابي زي حضرتك كده أول ما يقعد في عربية كوري أو ماليزي ينزل يقولك دي هتتبهدل بسرعة
مش عارف ليه هل ده إحساس نفسي من خلفياتهم الثقافية ، يعني هوا بيركب في العربية الماليزي مثلآ و يقعد يفتش في العيوب و يرمي ودنه عشان يسمع أي صوت غريب و مبيعملش كده لو راكب عربية ياباني عشان هوا واثق فيها
و لا هما عندهم رؤية أعمق للأمور ،،،،، الله أعلم
و بخصوص حكاية الفيبر فعلآ جزء كبير من إحساسنا إنه بلاستيك في عربيات هيونداي جاي من النقشة و اللون الرمادي الغريب اللي مختارينه لكل التابلوهات يديك إحساس إنها عربية نص نقل أو عربية شعبية
رغم إنهم مش هيخسروا حاجة لو خلوا اللون أسود و مطعم بشوية نواكل و سلفر تدي إحساس بالفخامة و الجودة
و انا قريت موضوع عن الحكاية دي علي النت و بيقولوا إنه بيديك إحساس العربيات الياباني في الثمانينات
################# بكتير يعنى اش جاب النترا جنب الكورولا يعنى اية فيرنا جنب لانسر
تم حذف الأية القرأنيه من المداخلة
وتحذير اخير للعضو بعدم تكرار ذلك الأمر حيث أنك لم تقم بوضع الأيه فيما يليق بالحوار(الإدارة)
حذف الرد لحذف المردود عليه
د.أحمد سمير
حذف الرد لحذف المردود عليه
د.أحمد سمير
كلاكيت تاني مرة يا تري المرة دي الحوار حينتهي إزاي :mrgreen: :mrgreen:
عالميا الياباني سابق الكوري بمراحل احنا بنقارن إيه بإيه
الياباني :تويوتا(+ لكسس و دايهاتسو) - هوندا(+أكيورا) - نيسان(+ إينفينيتي) - مازدا - سوبارو- ميتسوبيشي - سوزوكي
الكوري: هيونداي (+كيا)....إسم دايو تقريبا إختفى بعد شراءGM للمصنع
في مصر سوق عربيات غريب أسعار كل العربيات مبالغ فيها ده غير الكماليات اللي متشالة و مواتير مش ملائمة لأحجام العربيات و موديلات قديمة إتوقف إنتاجها برة و توكيلات تمتص دم العملاء مقابل خدمة دون المستوي إلخ إلخ يبقي حنقارن إزاي :?:
نطبق سياسة أحسن الوحشين ونختار الياباني الجنوب أفريقي أو التايواني أو الهندي ولا نختار الكوري المصري ولا ولا :roll:
إعتقادي الشخصي مفيش إجابة موضوعية و الإختيار شخصي بحت و يتوقف علي عوامل كتيرة أهمها السعر