إحذر من اللى قدامك

**ابوهاشم** · 29-04-2009 11:14 AM

اجمل حاجه واحنا كنا لسه بنتعلم القياده كان فى قاعده اساسيه ومهمه جده
انك تتعامل مع الطريق على ان كل اللى حواليك مش بيعرفو يسوقو كويس
ولو اتعاملنا بالمنطق ده اكيد الحظرمن الجميع يكون افضل ليك
بس ايه موضوع الصاعق ده يادكتور
ياريت تشرحهولنا

**Dr_Ahmed_Abdelghany** · 29-04-2009 02:49 PM

المشاركة الأصلية كتبت بواسطة hashem1999

بس ايه موضوع الصاعق ده يادكتور
ياريت تشرحهولنا

ههههههههههه
الصاعق جهاز مختبئ فى السيارة أتمنى الا أستخدمه يطلق شرارة كهربية عالية الفولت تبعد عنك المهاجمين فورا إذا لامستهم

**ahmed1981** · 29-04-2009 03:37 PM

الحمد لله إن ربنا سترها معاك

أنا حصل معايا نفس الموقف ولكن مع أوتوبيس كبير نصر
وأنا كنت ماشي وراه
وجأة وقف
أنا وقفت بيني وبينه حوالي مترين
فجأة لقيته بيرجع لورا
عشقت مرشدير ورجعت وأنا قاعد أزمر
المشكلة إن الزمارة كانت بايظة ومش راضية تزمر
لغاية لم طلعت راسي من الشباك وشتمته بأعلى صوت عندي
تقريباً قلتله حاسب يا متخلف أو شيء من هذا القبيل
طبعاً هو وقف فوراً
فكيت الحزام وحاولت أنزله لقيت اللي معايا في العربية مسكوني وخلاص وحصل خير وسيبك منه
وسبته ومشيت

لكن كانت خضة قوية جداً سيبت ركبي
والحمد لله على سلامة الجميع