السلام عليكم و رحمة الله
فى البداية سامحونى على الإنقطاع الطويل عنكم فقد كان بسبب مرض والدى (رحمة الله عليه)
ثانيا أشكر كل من إهتم بغيابى و سأل عنى وخصوصاً الأستاذ توفيق و الدكتور معاذ
المهم
كنت بصلى الظهر إمبارح و كان معايا مديري فى الشركة والكلام أخدنا ونسينا نضغط على زرار الأسانسير ونزلنا فى الدور السابع بدل الثالث وتفاجأنا إن الدور السابع بقى المقر الرئيسي لشركة ديهاتسو مصر لمدة ثلاث سنوات إن شاء الله لحين الإنتهاء من بناء المقر الرئيسى فى المعادى وكان لسه أول يوم عمل للشركة. المهم إن (أحد العاملين) فى ديهاتسو من أعز أصدقاء مديرى فى العمل
طبعا فى الأول كنت فاكره أحد العاملين هناك طلع المهندس أسامة سعد أحمد - مدير عام الشركة - الراجل ماشاء الله فى منتهى الأدب والزوق وفاهم إدارة كويس (mba) و كتير من العاملين هناك حاصلين على الشهادة دى فى الإدارة
مهندس أسامة كان عارف طبعاً نايل موتورز و عارف الجروب بتاعنا و قاللى على الخصم اللى دايهاتسو عملتو و إن فى حاجة كمان لسة فى الطريق بس ماقلش إية
وقال كمان إن مركز أبو رواش هايشتغل إن شاء الله على نص يوليو بس كان عايز إننا كملاك ديهاتسو إننا نروح هناك علشان نحدد مكان الإستراحة يبقى شكله و تنسيقه إزاى قاللى علشان إحنا اللى هنقعد فيه و لازم يكون مريح لينا و موافق لتصوراتنا و هيكون مهندس محمد عبد الصمد فى إستقبالنا هناك فى حالة لو روحنا
دا كل اللى أنا فاكره من القاعدة الطويلة و الممتعة مع مهندس أسامة ولو إفتكرت حاجة تانى إن شاء الله هكتبها
سامحونى على الإطالة و أسألكم الدعاء لوالدى أن يغفر له و يرحمه و يسكنه فسيح جناته و يرزقه أجر الشهداء و الصديقين و لا يحرمنا أجره .... آمين
المفضلات