يا جماعة الألنترا الجديدة لما تتجاب اول مرة في حاجة تتعمل عشات اشغل الريموت و لا مفروض يشتغل على طول؟؟؟؟؟
و لو محصلش دة مشكلة كبيرة ولا اية؟؟؟
عرض للطباعة
يا جماعة الألنترا الجديدة لما تتجاب اول مرة في حاجة تتعمل عشات اشغل الريموت و لا مفروض يشتغل على طول؟؟؟؟؟
و لو محصلش دة مشكلة كبيرة ولا اية؟؟؟
باشمهندس صلاح ...لازم سيادتك تروح لغبور ... فرع قليوب ... أو أبورواش فقط - علشان جهاز البرمجة - علشان تبرمج الريموت على العربية ... وده موضوع مبياخدش عشرة دقائق ... غير كدة الريموت طبعاً لا يعمل ... وكان لازم اللى هيسلمك العربية هيقولك كدة ... هو خلاص سيادتك أستلمت ولا لسة ... أبقى طمنا عليك ...
تقبلوا تحياتي ...
م / حسام منير
بجد الله يطمنك يا بشمهندس حسام أنا إفتكرت إن العربية فيها حاجةاقتباس:
باشمهندس صلاح ...لازم سيادتك تروح لغبور ... فرع قليوب ... أو أبورواش فقط - علشان جهاز البرمجة - علشان تبرمج الريموت على العربية ... وده موضوع مبياخدش عشرة دقائق ... غير كدة الريموت طبعاً لا يعمل ... وكان لازم اللى هيسلمك العربية هيقولك كدة ... هو خلاص سيادتك أستلمت ولا لسة ... أبقى طمنا عليك ...
تقبلوا تحياتي ...
م / حسام منير
إن شاء الله العربية جت خلاص و هستلمها إن شاء الله الأسبوع دة بإذن الله
انا رحت شفتها
معندكش أي نصايح و أنا ببص على العربية و بستلمها؟؟؟؟
تشييك عام على العربية ... فيها خرايش ظاهرة ... حاجة مخبوطة ... من برة ... كدة يا عني ... وتشيك على الأستبن و العدة بتاعتها ... وبعدين من جوة تبص على الفرش ... وتجرب الكاسيت والتكييف ... العداد المفروض يبقى عامل من 50 إلى 60 كم .... ميكونش أكثر من كدة ... علشان بتيجي متساقة جوه مصر ... تستلم الحاجات اللى كنت قولتلك عليهم قبل كدة ... أهم حاجة شهادة الأفراج الجمركي ... والمبايعة ... علشان تعرف ترخص ... على طول ... أول ما تستلم وتركب أن شاء الله ... تحط عينك فين أقرب بنزينة ... وتفول على طول لحسن العربية بتبقى ... ماشية بالهواء :) :) ما فيهاش ولا نقطة بنزين ...اقتباس:
معندكش أي نصايح و أنا ببص على العربية و بستلمها؟؟؟؟
وربنا يتمم بخير إن شاء الله ... وألف مبروك ... عليك وعلى العائلة الكريمة ... وأبقى قولنا ملاحظاتك أول بأول ...
تقبلوا تحياتي ...
م / حسام منير
الله يبارك فيك يا بشمهندس حسام و شكرا جدك على ذوقك يا أخي الكريم
بالنسبة للريموت أنا لازم أحجز عند غبور و لا أروح مباشرة؟؟؟؟
ياعم حسام مساء الفل اولا وو حشتنا الكام يوم اللى غيبتهم ..
و مازال الموعد قائما ان شاء الله : معرض فورميلا الاهرام !
تعليق على تسليم السيارة : التوكيل المحترم زى رينو يسلم العربية دايما " هاف تانك - من 25 - 30 لتر .. :wink:
باشمهندس صلاح ... ممكن فى قليوب من غير حجز ... بس أبورواش لازم حجز ... مع أن الموضوع بسيط ... بس الدنيا زحمة جداً ... جداً
أستاذ عادل Hamlet ...أشكرك على سؤالك عليا ... أنا فاكر الميعاد ... إن شاء الله ... أتشرف بسيادتك فى معرض فورميلا ...
مما لا شك فيه ... أن توكيل رينو ... من أحسن التوكيلات في مصر ... بس سيادتك هتروح فين ... راجعلهم راجعلهم ... فهما ضامنيين فلوسهم ... بس ده ما يمنعش انهم ... توكيل محترم ...
تقبلوا تحياتي ...
م / حسام منير
مهندس حسام .. صحيحح توكيل رينو بالمقارنة يقدم افضل خدمة ما بعد البيع .. و العربية حلوة
و اعطالها نادرة و لاتزيد عالبا عن " الكوييل " و هو حتة بوبينه صغيرة مجاوره للبوجيهات و تغييرها مكلف جدا ف التوكيل 625 جنيه و ده سعر اخر مرة من 6 شهور .. العربية صحيح ناعمه
و طريه و كلها حنية لكن Delicate شويه بالنسبة لشوارع مصر و مطباتها الطبيعية - الفسيوجولوجيه - العلم نورن ! :shock: بالاضافة للمطبات الصناعية الاسفلتيه و اللا- اسفلتيه :D .( العين قطية ! ) . قال يعنى هى ناقصة مطبات طبعا هذا غير مناسب لطرق و شوارع مصر هى امى ..
و العربيات يا عزيزى حاجه محيرة .. اما غالية و اعطالها قليلة .. او رخيصة و اعطالها كتير .. او غاليه ببشاعة و اعطالها قليل .. المعادلة الصعبة هى ان تجد عربية رخيصة - او حتى رخيصة نوعا - و اعطالها قليل ... لو عرفت الحل ياريت تبعت و تقوللى وجدتها يا ابو هاملت ! :D :roll: :wink:
اقتباس:
ممكن فى قليوب من غير حجز
أروحوه دة إزاي يا بشمهندس حسام؟؟؟
و هو أحسن و لا فرع أبورواش؟
فرع أبور واش أنضف ... وأقيم ... بس لازم حجز قبلها بمدة ... قليوب سيادتك تطب عليهم من غير حجز ... ولا حاجة ... وتقلهم عايز بس أبرمج الريموت من غير ما العربية تدخل صالة الصيانة ... ولا حاجة ...
تروحة أزاى ... سيادتك ... من الكورنيش تخلى التلفزيون على يمينك ... وطوالى لحد أبراج اغاخان ... تلاقى كوبرى واخد شمال شوية ... تأخده ده بيعدى النيل وبيحود لوحدة شمال ... وينزل فى قليوب ... تفضل طوالي شوية ... لحد ما تحود يمين ... إلى مدخل طريق الأسكندرية الزراعي ... تمشى حوالي 4- 5 كم تلاقى بنزينة تفصل الطريق يعني ... فية جزيرة عليها بنزينة ... ولها مدخل يمين والناصية الأخرى كمالة الطريق الزراعي... ومطلع كوبرى قليوب ... سيادتك هتدخل اليمين ده وتلف مع الطريق شمال فى شمال .. علشسان ترجع تاني للطريق الزراعي الأتجاه الأخر ... الراجع إلى القاهرة ... وتعد 2 كوبرى مشاه علوى ... عند الكوبرى التاني سيادتك هتدخل مباشرة ... تلاقى ترعة صغيرة ... تدخل معاها شمال ... تلاقى الصيانة على أيدك الشمال على بعد 500 متر ...
أسف للوصف التفصيلي ... بس علشان تعرف توصل :oops: :oops: :oops:
تقبلوا تحياتي ...
م / حسام منير
متهيألي كدة هفضل فرع أبو رواش
معلش يا بشمهندس حسام ممكن الوصف؟؟؟
تقلت عليك معلش
ولا يهمك بسيطة ... بس متهيألي ... سيادتك عارف محور 26 يوليو ... هتاخده من ميدان لبنان ... وحتى منزل طريق القاهرة / الأسكندرية الصحراوي ... أو لو جاى من الهرم ...وهتدخل طريق القاهرة / أسكندرية الصحراوى من ميدان الرماية ... المهم أنك ماشي فى طريق القاهرة / اسكندرية ... وبعد منزل المحور بحوالي 3 كم ... وقبل البوابات بحوالي 500 متر ... هتلاقي فيه بنزينة ... أمارات مصر ...
تدخل مع ناصية البنزينة ... يمين ... وتمشي حوالي 1 كم ... تلاقي غبور فرع أبو رواش على أيدك اليمين ...
الصوره دى ممكن تساعدك ...
http://www3.0zz0.com/2007/08/01/14/36716672.jpg
تقبل تحياتي ...
م / حسام منير
جزاك الله خيرا يا بشمهندس حسام
معلش كنت عايز اسالك عن الحاجات اللي لازم أجيبها للعربية أول ما أشتريها
مثلا غطاء السيارة
الدواسات
فرش العربية
هل في فرش للأرضيات
يعني الحاجات اللي تحافظلي على العربية و أجيبها منين؟؟؟
كمان الحاجات اللي أحطها للسيارة زي المياة و الزيت معلش بجد عارف اني بتقل عليك كتير
شكرا
الحقيقة ... أنا عن نفسي ... ما شترتش حاجات كثيير ... بس ده اللى فاكره :
- جبت الغطاء اللي هو Waterproof... مع انى كنت ناوى ماجيبش ... بس برضة العربية الجديدة ... ليها وضعها ... وكنت متأكد أني مش هستعملة ... غير 50% من الأيام ... وطبعاً ده اللي بيحصل ... المهم ... هو فيه ميزة السوسته ... اللي عند الباب الأمامي ... لسهولة الدخول من غير ماتشيل الغطاء بالكامل ... وده تقريباً كان ب 150 جنيه ...
- طقم دواسات ... اللى هوه بسموه طبق ... علشان غويط شوية ... و5 قطع ...فيه القطعة الصغيرة ... اللى بتطحط بالعرض فى أسفل منتصف الكنبة الخلفية ... وده اظن كان ب 80 جنيه ...
ملحوظة : أنا سايب الاصق الشفاف لسة ... اللي محطوط على الأرضية الموكيت ... وحاطط الدوسات فوقيه ... بس مش حابب ... أعمل فرش للأرضية ... مع ان فى أخوة كثيير ... أشاروا إلى فايدته ... بس مش عارف ليه حاسس أنه ممكن يقلل من Prestige العربيية ... الموضوع أذواق ... بس الأخ كريم منير ... يعرف واحد بيعملة ... وبسعر هايل ...
- ستارة خلفية سوداء ... ودى كانت ب 40 جنيه ...
- شماسة فضي ... للزجاج الأمامي ... من النوع المبطن الثقيل ... ودى كانت ب 25 جنيه ...
- 2 حاجب للشمس جانبي ... اللي هيا بتبقى شبه مدورة علشان تتلصق على الزجاج الخلفي ... وده الطقم قطعتين ب 10 جنيه ...
- مجموعة ملمعات للتابلوه ... ومعطر للجو ... وزجاجة أسبراى لتنظيف الجلد الطبيعي ودول مش فاكر ثمنهم ...
- الفرش انا عملته جلد طبيعي ... وتكلف للعربية كلها حوالي ... 1100 جنيه ...وده بيبقى خياطة ... يعنى العربية بتخرج كأن الفرش ده فابريكة نازلة بيه ... وبرضة عن طريق كريم منير ... وهو جايب من الراجل ده ... عرض خاص بأعضاء نايل موتورز ...بس عيبة أنه بيتركب فى 5 أو 6 ساعات ...
ده كل اللى أقدر أقولهولك ... بس للأسف كل ده فى مصر الجديدة ... يعنى كل الأكسسوارات ... من شارع دمشق ...
والراجل بتاع الفرش فى ميدان سانت فاتيما ... بمصر الجديدة ...
بالنسبة للمياه فى كل صيانة بتروح تعملها المفروض هما بيشيكوا عليها ... الزيت ... بيتغير أول مرة عند 1000 كم ... وده بيبقى على حسابك ... الزيت والفلتر ... وبتحط المناسب ليك ... هما بيستعموا شل بانواعه ... وأنت زى ما انت عايز ... أنا عن نفسي حطيت موبيل 1 ...
ولو فى شئ أخر ... انا تحت أمرك ... ومبروك عليك ... العربية ... وإن شاء الله تبقى سبب بركة وسعادة ليك ... ولأسرتك الكريمة ... أهم حاجة ... تنقلنا انطباعك عنها ...
تقبلوا تحياتي ...
م / حسام منير
جزاك الله خيرا يا بشمهندس حسام
ممكن نعرف أنت جبت أي موديل من الألنترا لأنك لو جايب ألنترا gl معني ذلك إن الريموت تركيب مصر عشم نوار وفي هذه الحالة أنت مش محتاج تروح أبورواش و ممكن تروح عشم نوار في شارع دمشق و يضبط لك الإنذار في أقل من 10 دقائق إن شاء الله أما إن كنت جايب ألنترا الفئة الأعلي فأعتقد إنك لازم تروح أبورواش كما قال لك الأخ الكريم حسام و ألف مبروك و ربنا يكفيك شرها وشر أعين الناس
ممكن يا باشمهندس حسام تقوللي الراجل بتاع الفرش الجلد ده فين بالضبظ ؟ علشان انا عاوز اعمل فرش جلد لعربيتي ز يكون نضيف
أنا جبت الأتوماتيك اللي بها التكييف التتاتشاقتباس:
ممكن نعرف أنت جبت أي موديل من الألنترا لأنك لو جايب ألنترا gl معني ذلك إن الريموت تركيب مصر عشم نوار وفي هذه الحالة أنت مش محتاج تروح أبورواش و ممكن تروح عشم نوار في شارع دمشق و يضبط لك الإنذار في أقل من 10 دقائق إن شاء الله أما إن كنت جايب ألنترا الفئة الأعلي فأعتقد إنك لازم تروح أبورواش كما قال لك الأخ الكريم حسام و ألف مبروك و ربنا يكفيك شرها وشر أعين الناس