المشاركة الأصلية كتبت بواسطة Ahmed Samy
"خريج" حديقة الجزيرة !!!!
لا و الله يا دوك
دول بيبقوا ساقطين كمان و لسة فاضللهم شوية على ما يتخرجوا و يحصلوا اخواتهم اللي ربنا كرمهم
انا عموما اتعلمت انى ما اقربش من عربية مسافة تقل عن 3-5 متر لأن السواقين مش مضمونين و خصوصا الستات في المطالع ...ياااااا عييني
الست من دول تفك الهاند بريك و تااااااااخد نص المطلع - لورا- لحاد ما العناية الإلهية تنقذنا من البلا المستعجل اللي نازل علينا حدف وهوووب تدوس فرامل
أكون انا خلاص قطعت خلف ...
و بعدين تفضل تشحر و تزمجر لحاد ما ربنا يكرمها و يهديها لدواسة الدبرياش علشان تجيب أولاني (كل ده و انا وراها على المطلع و قلبي بيرفرف)
وتزيييحجججج جابت الأولاني و هاتطلع ...هاتطلع ...هاتطلع .....و العربية تبطل .
و نبدأ من الأول
اوعى تدخل مطلع ورا تاكسي قديم ولا ورا واحدة ست راكبة مانيوال
و ابعد عن الميكروباصات
اه العربيات اللي ممكن تلزق فيها في الزحمة و ماتخافش :
كل ما زاد ثمنه عن 250 الف لأن اصحابها بيخلوا بالهم و عندهم تباع اليكتروني يقال له "سنسور"