هام لأصحاب A516 موديل 2009

**TefaShoman** · 01-06-2009 09:23 AM

أستاذ Salamonti .. ألف مبروك العربية الجديدة وربنا يديك خيرها ويبعد عنك شرها

بس كنت عاوز أسأل حضرتك سؤال :

أنا نزلت الصور والفيديو اللى حضرتك حاطه فى الرابط عن عربيتك قبل وبعد الحادثة ..

وبعد إذنك عاوز أسأل عن طبيعة الحادثة الشديدة دى جت ازاى أو ايه نوعها يعنى ؟؟

لأنى بحب الجين2 جدا وزعلت اوى لما شفت الصور دى

وشكرا جزيلا

**bishoy02010** · 01-06-2009 09:45 AM

مبروك على العربية الف مبروك

**وائل عطية** · 01-06-2009 09:53 AM

مبروك على العربية الجديدة

**أبو صلاح** · 01-06-2009 10:11 AM

المشاركة الأصلية كتبت بواسطة tefashoman

أستاذ salamonti .. ألف مبروك العربية الجديدة وربنا يديك خيرها ويبعد عنك شرها

بس كنت عاوز أسأل حضرتك سؤال :

أنا نزلت الصور والفيديو اللى حضرتك حاطه فى الرابط عن عربيتك قبل وبعد الحادثة ..

وبعد إذنك عاوز أسأل عن طبيعة الحادثة الشديدة دى جت ازاى أو ايه نوعها يعنى ؟؟

لأنى بحب الجين2 جدا وزعلت اوى لما شفت الصور دى

وشكرا جزيلا

يا أخي سبحان الله
واحد عامل موضوع علشان يجيب عربية جديدة
والناس بتباركلوا
تدخل انت وتكلم عضو تاني خالص وتقولوا حادثة؟؟؟؟؟؟
ايه الكلام الغريب ده
ده منتدى يعني نظام مش سلطة

والغريبة انه بيكلم واحد غير صاحب الموضوع

لا اله الا الله

**TefaShoman** · 02-06-2009 04:53 AM

المشاركة الأصلية كتبت بواسطة أبو صلاح

يا أخي سبحان الله
واحد عامل موضوع علشان يجيب عربية جديدة
والناس بتباركلوا
تدخل انت وتكلم عضو تاني خالص وتقولوا حادثة؟؟؟؟؟؟
ايه الكلام الغريب ده
ده منتدى يعني نظام مش سلطة

والغريبة انه بيكلم واحد غير صاحب الموضوع

لا اله الا الله

لاإله إلا الله ، محمد رسول الله

يا أستاذ أبوصلاح .. ماتزعلش نفسك أوى

أولا أنا ماكلمتش حد غير صاحب الموضوع انت اللى مش مركز

أنا بكلم صاحب الموضوع وبسأله على شئ فى توقيعه هو مش حد تانى

وبعدين أنا ماسألتش غير بعد ما باركت

ولا هو الناس مابقتش مستحملة بعض وكله هجوم وخلاص ؟؟

قبل ماتنتقد الناس وتزعل نفسك ابقى اقرا الموضوع كويس

وربنا يهدينا جميعا

**compuland** · 02-06-2009 08:24 AM

مبروك عليك العربيه
وابقى تابعنا باخبارها معاك

**compuland** · 07-06-2009 09:05 AM

نفس التعليق اللى قلته قبل كده فى احد المشاركات على اسبرانزا
مما لاشك فيه ان المنتجات الصينيه يوجد منها الردىء ويوجد منها المتميز
شركة شيرى او اسبرانزا على وجه العموم سمعتها وحشه جدا
وعلى مدار تجربه كذا سنه فى السوق المصرى اكدت فشلها تماما
اشمعنا بقى التيجو اللى هتطلع حلوة؟؟؟

ياجماعه دنا مشفتلهاش اختبار تصادم ولو حتى كرتون
ومهما كانت المميزات الموجوده بها فاهم حاجة انك تبقى راكب عربيه وانت مطمن على نفسك
لازم نأخذ بالاسباب ونفرحش بشويه اوبشن بيضحكوا بيه علينا

**arc_sherif_81** · 07-07-2009 12:01 PM

A516
عليه البيئه و التكيف و الكاسيت مشاكل متكرره
اسعار الصيانات الدوريه غاليه
قطع الغيار غير معمره
عربيه مش بتاعت شغل
غير ان التوكيل زحمه ومقرف و لما تروح فيه هتستني العربيه 7 او 8 ساعات
التوكيل فرع واحد في ابو رواش و الباقي مراكز معتمده و اي مشكله في الضمان لازم تروح الفرع الرئيسي و إلا تصلح علي حسابك
الفرع الرئيسي مفوش حجز يعني تروح من الفجر علشان تحجز دور بدري
صيانه ال 30 الف هتكلف 1700 جنيه
صندوق البيئه ثمنه 1200 جنيه غير المصنعيه

نصيحه العايز يشتريها يروح يوم التوكيل الرئيسي في ابو رواش و يعد الخناقات الهناك بسبب مشاكل العربيه و خلو بالكم في توكيل و في مركز معتمد في ابو رواش و الهيدفع 67 او 68 الف مش خساره ان يضيع يوم هناك علشان يتاكيد و ميندمش بعد كده خصوصا ان لو اشتراها هيضيع بعد كده ايام كتير هناك ده كان في ناس بتيجي لنفس العيب 7 مرات و مبتصلحش بردو