بفكر أجيب الكابل الأصلى!!

مستكتر تمنه لأنى مش هكشف بيه غير على عربيتى بس تقريبا بيشتغل على كل العربيات الفولكس الحديثة هيعمل 350 دولار يعنى حولى 2000 جنيه!!!

http://www.ross-tech.com/Merchant2/m...ry_Code=VAGCOM

http://www.ross-tech.com/vag-com/images/huc_med.jpg

لسه بفكر..

هتجيبوا ليه اصلا..؟

عشان معايا واحد صينى مش أصلى ومش بيعمل كل حاجة فى البرنامج وكمان اللى مش أصلى آخره موديللات 2002 ولو اشتريت بولو 2003 مش هعرف أصينها من غير الكابل..

لو كدا توكل علي الله .. منتي مقدمكش غير كدا

هو الكبل دا بيركب فين فى العربية بالظبط وفى زية للبى أم والهيونداى ولا لا؟؟؟؟ بالبرنامج بتاعهم طبعااا؟؟؟

العربيات الحديثة فوق 1998 بيبأا فيها كمبيوتر وطبعا مش كللها..

طب ما يلا نبعت نجيب أثنين سوى يمكن يعملولنا ديسكونت هل عندك طريقه نجيبو بيها ياباشا

الطريقة سهلة واحد صاحبى ممكن يجيبهولى معاه بس مش هيعملو ديسكونت!! هوا غالى بس تمنه فيه بس لو فيه منه رخيص شوية!!!
كنت سمعت إن فيه شركة فى مصر بتبيعه بس معرفش ولا مكانها ولا أسعارها بس مهندس أسامة كان عارف حاجة زى كده!!
ياترى راح فين؟؟

اقتباس:

---

المشاركة الأصلية كتبت بواسطة bmw323

هو الكبل دا بيركب فين فى العربية بالظبط وفى زية للبى أم والهيونداى ولا لا؟؟؟؟ بالبرنامج بتاعهم طبعااا؟؟؟

---

هو فيه طبعاً لكن مش بيعمل كل حاجة ذي بتاع VW ، لأن الفكرة في ال-ECU نفسها ، و في BMW إلي بيعمل الحاجات كلها غالي جداً

أنا فعلا وصلت لشركه هنا فى مصر بس الأسعار الضعف ياباشا وصباح المصالح لو فى حد ممكن يجيبهولك من بره تبقى خدمتنى لو جبتلى واحد معاك وانا تحت أمرك فى أى مصاريف خاصه بأحضاره وعشان تضمن حقك الدفع مقدما شوف وقولى

اقتباس:

---

المشاركة الأصلية كتبت بواسطة momomero

أنا فعلا وصلت لشركه هنا فى مصر بس الأسعار الضعف ياباشا وصباح المصالح لو فى حد ممكن يجيبهولك من بره تبقى خدمتنى لو جبتلى واحد معاك وانا تحت أمرك فى أى مصاريف خاصه بأحضاره وعشان تضمن حقك الدفع مقدما شوف وقولى

---

ماهو طبيعي لو شركة جبته من برة هتدفع شحن و جمارك عليه يعني هيوسل هنا على ٢٥٠٠ جنيه مثلاً، هتضيف عليه هامش ربح يعني ممكن يوصل حوالي ٣٠٠٠ و يبقى كسبان كويس جداً، أكتر من كدة يبقى استهبال

مهو فعلا ياباشا أستهبال كان بيتكلم معايا فى 7000 ج باين كان فى موضوع أنا عملو قبل كدا بخصوص الكابل ممكن حضرتك تشوفو أنا كتبت الأسعار بتاعت الشركه المصريه فيه وهى فى المعادى

دا لينك الموضوع
http://www.nilemotors.net/Nile/showthread.php?t=67676

متهيألى مغامره انك تشترى كابل ب2000جنيه ومش هتستعمله غير لعربيتك بس

هو فى الحقيقه أنا مش هستعمله لعربيتى بس أنا فى حاجه بفكر فيها بس مش هعملها ألا لما أكون مستعد كويس ليها ودرستها كويس قوى ومن ضمن الأستعادادات هى شراء الكابل وكمان انى أن شاء الرحمن مش هركب حاجه تانى غير فولكس
فدا معناه انو هيكون ذو فائده بالنسبالى

اه كده الصوره وضحت يعنى هيكون ليه استعمال تانى وفى هدف من شراءه