الصحة المصرية توضح طرق الوقاية من "أنفلونزا الخنازير"

**badblood** · 28-04-2009 01:47 AM

ده غضب ربنا
ربنا يسترها علينا

**sab3aawy** · 28-04-2009 12:01 PM

مزارع الخنازير امر واقع، ووجودها حول المدن واقع جاثم على انفاسنا شئنا ام ابينا، حلول الاعدام بالتأكيد ستحجم المشكلة لكنها لن تمنعها ، حيث سيتم تهريب الخنازير ونقلها الى اماكن اخرى بمعرفة المربين كما حدث مع الطيور وستكون اجراءات التهريب بالتأكيد اكثر ضراوة من قبل المربين لأن ثمن الخنزير ربما يزيد عن ثمن 50 دجاجة، لذلك فان وزارة الصحة لم ترتكب جرما بتوعية الناس بكيفية الوقاية من المرض ، شكرا لوزراة الصحة على التوعية ونتمنى اتخاذ اجراءات اكثر حزما مع المزارع سواء بالنقل او باعدام الحيوانات المصابة او بتأمين منافذ البلد حتى لا نقع فريسة انفلونزا الحلاليف

**الطنطاوي** · 28-04-2009 01:41 PM

إلى الأن والحمد لله المرض ماوصلش مصر وإن شاء الله ربنا يحمي مصر من المرض ده

لكن أقل واجب إن يتم فحص جميع القادمين إلى من مختلف الجنسيات

عارف إن الموضوع صعب

لكن بلد زي اليابان عامله كده

ومش معنى إن المرض أصله من المكسيك يبقى احنا نفحص اللي جايين من المكسيك فقط

ممكن يكون واحد قابل واحد جاي من المكسيك في أي بلد تاني وممكن يكون اتعدى منه

الحكومة لازم توعي الناس ازاي يتعاملوا مع المرض

لازم يكون في اسعافات أولية في كل بيت

تفتيش على أماكن تجمع الناس زي الأسواق والكليات

جميع البلاد مقلوبة بسبب الموضوع ده

واحنا الوزير بتاعنا بيقول "احنا منتظرين لما منظمة الصحة العالمية تقول إنه وباء"

نفسي المساجد كلها تدعي إن ربنا يحمينا من المرض ده

هو في كرب زي ده

ربنا يحمي مصر

**Dr_Ahmed_Abdelghany** · 28-04-2009 01:42 PM

بعد جنون البقر وانفلونزا الطيور والخنازير والاجراءات النص كم فى منعها..

ياترى إيه اللى ممكن يحصل لو كان مرض بينتشر عن طريق حاجات أكثر انتشارا مثل الصراصير أو الذباب أو الفئران؟

فعلا إحنا ماشيين بحفظ الله

إنما ولتانى مرة كل الاجراءات الحالية صفر على الشمال وكلام للاستهلاك العالمى ولجلب تبرعات ترقد فى الجيوب...
واللى عنده خنزير يستحمل بلاه بقى

اتمنى بشدة تتعدم لأن نفسى أعرف تأثير إعدامها على سوق اللحوم..
ياترى الأفندية بيأكلوهالنا من غير ماندرى؟
ياترى لحومها العفنة بتروح فين؟

**محمد عز** · 28-04-2009 01:49 PM

اتمنى بشدة تتعدم لأن نفسى أعرف تأثير إعدامها على سوق اللحوم..
ياترى الأفندية بيأكلوهالنا من غير ماندرى؟
ياترى لحومها العفنة بتروح فين؟

نفس التساؤل اللى عمال يلح على دماغي

350 الف خنزير

اللحمة بتاعتهم بتروح فين

ده غير كمان بيقولك مصر بستورد لحم خنزير من امريكا

وكمان بنستورد

**أحمد سالم** · 28-04-2009 01:50 PM

انتو فاكرين ان الحكومه المصريه ممكن تطلع قرار بأعدام الخنازير
مستحييييييييييييييييييييل
هما عملو كده فى الفراخ علشان الفراخ غلبانه
اما الخنازير فليها ظهر
علشان كده محدش يقدر يعملها حاجه

**shady_hamdy** · 28-04-2009 02:01 PM

المشاركة الأصلية كتبت بواسطة أحمد سالم

انتو فاكرين ان الحكومه المصريه ممكن تطلع قرار بأعدام الخنازير
مستحييييييييييييييييييييل
هما عملو كده فى الفراخ علشان الفراخ غلبانه
اما الخنازير فليها ظهر
علشان كده محدش يقدر يعملها حاجه

صح و طبعا كلنا عرفين من صاحب اكبر مزرعة

**Dr_Ahmed_Abdelghany** · 28-04-2009 02:04 PM

المشاركة الأصلية كتبت بواسطة ekrami

صح و طبعا كلنا عرفين من صاحب اكبر مزرعة

أنا مش عارف؟
مين؟
ماكدونالدز؟

**AshTurbo** · 28-04-2009 04:30 PM

ليها ظهر ليها سبع أرجل ليها 15 ذراع يعدموها تماماً عن بكره أبيها المرض دة ضرب أسبانيا سنه 1918 وحصد ما يزيد عن 50 مليون شخص في أسبانيا فقط يعني نص عدد سكان مصر وتقدروا تعملوا سيرش على ال Spanish Flu أو Swine Flu وهتعرفوا المصيبة اللي ممكن تحصل في أي ثانية لا قدر الله .

**Dr_Ahmed_Abdelghany** · 28-04-2009 10:45 PM

المشاركة الأصلية كتبت بواسطة AshTurbo

ليها ظهر ليها سبع أرجل ليها 15 ذراع يعدموها تماماً عن بكره أبيها المرض دة ضرب أسبانيا سنه 1918 وحصد ما يزيد عن 50 مليون شخص في أسبانيا فقط يعني نص عدد سكان مصر وتقدروا تعملوا سيرش على ال Spanish Flu أو Swine Flu وهتعرفوا المصيبة اللي ممكن تحصل في أي ثانية لا قدر الله .

يافندم تبعا لطريقتنا الفرعونية فى التعامل مع الأحداث فلا يمكن التحرك إلا بعد حدوث كارثة بالفعل ، والكارثة لا تعنى "ظهور" المرض بمصر ، الكارثة تبعا لتعريفاتنا الخاصة هى مقتل عدد كبير من أقارب الناس المهمة فى مصر أومساسها بمصالح اللى بالى بالك ، لو حصل دا هتبقى كارثة ونتصرف.... غير كده تبقى ولا حاجة ...للأسف