نيسان صنى 2009 - تويوتا كرولا 2009 - من يتفوق ؟

السلام عليكم اخوانى الكرام
حيرتى تزداد يوميا بين الصنى والكورلا .. أيهما افضل ؟
مزايا الصنى : روعة تصميمها - رخص سعرها 1600 فل اوبشن اتوماتيك .
مزايا الكورلا : ثبات السعر - رخص قطع الغيار ( لانها تصنع فى كل مكان ) - 1800 فل اوبشن اتوماتيك

والعكس بالنسبة للعيوب من وجهة نظرى

عيوب الصنى : ( كثيرين لا يحبونها أو الكل يعشق الكورولا ولذلك يقع سعرها - قطع غيار اغلى )
عيوب الكورلا : تصميم اقل ابداعا ( فريق تصميم نيسان افضل بكل المقاييس من فريق تصميم تويوتا
ومحدش يضرب ) - سعر مبالغ فيه جدا .
ماذا تفعل لو معك مبلغ كبير.. تتخلى عن بعض المواصفات وتاخد كورولا سياحى .. ام تقتنى الصنى ؟
رجاء عدم التعصب ودراسة الرد وتجنب السخرية فى الردود .. لان الموضوع جاد

تحياتى

Nissan sunny is best value for money in range 85 - 100

انا شخصيا عندى صنى مو 99 عامل بيها 250 الف ولسه بحاله جيده للان

عربيات محترمه جدا
وافضل من وجه نظرى من الانسر واعتقد افضل من الكرولا

كوروللا طبعا و بدون تفكير و إن كنت بنفس السعر ممكن تفكر فى حاجات تانيه كتير و الله الموفق

و بعدين يا صديقى إنت من إمبارح كاتب فى حدود 25 موضوع بتتغازل فى الصنى.
ما صدقتش إن إنت اللى كاتبهم غير بعد ما قريت كل التوقيعات على كل المواضيع
أعتقد إن الخواجه صنى ذات نفسه مش هايتكلم عن العربيه دى زيك.
يا راجل دا إنت نايم بتحلم بيها ياله على البركه

هو بس انا معتقدش ان قطع غيار الصنى اللى فى السوق من 2002 وكل مصانع قطع الغيار فى العالم عملت لها هتكون اغلى من قطع غيار الكورولا الجديدة اللى بقالها فى السوق سنة ولسة مالهاش بدائل كتير...مش بالعها دى

خلي بالك الكورولا اوسع من الصني و دي ميزة مهمة لو معاك عائلة

اقتباس:

---

المشاركة الأصلية كتبت بواسطة noon_eg

Nissan sunny is best value for money in range 85 - 100

انا شخصيا عندى صنى مو 99 عامل بيها 250 الف ولسه بحاله جيده للان

عربيات محترمه جدا
وافضل من وجه نظرى من الانسر واعتقد افضل من الكرولا

---

انا كان معايا كريستالة 98 ( أول يد) و كنت عامل بيها 270 الف و كانت بحالتها و الموتور تحفة و سحبة رائع و ثبات ماقولكش و بعتها بـ 48000 من اسبوع و كان فيها شوية سمكرة عايزين يتعملو كده, و الراجل خدها زي ماهي... الجيل القديم ده :S_thum1[1]:

بس مينفعش تقارن العربيات دي بالعربيات بتاعة اليومين دول, عشان العربيات زمان كانت أقوى بكتييير من دلوقتي (كمواتير و صاج و عفشة)....

بس انا برجح كفة الكرولا 2009 عن الصني 2009...

تويوتا كورولا

مممممممم
بصراحه
عندي التيدا فول اوبش بلس احسن من دي ودي في كل شيء
ودا رأيي

الكورولا الجديدة تتقارن مع البلو بيرد سيلفى ...
لأن البلو بيرد سيلفى هى الصنى الجديدة .. و لة لاحظتم هتلاقوا إن الصنى القديمة إسمها بلو بيرد

تويوتا كورولا افضل بكتيير من الصني الصني مشكلته شكله تقليدي وقطع غياره غالية ومش كل واحد بيحبه واعادة البيع مش زي التويوتا لكن برده النيسان شركة محترمة وعربياتها كويسة ومعمرة

تويوتا كورولا

والله العظيم انا مش عارف الاعضاء بترد ليه هو اصلا فيه وجه مقارنة
ولا هو الناس بتكتب موضوعات وخلاص

تيدا اية وصنى اية ...الكرولا افضل طبعا..الكرولا تتقارن بالسيفيك والسوبارو لكن صنى اية بس ...

منا ممكن اقارن الفكترا بلادا والاتنين 2009 ومزايا الادا قطع غيار متوفرة وارخص واستهلاك بنزين اقل وكدة...

ارجو المقارنات تبقى واقعية شوية

يعنى الفرق بين الفيكترا واللادا زى الفرق بين الكرولا والصنى
يا راجل أتفى الله وخليك واقعى شوية

اقتباس:

---

المشاركة الأصلية كتبت بواسطة aly_elhawary

يعنى الفرق بين الفيكترا واللادا زى الفرق بين الكرولا والصنى
يا راجل أتفى الله وخليك واقعى شوية

---

اتقى اللة ..بجد مستغرب من كلامك..احنا مسلمين وبنتقى اللة الحمد للة

بس حضرتك مفهمتش قصدى..انا واحد من ملاك الصنى..واكيد طبعا هقف مع عربيتى ضد اى عربية تانية لكن اهم حاجة الواد يكون محايد...لما اتكلم عن تويوتا كرولا 2009 بتكنولوجيا رهيبة ما شاء اللة ..ب 150 اللف جنية ...غير لما اتكلم على صنى ب 90 اللف جنية

حضرتك السعر يقولك...وعلى فكرة اصلا المقارنة لا تصلح..ودة مش كلامى لوحدى دة كلام بقيت الاعضاء..(اقرأ الموضوع كويس)

المقارنة لا تصلح لان فى ظلم للصنى طبعا...

وبالنسبة لموضوع الادا والفيكترا (دة حسب مكان شغلى وحسب احتياجاتى يعنى لو عايز خدمة شاقة وبهدلة هاخد الادا طبعا...لو لايت ان الادا تنفعنى هتبقى احسن من 100 فيكترا ودة بالنسبالى فقط لانى هيكون ليا اسبابى)

بكرر لتانى مرة المقارنة لا تصلح...

ويارب الناس كلها تتقى ربنا عشان تنال رضاه

اقتباس:

---

المشاركة الأصلية كتبت بواسطة ahmed20_08nubira

اتقى اللة ..بجد مستغرب من كلامك..احنا مسلمين وبنتقى اللة الحمد للة

بس حضرتك مفهمتش قصدى..انا واحد من ملاك الصنى..واكيد طبعا هقف مع عربيتى ضد اى عربية تانية لكن اهم حاجة الواد يكون محايد...لما اتكلم عن تويوتا كرولا 2009 بتكنولوجيا رهيبة ما شاء اللة ..ب 150 اللف جنية ...غير لما اتكلم على صنى ب 90 اللف جنية

حضرتك السعر يقولك...وعلى فكرة اصلا المقارنة لا تصلح..ودة مش كلامى لوحدى دة كلام بقيت الاعضاء..(اقرأ الموضوع كويس)

المقارنة لا تصلح لان فى ظلم للصنى طبعا...

وبالنسبة لموضوع الادا والفيكترا (دة حسب مكان شغلى وحسب احتياجاتى يعنى لو عايز خدمة شاقة وبهدلة هاخد الادا طبعا...لو لايت ان الادا تنفعنى هتبقى احسن من 100 فيكترا ودة بالنسبالى فقط لانى هيكون ليا اسبابى)

بكرر لتانى مرة المقارنة لا تصلح...

ويارب الناس كلها تتقى ربنا عشان تنال رضاه

---

أخى العزيز م/ أحمد اسف جداً ان كان كلامى ضايقك

هههههههههههههههههههه بجد احلي حاجه في اعضاء نايل متورز انهم بيعرفوا يوصلولك المعلومه صح

مش عارف أنا ايه اللي جاب النيسان صني للتيوتا كرولا ... هو أي حاجه مع اي حاجه والسلام .. يا جماعة مبلاش المقارنات اللي ملهاش معنى دي ، قلنا مليون مره مش أي عربية 1600 تتقارن مع اي عربية تانية عشان 1600 ،
دلوقتي هيطلع واحد يتفلسفلي ، ويقولي العربيتين نفس السعة اللترية ونفس الحجم وفرق السعر عشان دي بتتقفل في مصر والتانية بتتقفل بره في حتة غالية وأي كلام في البطيخ خسارة حتى الواحد يرد عليه ،

والخلاصة أن عمر ابو قرش ما هيبقى زي ابو قرشين والفروق باينة بس الناس بتتجاهلها عشان تريح نفسها ونقعد للسفسطة عديمة الجدوى، واللي عاوز يشتري ابو قرش ويساوية بابو قرشين عشان يريح نفسه ، يا ريت يعمل الموضوع ده عند دكتور نفساني مش في قسم المقارنات ، عشان احنا مش هنقضيها مقارنات غريبة ونقعد نحرق في دمنا على الفاضي

الاجابة ...

نيسان صنى افضل بمراحل...

1- اقل من التويوتا فى السعر..
2- 1600 سى سى زى التويوتا
3-فيها تكييف زى التويوتا
4-لو قرصت على العربية هتجرى
5- كلام من اللى فوق كتير بقا

(هو يمكن صاحب الموضوع عايز اجابات زى كدة)

اقتباس:

---

المشاركة الأصلية كتبت بواسطة ahmed20_08nubira

الاجابة ...

نيسان صنى افضل بمراحل...

1- اقل من التويوتا فى السعر..
2- 1600 سى سى زى التويوتا
3-فيها تكييف زى التويوتا
4-لو قرصت على العربية هتجرى
5- كلام من اللى فوق كتير بقا

(هو يمكن صاحب الموضوع عايز اجابات زى كدة)

---

6 - وفيها أربع عجل واستيبن زيها زي التويوتا
7 - مكونات يابانية متقفلة بايدي مصرية والكورولا متقفلة في جنوب أفريقيا
8 - شكلها تحفة ( طبعا هي من اسوأ العربيات في الشكل على الأطلاق )

وهلم جرجر ...

اقتباس:

---

المشاركة الأصلية كتبت بواسطة justs

6 - وفيها أربع عجل واستيبن زيها زي التويوتا
7 - مكونات يابانية متقفلة بايدي مصرية والكورولا متقفلة في جنوب أفريقيا
8 - شكلها تحفة ( طبعا هي من اسوأ العربيات في الشكل على الأطلاق )

وهلم جرجر ...

---

لاء لاء لاء لاء عيب كدة ياباشا..هو اة الصنى اقل من الكرولا لكن شكلها مش وحش ومهياش اسوأ العربيات فى الشكل على الاطلاق..
العربية شيك جدا وكلاسيك وفيها نوع من الفخامة..

انت كارها كدة لية ياباشا؟

الصنى مش عربية دي شئ متخلف لشوارع مصر بس

أختي كان عندها نوبيرا 2005 و كانت جايباها زيرو ..... و كيرت معاها حكاية الياباني و الكوري راحت بايعة العربية و اشترت صني 2008 و بعد شهرين تلاتة بسألها أخبار الصني معاكي إيه قالت إنها حزينة جدا على النوبيرا و غلطة كبيرة جدا إنها باعت عربيتها و جابت الصني .......


الفرق بقى :::

النوبيرا أوسع و فيها أماكن تخزين كتيرة ..

الصني لما تقفل لوك الزجاج ماتقدرش تفتح الشباك بتاعها و لا تقفله .

و مش فاكر ايه تاني هسألها و أقولكم

عشان كده الصني ماتنفعش