عمر بطاريه الجين تو انتهى عند 14 الف كيلو

**meramor81** · 27-04-2009 11:31 PM

السلام عليكم ورحمه الله وبركاته

واجهتنا مشكله اليوم وهى ان العربيه مش راضيه تتدور
المهم جبنلها كهربائى وقاس الشحن ووجد ان البطاريه خلاص انتهت ولازم تتغير طبعا احنا العربيه عمله معانا الى الان 14 الف كيلو متر فهل تغيير البطاريه تبع الضمان والا هاندفع حقه
لانه لو خارج الضمان اكيد هانعمله بره لان جوزى مش طايق يروح هناك خالص حتى الفرامل مش عاوز يروح يشوفلها حل هناك والى الان مازالت المشكله قائمه وصوت الصفاره موجود
ولايوجد حل لهاا
بالنسبه للبيرسونا احب اقولكم اخر اخبارها انهردا والدى راح
للمهندس امر وركبوا العوامه وعمل صيانه 5000
واكتشف ان هناك صوت طقطقه فى الدركسيون قالوا له تعالى اى وقت تانى نحل لك المشكله وانت واقف بسرعه
ومش عارفين المشاكل هاتتنتهى امتى وهانوصل لحد فين ؟؟؟

**jisso82** · 27-04-2009 11:39 PM

دايما مطمنانى

**meramor81** · 27-04-2009 11:43 PM

المشاركة الأصلية كتبت بواسطة jisso82

دايما مطمنانى

والله كنت احب اطمنك بالخير بس مش لقيه حاجه حلوة اقولها بصراحه غير ان الواحد ندمان انه جاب بروتون بصفه عامه
الحمدلله على كل شىء

**ahmad alshaaer** · 27-04-2009 11:48 PM

اقول لحضرتك على حاجه
انا مافيش عربيه جبتها وماطلعش فيها عيوب الصناعه
مع العلم ان كان منهم جيتا فولكس فاجن
والحمد لله انها بتيجي على قد كده
وعموما اعتقد ان البطاريه ضمان ولكن مش متأكد ولكن مشكلة الصفاره بتاع التيل دي موجوده عندي لسه وهي من نوع التيل وماتحاوليش انك تعملي فيها حاجه
انا عن نفسي بقيت اغير تيل بره التوكيل
ارخص وانضف
وربنا معاكم

**meramor81** · 27-04-2009 11:53 PM

المشاركة الأصلية كتبت بواسطة tweety26980

اقول لحضرتك على حاجه
انا مافيش عربيه جبتها وماطلعش فيها عيوب الصناعه
مع العلم ان كان منهم جيتا فولكس فاجن
والحمد لله انها بتيجي على قد كده
وعموما اعتقد ان البطاريه ضمان ولكن مش متأكد ولكن مشكلة الصفاره بتاع التيل دي موجوده عندي لسه وهي من نوع التيل وماتحاوليش انك تعملي فيها حاجه
انا عن نفسي بقيت اغير تيل بره التوكيل
ارخص وانضف
وربنا معاكم

مشكور اخى الكريم بس كنت عاوزة اسأل حضرتك
بتغير تيل الفرامل فين وكم سعره ونوعه وهل فيه صوت صفاره
لان زوجى ناوى يجيب بوش المانى ؟؟ فارجو الافاده

**m.3abdel3al** · 28-04-2009 02:02 AM

المشاركة الأصلية كتبت بواسطة meramor81

السلام عليكم ورحمه الله وبركاته

واجهتنا مشكله اليوم وهى ان العربيه مش راضيه تتدور
المهم جبنلها كهربائى وقاس الشحن ووجد ان البطاريه خلاص انتهت ولازم تتغير طبعا احنا العربيه عمله معانا الى الان 14 الف كيلو متر فهل تغيير البطاريه تبع الضمان والا هاندفع حقه
لانه لو خارج الضمان اكيد هانعمله بره لان جوزى مش طايق يروح هناك خالص حتى الفرامل مش عاوز يروح يشوفلها حل هناك والى الان مازالت المشكله قائمه وصوت الصفاره موجود
ولايوجد حل لهاا
بالنسبه للبيرسونا احب اقولكم اخر اخبارها انهردا والدى راح
للمهندس امر وركبوا العوامه وعمل صيانه 5000
واكتشف ان هناك صوت طقطقه فى الدركسيون قالوا له تعالى اى وقت تانى نحل لك المشكله وانت واقف بسرعه
ومش عارفين المشاكل هاتتنتهى امتى وهانوصل لحد فين ؟؟؟

1.بالنسبة للبطارية اكيد لو مفيش اي زوايد حضرتك مركباها عليها يبقى اكيد ضمان

2.بالنسبة للفرامل في ناس اشترت تيل كويس جدا من عند امير وجوزيف في ابو داوود الظاهري في مدينة نصر او من مكة اي حته و بيقولو كويس جدا جدا و ارخص من التوكيل

**solyahmed** · 28-04-2009 02:34 AM

اعتقد ضمان البطاريه 6 شهور بس ,,,, وانا كنت راكن العربيه 3 شهور وكانو بيدوروها كل يومين و مع ذلك البطاريه فضيت وشحنها عند كهربائى ولما جيت روحتلهم وقالولي البطاريه كويسه تقريبا عشان ما يغيروهاش ....

**tutankhamoun** · 28-04-2009 06:36 AM

أولا الأخت العزيزة ميرامار .
أحب أنقلك شعوري بالأسف لتجربتك السيئة .

بس أنا عايز أعلق على موضوع البطارية
عمر البطارية مش بيتقاس بعدد الكيلومترات و انما بالمدة الزمنية .
لأن البطارية شحنها بيفضى لما بتكون العربية مركونة و انا فاكر انكم كنتم عاملين حادثة و يارب ما تتكرر تاني و العربية اتركنت عند ورش عز العرب فترة للتصليح .
فأكيد في الفترة دي شحن البطارية قل و طبعا قلل عمرها الافتراضي .

بالنسبة لتيل الفرامل ...... أنا لسة مغيرتش علشان كدا مش عارف اقول ايه لأن لسة معرفش التيل اللي بيتغير بيكون شكله ايه ؟؟؟؟؟؟؟؟؟؟

أحب أضيف معلومة لحضرتك .
التيل الاصلي اللي جاي في العربية بوش ..... ده اللي مكتوب عليه .
فلو عرفتوا تشتروا بوش بسعر معقول ... اتكلي على الله .
إنما الأخ الكريم احمد الشاعر - تويتي - بيقول أنه لقى تيل في مكان خارج التوكيل بسعر معقول و كمان مش بيصفر
فلو كدا يبقى بلاش تركيب التيل البوش علشان اللي اعرفه انه غالي قوي و مش موجود .

بالنسبة للمشاكل اللي عند والدك
ممكن حضرتك تعملي حصر نقطة نقطة و نحاول نشوف لها حل مع بعض .

و يا ترى استهلاك البنزين عامل معاه ايه ؟؟؟ و كيفية حسابه ؟؟؟؟؟

مع تحياتي و أمنياتي لكم بالخير دائما إن شاء الله

**ussamalh** · 28-04-2009 11:03 AM

اختى العزيزة كلام توت طبعا لا يمكن التعقيب عليه فهو مشكورا دايما موجود معانا .
بس انا عاوز اقولك حاجه مفيش حاجه كاملة فى الدنيا صدقينى
و ياما عربيات حديثة و بنلاقى فيها عيوب و ده عن تجربة شخصية .
الموضوع مش بروتون بس ده شائع و الحمدلله انها بتجى فى حجاه مقدور عليها

**mohamed_sabry** · 28-04-2009 11:31 AM

المشاركة الأصلية كتبت بواسطة tutankhamoun

التيل الاصلي اللي جاي في العربية بوش ..... ده اللي مكتوب عليه .

بالظبط يا استاذ توت ، التيل اللى جاى فى العربية بوش و و سألت عليه مهندس اصبحت على صداقة به فى التوكيل قاللى انه قليل شوية فى السوق بس موجود , و سعره حوالى 450 جنيه , امامى فقط طبعا .
اما بالنسبة للتيل اللى فى التوكيل فده التيل الاصلى اللى بعتاه بروتون و هو غنى بالنحاس لاطالة عمره مما ادى لخشونته الفظيعة و صوته المريع , و انه موجود عند تجار قطع الغيار بالسوق نوع اخر من بروتون اصلى برضه و لا يسبب اى اصوات و لكنه يتآكل بسرعة .
و اخبرنى انهم يواجهون مشكلة غيبة ليس لها تفسير , انه بعد تركيب التيل الموجود بالتوكيل اكتشفوا انه حتى بعد تغييره لا يختفى الصوت , كأن السيارة اصابها فيروس .
و فعلا ده عيب خطير من بروتون , ازاى مش قادرين يوفروا قطعة غيار سليمة لسياراتهم , ايه القرف ده ؟
عموما انا قررت اشترى التيل البوش لما احتاجه و امرى الى الله تعالى , يعنى هانعمل ايه .
!!!!!!!!!!!!!!!!!!!