سؤال عن عفشه العربيه نيسان صني؟؟؟؟؟

**mdsoultan** · 28-04-2009 06:04 AM

ليه الناس بتشتكي من عفشه نيسان صني ودائما يحذرونا من العفشه بتبوظ بسرعه ممكن الردود ضروري

**aboezz44** · 28-04-2009 10:24 AM

ممكن حضرتك تكون متخيل الأمور غلط
الناس بتشتكى من ان عفشة الصنى ناشفه لكن مش بتسيب من بعضها وانا اعتقد ان نشوفية العفشه دا جا لصالح العمر الأفتراضى
فا انتا معاك عفشه ناشفه بس عمرها الأفتراضى طويل عكس الكورى مثلا عفشه ناعمه جدا بس بتسيب من بعضها بسرعه ادل مثال على كلامى ودى العربيه الكورى الى اتعاملت معاها عن قرب كانت النوبيرا بصراحه عفشه حرير بس عايزه كل ماتروح تجيب العده وتنام تحت العربيه وتربط على العفشه بتاعتها
ودا كان اساس وجهة نظرى فى المقارنه بين اللألنترا مثلا والصنى انا قولت من وجهة نظرى عايز عربيه ناعمه وقمة الرفاهيه اركب اللألنترا بس ماتنتظرش عمر افتراضى عايز عربيه ليها اعتماديه وتدعك فيها زى ما انتا عايز عليك بالنيسان بس ماتنتظرش نعومه او رفاهيه وكل واحد ادرى بأولوياته فى العربيه الى عايزها
والله المستعان

**sheeko00** · 30-04-2009 03:13 PM

الصنى ال ex-saloon عفشتها ناعمة وكويسة لانها مش رياضية لكن عمرها الافتراضى اقل والسوبر صالون عافشتها ناشفة لانها عفشة رياضية لكن عمرها الافتراضى اطول وموضوع العفشة الناشفة دة فاى عفشة رياضيية واسألو اللى معاهم اللانسر الرياضية هيقولك عفشتها ناشفة عن العادية والله اعلم