حد عنده لاب توب عليه فيستا ونفسه يرجع للأكس بى ومش عارف

**أحمد سالم** · 28-04-2009 02:24 AM

السلام عليكم
اخيرا شيلت الفيزتا من على الاب توب ونزلت اكس بى
برغم الحمايه اللى بيحطوها على الهارد علشان يجبرونا نستخدم فيستا
والحل هو
1 - الدخول على الماذر بورد الخاصه بالاب توب
وهى فى الغالب بتكون بالضغط على زر f2
مع بداية تشغيل الجهاز
وتغيير اختيار الهارد ديسك من نوع ساتا
الى ID
ثم تحميل نسخة ويندوز تدعم تعريف الساتا
وممكن تحملوها من الانترنت
للحصول على النسخه ابحث فى جوجل بهذا العنوان
نسخة WindowsXP SP3 Essential SATA Drivers الداعمه للساتا ويبحث
هتلاقيها محطوطه على اكثر من منتدى
اهم حاجه
ان اول مانبدا السيت اب
وبعد ان نختار الاقلاع الاول من cd
هتطلع لنا شاشة زرقاء
وهيطلب منك الضغط على اى زر لبدء التحميل
وهنا هيطللع اختيار تحت بيقول اضغط على f 6
تروح ضاغط عليها على طول
وفى الرسالة اللى بعدها دوس انتر
هيظهر بعد شويه الهارد ديسك
تروح عامل ديليت للدرايف c
بالضغط على زرd
مع تظليل البرتشن c
بعدين ترجع تعمله create
من جديد وبعدين فورمات
وبعدها هتبقى خطوات الويندوز الطبيعيه
المشكله دى مش هتواجه كل اللى معاهم لاب توب
هى بتظهر فى الاب توبات الجديده فقط
وهى ان شركة مايكرو سوفت عامله اتفاق مع منتجى الاب توب على ان يجبرو العملاء على استخدام فيستا
فبتقوم بعمل شبة حمايه علىالهارد
فلما تيجلى تنزل ويندوز عادى اكس بى يحصل خطأ قبل عمليه الفورمات
ولو جربت تفرمت ب اسطوانه بوت
هتلاقى الهارد غير موجود
لانهم بيخلو جزء من الهارد مخفى وعليه ملفات الريكفرى
على فكرة الموضوع ده انا جربته بنفسى ونجح الحمد لله معايا
بعد لما روحت المول ولقيت النسه دى من الويندوز اكس بى سعرها بيوصل ل 25 جنيه طبعا منسوخه
لهذا قلت اقولكم على الحل
لاكن احترس قبل ماتعمل الموضوع ده تأكد ان تعريفات الجهاز بتاعة الاكس بى موجوده معاك
وواى استفسار انا فى الخدمه

**pro_samir** · 28-04-2009 02:31 AM

مشكور على الشرح
بس على فكرة مش محتاج تقفل الساتا من الهارد لو نسخة الويندوز فيها تعريفات الساتا
ودى الفكرة كلها ان نسخة الويندوز يكون فيها تعريفات الساتا مش اكتر

**أحمد سالم** · 28-04-2009 03:19 PM

--------------------------------------------------------------------------------
مشكور على الشرح
بس على فكرة مش محتاج تقفل الساتا من الهارد لو نسخة الويندوز فيها تعريفات الساتا
ودى الفكرة كلها ان نسخة الويندوز يكون فيها تعريفات الساتا مش اكتر

انا ماقفلتش الساتا
ان غيرت الاختيار بتاع الساتا الى i d
لما خليته ساتا الموضوع لم يكتمل
على فكرة انا عملت كذا محاوله علشان اوصل للحل

--------------------------------------------------------------------------------
انا الاكس بي بينزل عندي عادي جدا بس المشكلة في التعريفات مش لاقيها ..
حاليا عندي عالجهاز فيستا و لينكس مينت دة ليه استخداماته ودة ليه استخدماته
... شكرا على التوبيك يا باشا

لو حضرتك محتاج تعريفات جهازك للاكس بى
ممكن تقولى نوعه ايه وانا ان شاء الله اجيبهالك
وشكرا لذوقك فى الرد

**EslaM_NagY** · 24-06-2009 06:25 PM

أحى فيك روح العزيمة والاصرار

انا برضو محبش حد بفرض عليا انزل ايه ومنزلش ايه

**Mohamed_Ibiza** · 24-06-2009 06:58 PM

هي المشكلة كلها بتبقى في التعريفات

**abdelaziz-waleed** · 24-06-2009 07:42 PM

يكفي انك تعمل Disable للساتا وساعتها تقدر تنزل اي نسخة ويندوز اكس بي
اما بالنسبة للتعريفات الموضوع بسيط جدا
فيه برنامج اسمه DriverScanner البرنامج ده بيعمل Scan على اللابتوب بتاعك ويشوف ايه التعريفات اللي ناقصة او مش Updated وبيدخل على النت ويجيبهالك ويحملهالك. بس المشكلة الوحيدة انك لازم تكون متصل بالانترنت بعني ان لازم تكون معرف كارت ال LAN او ال Wireless مسبقا علشان البرنامج يقد يساعدك في باقي التعريفات
انا عندي لابتوب HP Pavilion 6383 وده كان عليه فيستا وانا حبيت انزل اكس بي. عل الرغم من اني اتصت بشركة اتش بي وبعتولي بعض التعريفات لاكس بي الا ان مش كل التعريفات اشتغلت وهما قالولي انهم ماعملوش اي اختبا للتعريفات على اكس بي على اساس انهم بيدعمو فيستا فقط بس الحمد لله لحسن حظي ان تعريف الوايرلس بتاع فيستا اشتغل مع الاكس بي وقدر البرنامج يجيبلي كل التعريفات الباقية من على النت ويحملها لي ويعملي كمان Update للتعريفات الموجودة القديمة. بصراحة برنامج ممتاز

**TaoTao** · 24-06-2009 08:44 PM

شكراً ع المجهود والتعليمات الرائعة المفيدة، لي كم ملاحظة لاكتمال الفائدة:
- لو النسخة مدمج فيها تعريف ال Sata مش هانحتاج الخطوة اللي بنقلب مود تشغيل الهارد ديسك لـ ATA وساعات بيسموها Legacy
- ولو قلبنا مود الهارد لـ ATA مش ضروري نسخة الويندوز تكون داعمة لل SAATA
- خطوة F6 غير ضرورية في كلتا الحالتين السابقتين (تغيير مود التشغيل، أو استخدام نسخة داعمة لل SATA)، الخطوة دي نحتاجها فقط لو حملنا تعريفات ال SATA اللي بتيجي مع اللابتوب على Floppy Disk ودي الطريقة المعتمدة والأكثر أماناً لأنك تستعمل نسختك الموثوق فيها بدلاً من نسخة مجهولة المصدر التي يتم تحميلها من على الإنترنت. وفي الحالة دي نضغط على F6 فيقوم برنامج تحميل الويندوز بالبحث عن تعريفات الهارد ديسك من على الفلوبي ديسك (لازم يكون فلوبي وهو ده عيب الطريقة دي الوحيد لأن كل اللابتوب الحديث بدون فلوبي والواحد مضطر يستعمل External USB Floppy)
- هناك طريقة أكثر احترافية ينم فيها دمج تعريفات الساتا مع نسخة الويندوز الخاصة بك. بتجنبنا مشقة الحصول على External Floppy أو تحويل مود التشغيل بتاع الهارد (أحياناً كتير أوبشن تغيير مود تشغيل الهارد مش بتكون متوفرة) بس الطريقة دي محتاجة وقت اكتبها وارفق معاها الصور وهاحاول أنهيا في أقرب وقت

شكراً مرة تانية للمجهود الرائع.

**tananybasha** · 25-06-2009 12:03 AM

فى نسخ اكس بى ساتا سبورت Xp SATA Support و منزلها على اللاب عندى يجى من سنة و نص و زى الفل و محدث منها نسخ على DVD شاملة حوالى 95% من تعريفات اللاب توب

-

-

الموضوع: حد عنده لاب توب عليه فيستا ونفسه يرجع للأكس بى ومش عارف

LinkBack

أدوات الموضوع

عرض

-

-

-

-

-

المواضيع المتشابهه

يرجع ولا ميرجعش متهيألى يرجع :)

اقنعه ازاي صديقي من زوي الاحتياجات الخاصه ونفسه في عربيه

مش عارف اركب سنتر للفورد فيستا ابدا ياريت اللى عنده فيستا يدخل

هاردات للأكس بوكس xbox360 250جيجا

اللى له حد فى السودان ومش عارف يطمن عليه او قلقان عليه يتصل بالرقم ده

الكلمات الدلالية لهذا الموضوع

المفضلات

المفضلات

ضوابط المشاركة