| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 2 من 3 الأولىالأولى 1 2 3 الأخيرةالأخيرة
النتائج 11 إلى 20 من 21

الموضوع: ناوى اشترى A113

  1. #11

    الصورة الرمزية islamallam

    رقم العضوية : 19535

    تاريخ التسجيل : 19Sep2008

    المشاركات : 81

    النوع : ذكر

    الاقامة : Tanta

    السيارة: لا يوجد

    السيارة[2]: نيو اكسنت 2010

    الحالة : islamallam غير متواجد حالياً

    افتراضي -

    hasad">

    والله يا جماعة انا متشكرا جدا على كل الردود اللى انتوا بعتوها
    انا فعلا روحت المصرية يوم الخميس والسبت واتفرجت على الاسبرانوا A113 العربية من جوه واسعة جدا غير ما كنت متوقع بس الشنطة فى الضياع بالعافيه تاخد شنطة واحده تحت الكنبة الموتور من جوه عليه علامة اسبرانزا لما سألت الموظف اللى كان معايا قالى انه موتور يابانى عايز اتأكد منكم من الموضوع بتاع الموتور لانى شاكك فى كلامة
    الحاجة التانية السعر اللى قالهولى 53 الف من 52 الف
    كنت عايز اعرف كمان من حضراتكم موضوع الوديعة
    وياترى فعلا بنك عودة عامل تخفيض على سعر الاسبرانزا وايه الموضوع بالظبط

    انا فعلا والحمد لله معايا تمن العربية 53 الف
    ومستنى احصل على احسن الفرص علشان اشتريها بأفضل سعر


  2. #12

    الصورة الرمزية islamallam

    رقم العضوية : 19535

    تاريخ التسجيل : 19Sep2008

    المشاركات : 81

    النوع : ذكر

    الاقامة : Tanta

    السيارة: لا يوجد

    السيارة[2]: نيو اكسنت 2010

    الحالة : islamallam غير متواجد حالياً

    افتراضي -

    اقتباس المشاركة الأصلية كتبت بواسطة humhum مشاهدة المشاركة
    صديقي islamallam
    انت عامل زيي بالظبط
    انا لسه مشتري العربيه دي يوم الثلاثاء اللي فات
    وركبت ليها نمر يوم الأربعاء

    بص
    العربيه دي تمنها اقل بكتير من امكانيتها
    وتقفيل 2009 المصري حلو قوي ، انا طبعا لحد دلوقت ماشي عليها 200 كيلو لسه ، بس الحمد لله مفيش فيها حاجه

    وموضوع علبة الشاكمان انا سمعت عنه ، وبيعملوه في التوكيل بس معرفش ده كان في موديل 2008 ولا 2009
    لأن 2008 كان فيه عضة في الفتيس ، 2009 اتلافوا المشكله دي في التجميع

    على اي حال
    انا فضلت متردد 6 شهور !!! لحد ما جبتها ، ونصيحه ليك ، انزل يوم الأحد السوق وسوقها جربها ، ده ح يغير وجهة نظرك تماماً

    الأخ اللي بيتكلم على اعادة البيع
    مع احترامي ليه ، واضح انه مش بينزل السوق خالص ، العربيه دي بالذات في الاسبيرانزا اكتر واحده ماسكه تمنها
    انا كنت في السوق الأحد اللي فات كانت واحده موديل 2008 ماشيه 18 الف معروضه ب48 ، وواحده 2008 برضه ماشيه 45 الف بس متبهدله معروضه ب42 ، وتالته معروضه ب 47

    وبعدين لو حضرتك بتفكر في اعادة البيع قبل 3 سنين ، يبقى طبيعي تخسر في أي عربيه ، لأن اي عربيه بتشتريها وتعلق عليها نمر بتنزل في تمنها 4 أو 5 الاف


    بص يا اسلام
    توكل على الله ، وصلي استخاره وروح شوفها ، وشوف كمان ال maple اللي بيقولوا عليها ، شكلها برضه كويسه ، وبيقولوا موتورها موتور تويوتا
    سعر 113 52 الف فقط ، ومتدفعش مليم احمر زياده

    بالمناسبه
    مفيش عربيه ملهاش نقاد
    يعني لو قلتلك هيونداي .. حيقولك اوعي غبور
    طيب لانوس ؟؟ .. مش ثابته ع السرعات
    دايهاتسوا ؟؟؟ اوعي يا عم قطع غيارها ناااااااااااار
    الخ الخ الخ

    تقبل تحياتي
    شكرا يا باشا انك فتحت نفسى وقللت شوية من خوفى
    بس فيه كام سؤال الاول قولى انت جبتها منين بالظبط لانى روحت المصرية للسيارات اللى فى طنطا وقالى سعرها 53 الف الكلام ده يوم الخميس والسبت

    ثانيا ايه الحاجات اللى انت خدتها مع العربية يعنى فيه مثلث ولا لا وصلت الكاسيت والحاجات دى يعنى
    ثالثا اجرأت الترخيص لو امكن ولك جزيل الشكر
    رابعا الاستاذ اللى كان بيفرجنى على العربية قصدى اللى شغال فى المصرية موظف المبيعات قالى على نظام الوديعة
    انه ادفع 13 الف مقدم والاربعين الباقين احطهم وديعة فى بنك سوسيتيه جينيرال اللى هم بيتعملوا معاه بفائدة 9% على الوديعة وفائدة 6% على التقسيط وادفع حوالى 780 جنيه قسط شهرى لمدة 60 شهرا العربية هتوقف عليه بعد 60 شهرا ب 47 الف مع ملاحظة انى هدفع شهرين والشهر التالت هسددوا من فوائد الويعه لان الفوائد بتاعت الاربعين الف حوالى 300 جنيه شهرى ولكن بتنضاف كل 3 شهور
    فأيه رأيك علما بأنى هسترد الاربعين الف بعد 5 سنين ومعايا العربية


  3. #13

    الصورة الرمزية mohamadika

    رقم العضوية : 9071

    تاريخ التسجيل : 16Apr2008

    المشاركات : 12

    الحالة : mohamadika غير متواجد حالياً

    افتراضي -

    السلام عليكم ورحمة الله وبركاته
    سبحان الله وبحمده - سبحان الله العظيم

    اخى العزيز بعد حيره دامت 3 او 4 شهور لشراء الاسبرانزا 113
    بعد بحث مكثف وسؤال استخرت الله تعالى وبفضل الله اشتريتها
    انا حاليا عامل اكتر من 6000 كيلو
    هقولك المميزات والمشاكل عشان تكون على نور وللعلم انا شارى تقفيل مصرى موديل 2009. لو قدرت تجيب تقفيل صينى موديل 2008 يكون أفضل.

    المميزات :
    1- السعر طبعا .
    2- الحجم الصغير من بره ولكن من جوا واسعه زى ا حضرتك شفتها احنا بنركب فيها 5 4 تخان وانا الوحيد الرفيع اللى فيهم ههههه طبعا مش هقولك قاعدين ورا مستريحين بس مش مخنوقيق.
    3- الامكانيات التكيف ممتاز والمرايات الكهرباء مريحه جدا والزجاج الكهرباء والفوجات والسى دى كاسيت كل دا حاجات بتريحك جدا وانت راكب العربيه.
    4- العربيه عاليه عن الارض ارتفاع ممتاز ودا طبعا كويس جدا للطرق بتاعتنا والمطبات العجيبه اللى مش تلاقيها الا فى البلد دى ومع ذلك هيا ثابته فى السرعات العاليه لحد 160 عن تجربه شخصيه .
    5- كراسى العربيه والكنبه الخلفيه مريحه فى القعده انا ركبت كذا عربيه صينى وغير الصينى وححسيت بفرق كبير فى الراحه.
    6- متعه السواقه فيها عاليه جدا مع حجمها وموتورها ال 1300 بصراحه تستمتع وانت سايق جدا. بالذات فى السفر والطرق الكويسه.
    7- العفشه ناشفه ودا كويس للعربيه فى السرعات لانه طبعا بيخلى العربيه اكثر ثبات ولكن طبعا شوارعنا الظريفه والطبات والبلاعات بتضايقك فى الموضوع دا بس ليه حل وهوا انك تملا الكاوتش كله نيتروجين عند بتوع الكاوتش الكبار وبيكون الفرده ب5 جنيه عشان تبقى عارف برضه وبعد ما تملاه مش بتحس بالعفشه دا بنسبه 75 % او اكتر كمان.
    8- الشنطه ظريفه مش صغيره جدا وفى نفس الوقت مش كبيره يعنى هيا مناسبه لاسره صغيره غير ان ممكن تركب شبكه شيك اوى على السقف وتشيل عليها لحد 75 كيلو زى ما مكتوب فى الكتالوج بتاعها ودا بيحللك موضوع الشنطه الصغيره نسبيا.

    العيوب:
    طبعا لما اقولك عيوب فدا مش معناه ان العيب دا فى كل العربيات ولكن ممكن يكون فى عيوب مشتركه وعيوب خاصه بعربيتى .

    1- العفشه مع المطبات والشوارع المكسره بحتاج انى اربطها كل شهر مثلا بس انا هروح التوكيل قريب اقولهم الموضوع دا لان دا مش طبيعى .
    2- صوت الموتور عالى نسبيا.
    3- كان فى عضه فى الفتيس وكان معروف العيب دا فى العربيه دى بس التوكيل صلحوا المشكله دى والحمد لله شغال كويس معايا دلوقتى.
    4- قطع الغيار مش متوفره الا فى التوكيل بس سمعت ان فى التوفيقيه فى ناس بتبيع حاجات ليها بس مش متاكد من المعلومه دى 100 % .
    5-الفرامل عندى بقت ضعيفه وبتعمل صوت تزييق وهروح التوكيل يشوف الموضوع دا بس اعتقد انه فى عربيتى بس مش كل العربيات.
    6- سحب العربيه مش قوى ولكن على المدى البعيد والمسافات تلاقى سحبها كويس اوى يعنى مثلا لما تكون عى الغيار التالت وتدوس جامد على البنزين العربيه مش بتجرى بيك على طول بتلاقى صوت الموتور على شويه وبعدين حبه كده تلاقى السحب جامد.

    بخصوص سؤالك عن الموتور فأصدق كلام اصدقه انه صينى ومصنوع بإشراف من شركة AVL النمساويه.
    لكن موضوع انه يابانى فأنا معتقدش
    بس بوجه عام العربيه جميله وانا مرتاح فيها جدا ومش بفكر اغيرها دلوقتى خالص
    بس يا باشا دا اللى حاضر معايا من معلومات
    واتمنى انى اكون افدتك.


  4. #14

    الصورة الرمزية mohamadika

    رقم العضوية : 9071

    تاريخ التسجيل : 16Apr2008

    المشاركات : 12

    الحالة : mohamadika غير متواجد حالياً

    افتراضي -

    اقتباس المشاركة الأصلية كتبت بواسطة islamallam مشاهدة المشاركة
    شكرا يا باشا انك فتحت نفسى وقللت شوية من خوفى
    بس فيه كام سؤال الاول قولى انت جبتها منين بالظبط لانى روحت المصرية للسيارات اللى فى طنطا وقالى سعرها 53 الف الكلام ده يوم الخميس والسبت

    ثانيا ايه الحاجات اللى انت خدتها مع العربية يعنى فيه مثلث ولا لا وصلت الكاسيت والحاجات دى يعنى
    ثالثا اجرأت الترخيص لو امكن ولك جزيل الشكر
    رابعا الاستاذ اللى كان بيفرجنى على العربية قصدى اللى شغال فى المصرية موظف المبيعات قالى على نظام الوديعة
    انه ادفع 13 الف مقدم والاربعين الباقين احطهم وديعة فى بنك سوسيتيه جينيرال اللى هم بيتعملوا معاه بفائدة 9% على الوديعة وفائدة 6% على التقسيط وادفع حوالى 780 جنيه قسط شهرى لمدة 60 شهرا العربية هتوقف عليه بعد 60 شهرا ب 47 الف مع ملاحظة انى هدفع شهرين والشهر التالت هسددوا من فوائد الويعه لان الفوائد بتاعت الاربعين الف حوالى 300 جنيه شهرى ولكن بتنضاف كل 3 شهور
    فأيه رأيك علما بأنى هسترد الاربعين الف بعد 5 سنين ومعايا العربية
    نصيحتى اخى العزيز لا تتعامل بالربا ولا تتعامل مع البنوك مدام فلوس جاهزه اشترى كاش ولو حتى هتستلف 10 الاف بس تبقى مرتاح .
    ولو مصر على التعامل مع البنك استفتى عالم او شيخ ذو علم فى الطريقه اللى هتسدد بيها وشوف رأى الدين فيه.


  5. #15

    الصورة الرمزية islamallam

    رقم العضوية : 19535

    تاريخ التسجيل : 19Sep2008

    المشاركات : 81

    النوع : ذكر

    الاقامة : Tanta

    السيارة: لا يوجد

    السيارة[2]: نيو اكسنت 2010

    الحالة : islamallam غير متواجد حالياً

    افتراضي -

    فعلا يا أخى
    انا مش مستريح لحكاية الوديعة ولا التقسيط


  6. #16

    الصورة الرمزية islamallam

    رقم العضوية : 19535

    تاريخ التسجيل : 19Sep2008

    المشاركات : 81

    النوع : ذكر

    الاقامة : Tanta

    السيارة: لا يوجد

    السيارة[2]: نيو اكسنت 2010

    الحالة : islamallam غير متواجد حالياً

    افتراضي -

    لو ممكن بس تليفون حد معاه العربية A113 اسأله على شوية حاجة فى العربية
    يبقى متشكر اوى


  7. #17

    الصورة الرمزية humhum

    رقم العضوية : 38066

    تاريخ التسجيل : 14Apr2009

    المشاركات : 109

    النوع : ذكر

    الاقامة : Cairo

    السيارة: BYD F3 1500 auto 2015

    السيارة[2]: a113 2009

    الحالة : humhum غير متواجد حالياً

    افتراضي -

    سؤال الاول قولى انت جبتها منين بالظبط لانى روحت المصرية للسيارات اللى فى طنطا وقالى سعرها 53 الف الكلام ده يوم الخميس والسبت

    أنا جبتها من الحبيب كارز ، الشارع اللي على ناصيته جاد في عباس العقاد
    وتلفوناته
    22735432-22721902-22710410-22735437-0100026045-0106654521
    دفعت الفين جنيه حجز ، ويومها بالليل جابلي الورق بتاع العربيه واخد فلوسه كامله ، وكمان اداني الضمان بتاعها في يومها !!
    وكان سعرها 52 الف ، ومفيش اي مليم تاني طلبوه مني ، وادوني هديه مع العربيه منفاخ رجل للعجل :)

    ثانيا ايه الحاجات اللى انت خدتها مع العربية يعنى فيه مثلث ولا لا وصلت الكاسيت والحاجات دى يعنى
    1) المثلث
    2) الكوريك وشنطة ادوات قماش
    3) 4 وشوش بلاستيك للجنوط
    4) وصلة USB خاصه بالكاسيت سي دي
    5) جرب كل حاجه ، الأنوار ، التكييف ، الكراسي ، القزاز ، كل حاجه ، متتكسفش ، انت دافع الوفات ، خد معاك 2 صحابك عشان يجربوا معاك ، وشوف كل حاجه ، ودور الموتور ، وشوف العربيه مشيت كام (انا عربيتي كانت ماشيه 80 كيلو) ، وخد بالك في حته بلاستيك في التابلوه من ناحية باب السواق لو متشاله اعرف ان ممكن يكون حد شال فيشة عداد المسافات ، وان الرقم اللي ح يظهرلك ملوش علاقة بالحقيقة المرة ، وهي ان عربيتك سافرت بلاد الله بين المعارض.
    6) انزل تحت العربيه بص ، معلش بهدل نفسك شويه ، وانا بقولك ده عن تجربه ، لأني كنت ح اجيب عربيه عتبها مخبوط !! اه والله العظيم ، ماشيه 23 كيلو بس العتب من تحت واخد خبطه جامده قوي ، والراجل لما لاحظ اني اخدت بالي قعد يعمل اراجوز ، ويقوللي اهي خدت العين بتاعتها وح اعملهالك ع البارد !! وطبعا قولتله باي باي يا بارد

    ثالثا اجرأت الترخيص لو امكن ولك جزيل الشكر
    عادي جدا ، ح تاخد عقد البيع من المعرض ليك ، وتروح المرور
    1) تشتري الورق وتملاه
    2) تعمل الفحص الفني
    3) تعمل التأمين الإجباري
    4) تاخد الملف (عقد الشراء + ورق الفحص + ورق التأمين) وتروح بيه الشباك تسلمه وتدفع الضريبه وتمن النمر الجديده
    5) تستلم الرخصه
    6) تستلم النمر بالرخصه ومعاها الشنطه والمثلث وتروح تعلقها

    التكاليف بالنسبه لي انا كانت 900 جنيه لأني رخصت 3 سنين ، ولأن كان عندي طفايه قديمه مشوهالي بالعافيه ، الطفايه الجديده ب 130 جنيه
    ( 35 نماذج وورق + 185 تأمين 3 سنين + 640 ضريبه 3 سنين ونمر )

    رابعا الاستاذ اللى كان بيفرجنى على العربية قصدى اللى شغال فى المصرية موظف المبيعات قالى على نظام الوديعة

    انا شخصيا مش من مؤيدي التقسيط ، وخصوصاً طبعا لو ربا ، عشان ربنا يبارك في الحاجه ، وعشان بجد الربا ده بيجيب الفقر ، وياما البنوك خربت بيوت ناس ، بس لو انت حابب فكرة التقسيط ، فعليك وعلى بنك فيصل الإسلامي ، على الأقل الناس هناك بتقولك انها بتتعامل بنظام مرابحة اسلامي ، وفيه فتاوي من علماء بكده ، وسيبك ، هم اللي ح يشيلوا الذنب لو اخلوا بكلامهم ، انما اروح لبنك بيقولي عيني عينك انا شغال ربا !!! او انا شغال تبع الزبون عايز ربا ماشي عايز اسلامي ماشي عايز بوذي برضه ماشي ، كله ماشي !!
    وطبعا مع احترامي للآراء التانيه ، بس اسأل واستفتي ، وعندك دار الإفتاء ، روح وقولهم على حالتك ، وربنا يوفقك ، لأن الضرورات ممكن تبيح بعض المحظورات ، بس برضه معلش اضغط على اهلك ، او بلاش ، هاتها مستعمل يا سيدي ، ب 47 تجيب كسر زيرو 2009 زي الفل و45 تجيب 2008 زي الفل ، ولا انك تدخل نفسك في اقساط وتأمين وحركات.
    نمرة بنك فيصل فرع مدينة نصر
    27868939-27868940-27868723
    وبنك فيصل عنده نظام الودائع ده ، والميزه فيه على ما اذكر انك مش بتأمن ع العربيه ، ومش بيكون فيه حظر بيع عليها

    موضوع الموتور
    انا مع الأخ اللي بيقول انه صيني وتصميم نمساوي من شركة AVI
    سيبك
    انت الأهم انك تجرب العربيه عشان تحكم عليها ، ودي مسأله حاسمه في شراء اي عربيه ، انا ممكن اسوق BMW الفئه التسعتاشر ومتعجبنيش لسبب او لآخر ، فضروري تشوف حد من صحابك يخليك تجربها ، او انزل سوق السيارات وجرب واحده هناك ، ودي نصيحة عامة لأي عربيه بتشتريها
    (انت كان معاك ايه قبل دي ؟ )

    ختاماً
    صلى استخاره ، واوعي تنسي
    انا شخصيا الاستخاره فرقت معايا جدا ، انا كنت ح اجيب العربيه المخبوطه من تحت خلاص ، وقبل ما انزل من البيت صليت استخاره ، واخدت فلوس ورحت المعرض ، اول ما بصيت عليها شفت الخبطه !!!!!!!!
    ويومها لفيت في القاهرة ، روحت ابو الفتوح المعادي ملقيتش اللون اللي انا عايزه والسعر كان 52900 ، وكان عندهم واحده تقفيل صيني 2008 لونها سماوي كانت ب52 وقاللي انه ممكن يعملي عليها خصم كويس ، بس معجبنيش الموديل ولا اللون ، ورحت بعدها لعيسي وقاللي برضه 52900 ، وقاللي انه ح يجيبلي غطا ودواسات !!!! وفي الآخر روحت البيت ، وقلبت في الجرنال لقيت معرض الحبيب ، كلمتهم لقيتهم جنبي في عباس العقاد وعندهم اللون اللي انا عايزه وبالسعر اللي انا عايزه 52 !!! ويومها دفعت مقدم ، لقيتهم بيكلموني بالليل بيقولولي تعالى خلص الورق بتاع العربيه معانا وكمان الضمان بتاعها جبناهولك !!
    سبحان الله ، انا كان ممكن جدا البس العربيه المخبوطه من تحت !! لأنه كان ولا في دماغي !!

    انا بعتلك رقم الموبايل بتاعي ع الخاص
    ولو اني مش ح افيدك قوي في العربيه لأنها لسه جديده 400 كيلو

    وربنا يوفقك
    لا تنسانا من صالح دعواتك


  8. #18

    الصورة الرمزية ahmadSayed

    رقم العضوية : 5499

    تاريخ التسجيل : 11Feb2008

    المشاركات : 34

    النوع : ذكر

    الاقامة : Egypt

    السيارة: Renault Logan

    السيارة[2]: Cheverolet Spark

    الحالة : ahmadSayed غير متواجد حالياً

    افتراضي -

    اقتباس المشاركة الأصلية كتبت بواسطة mohamadika مشاهدة المشاركة

    1- العفشه مع المطبات والشوارع المكسره بحتاج انى اربطها كل شهر مثلا بس انا هروح التوكيل قريب اقولهم الموضوع دا لان دا مش طبيعى .
    هيه ديه اكتر حاجه تضايق يعنى كل شهر الواحد يروح يربطها مش كتير شويه هوه ده فى كل A113 ولا اللى مع حضرتك بس
    إن شاء الله يطلع خير وتتظبط فى التوكيل


  9. #19

    الصورة الرمزية islamallam

    رقم العضوية : 19535

    تاريخ التسجيل : 19Sep2008

    المشاركات : 81

    النوع : ذكر

    الاقامة : Tanta

    السيارة: لا يوجد

    السيارة[2]: نيو اكسنت 2010

    الحالة : islamallam غير متواجد حالياً

    افتراضي -

    اقتباس المشاركة الأصلية كتبت بواسطة humhum مشاهدة المشاركة
    سؤال الاول قولى انت جبتها منين بالظبط لانى روحت المصرية للسيارات اللى فى طنطا وقالى سعرها 53 الف الكلام ده يوم الخميس والسبت

    أنا جبتها من الحبيب كارز ، الشارع اللي على ناصيته جاد في عباس العقاد
    وتلفوناته
    22735432-22721902-22710410-22735437-0100026045-0106654521
    دفعت الفين جنيه حجز ، ويومها بالليل جابلي الورق بتاع العربيه واخد فلوسه كامله ، وكمان اداني الضمان بتاعها في يومها !!
    وكان سعرها 52 الف ، ومفيش اي مليم تاني طلبوه مني ، وادوني هديه مع العربيه منفاخ رجل للعجل :)

    ثانيا ايه الحاجات اللى انت خدتها مع العربية يعنى فيه مثلث ولا لا وصلت الكاسيت والحاجات دى يعنى
    1) المثلث
    2) الكوريك وشنطة ادوات قماش
    3) 4 وشوش بلاستيك للجنوط
    4) وصلة USB خاصه بالكاسيت سي دي
    5) جرب كل حاجه ، الأنوار ، التكييف ، الكراسي ، القزاز ، كل حاجه ، متتكسفش ، انت دافع الوفات ، خد معاك 2 صحابك عشان يجربوا معاك ، وشوف كل حاجه ، ودور الموتور ، وشوف العربيه مشيت كام (انا عربيتي كانت ماشيه 80 كيلو) ، وخد بالك في حته بلاستيك في التابلوه من ناحية باب السواق لو متشاله اعرف ان ممكن يكون حد شال فيشة عداد المسافات ، وان الرقم اللي ح يظهرلك ملوش علاقة بالحقيقة المرة ، وهي ان عربيتك سافرت بلاد الله بين المعارض.
    6) انزل تحت العربيه بص ، معلش بهدل نفسك شويه ، وانا بقولك ده عن تجربه ، لأني كنت ح اجيب عربيه عتبها مخبوط !! اه والله العظيم ، ماشيه 23 كيلو بس العتب من تحت واخد خبطه جامده قوي ، والراجل لما لاحظ اني اخدت بالي قعد يعمل اراجوز ، ويقوللي اهي خدت العين بتاعتها وح اعملهالك ع البارد !! وطبعا قولتله باي باي يا بارد

    ثالثا اجرأت الترخيص لو امكن ولك جزيل الشكر
    عادي جدا ، ح تاخد عقد البيع من المعرض ليك ، وتروح المرور
    1) تشتري الورق وتملاه
    2) تعمل الفحص الفني
    3) تعمل التأمين الإجباري
    4) تاخد الملف (عقد الشراء + ورق الفحص + ورق التأمين) وتروح بيه الشباك تسلمه وتدفع الضريبه وتمن النمر الجديده
    5) تستلم الرخصه
    6) تستلم النمر بالرخصه ومعاها الشنطه والمثلث وتروح تعلقها

    التكاليف بالنسبه لي انا كانت 900 جنيه لأني رخصت 3 سنين ، ولأن كان عندي طفايه قديمه مشوهالي بالعافيه ، الطفايه الجديده ب 130 جنيه
    ( 35 نماذج وورق + 185 تأمين 3 سنين + 640 ضريبه 3 سنين ونمر )

    رابعا الاستاذ اللى كان بيفرجنى على العربية قصدى اللى شغال فى المصرية موظف المبيعات قالى على نظام الوديعة

    انا شخصيا مش من مؤيدي التقسيط ، وخصوصاً طبعا لو ربا ، عشان ربنا يبارك في الحاجه ، وعشان بجد الربا ده بيجيب الفقر ، وياما البنوك خربت بيوت ناس ، بس لو انت حابب فكرة التقسيط ، فعليك وعلى بنك فيصل الإسلامي ، على الأقل الناس هناك بتقولك انها بتتعامل بنظام مرابحة اسلامي ، وفيه فتاوي من علماء بكده ، وسيبك ، هم اللي ح يشيلوا الذنب لو اخلوا بكلامهم ، انما اروح لبنك بيقولي عيني عينك انا شغال ربا !!! او انا شغال تبع الزبون عايز ربا ماشي عايز اسلامي ماشي عايز بوذي برضه ماشي ، كله ماشي !!
    وطبعا مع احترامي للآراء التانيه ، بس اسأل واستفتي ، وعندك دار الإفتاء ، روح وقولهم على حالتك ، وربنا يوفقك ، لأن الضرورات ممكن تبيح بعض المحظورات ، بس برضه معلش اضغط على اهلك ، او بلاش ، هاتها مستعمل يا سيدي ، ب 47 تجيب كسر زيرو 2009 زي الفل و45 تجيب 2008 زي الفل ، ولا انك تدخل نفسك في اقساط وتأمين وحركات.
    نمرة بنك فيصل فرع مدينة نصر
    27868939-27868940-27868723
    وبنك فيصل عنده نظام الودائع ده ، والميزه فيه على ما اذكر انك مش بتأمن ع العربيه ، ومش بيكون فيه حظر بيع عليها

    موضوع الموتور
    انا مع الأخ اللي بيقول انه صيني وتصميم نمساوي من شركة AVI
    سيبك
    انت الأهم انك تجرب العربيه عشان تحكم عليها ، ودي مسأله حاسمه في شراء اي عربيه ، انا ممكن اسوق BMW الفئه التسعتاشر ومتعجبنيش لسبب او لآخر ، فضروري تشوف حد من صحابك يخليك تجربها ، او انزل سوق السيارات وجرب واحده هناك ، ودي نصيحة عامة لأي عربيه بتشتريها
    (انت كان معاك ايه قبل دي ؟ )

    ختاماً
    صلى استخاره ، واوعي تنسي
    انا شخصيا الاستخاره فرقت معايا جدا ، انا كنت ح اجيب العربيه المخبوطه من تحت خلاص ، وقبل ما انزل من البيت صليت استخاره ، واخدت فلوس ورحت المعرض ، اول ما بصيت عليها شفت الخبطه !!!!!!!!
    ويومها لفيت في القاهرة ، روحت ابو الفتوح المعادي ملقيتش اللون اللي انا عايزه والسعر كان 52900 ، وكان عندهم واحده تقفيل صيني 2008 لونها سماوي كانت ب52 وقاللي انه ممكن يعملي عليها خصم كويس ، بس معجبنيش الموديل ولا اللون ، ورحت بعدها لعيسي وقاللي برضه 52900 ، وقاللي انه ح يجيبلي غطا ودواسات !!!! وفي الآخر روحت البيت ، وقلبت في الجرنال لقيت معرض الحبيب ، كلمتهم لقيتهم جنبي في عباس العقاد وعندهم اللون اللي انا عايزه وبالسعر اللي انا عايزه 52 !!! ويومها دفعت مقدم ، لقيتهم بيكلموني بالليل بيقولولي تعالى خلص الورق بتاع العربيه معانا وكمان الضمان بتاعها جبناهولك !!
    سبحان الله ، انا كان ممكن جدا البس العربيه المخبوطه من تحت !! لأنه كان ولا في دماغي !!

    انا بعتلك رقم الموبايل بتاعي ع الخاص
    ولو اني مش ح افيدك قوي في العربيه لأنها لسه جديده 400 كيلو

    وربنا يوفقك
    لا تنسانا من صالح دعواتك
    والله يا باشا انا متشكر جدا
    وهكلمك ان شاء الله النهاردة
    كان مع والدى زمان اوى عربية 124 مش فاكر الموديل كام بس اتعلمت عليها وبعدين والدى باع العربية 124 وجاب 128 موديل 77 وباعها من حوالى 5 سنيين فأنا بقالى حوالى 5 سنيين مركبتش عربية
    ولما اشتغلت كنت بفكر فى العربية ودلوقتى معايا مبلغ العربية الاسبرانزا 1300 والعربية عجبانى بس انا خايف تطلع زى الموبايل الصينى فيه امكانيات بس جودة صفر وكمان غير معمر
    وكمان موضوع الوديعة فالراجل بتاع المصرية هو اللى قالى عليه فكنت بأخد رأيك بس لكن انا لا افضل لا التقسيط ولا الربا وربنا يسترها معانا


  10. #20

    الصورة الرمزية humhum

    رقم العضوية : 38066

    تاريخ التسجيل : 14Apr2009

    المشاركات : 109

    النوع : ذكر

    الاقامة : Cairo

    السيارة: BYD F3 1500 auto 2015

    السيارة[2]: a113 2009

    الحالة : humhum غير متواجد حالياً

    افتراضي -

    hasad">

    يا سلام
    انت طلعت زميل في الكفاح بتاع الفيات
    انا فضلت اسوق 125 من اول ما اخدت الرخصه في96 وحتي 2008
    كانت بتاعة والدي من الزيرو ، ولما كبرنا ، بقت بتاعة كل واحد يدخل الجامعه ، العربيه دي ربت اجيال ، اخويا الكبير ، وبعدين اخويا الوسطاني ، واخيرا انا
    وكانت نهايتها على ايدي في سوق الجمعه في رمضان اللي فات ، بعتها ب15 الف
    وبيني وبينك زعلت عليها قوي ، رغم انها قلت اصلها جامد في اخر سنتين
    وكنت بحس بفرق جامد لما استلف عربيه اخويا ولا ابويا ، وارجع بعدها اسوق عزيزه !!!
    الفيات دي بجد
    عربيه لها ذكريات عايزه مجلدات عشان تقعد تحكي فيها



 
صفحة 2 من 3 الأولىالأولى 1 2 3 الأخيرةالأخيرة

المواضيع المتشابهه

  1. ناوى اشترى ميجان
    بواسطة karakero في المنتدى ريــــنو
    مشاركات: 10
    آخر مشاركة: 01-06-2012, 04:07 PM
  2. انا ناوى اشترى a113؟
    بواسطة thedriver في المنتدى سبـــيرانزا
    مشاركات: 4
    آخر مشاركة: 14-09-2011, 04:34 AM
  3. ناوى اشترى
    بواسطة gade2 في المنتدى قســم خاص لطلـبات شــراء الســـيارات و متعلقاتها فقـــط
    مشاركات: 6
    آخر مشاركة: 30-06-2010, 12:34 PM
  4. مفاجئة للى ناوى على اسبرانزا a113
    بواسطة megaman في المنتدى سبـــيرانزا
    مشاركات: 30
    آخر مشاركة: 26-06-2009, 10:45 AM
  5. انا ناوى اشترى I10
    بواسطة sabertamer في المنتدى قســم خاص لطلـبات شــراء الســـيارات و متعلقاتها فقـــط
    مشاركات: 12
    آخر مشاركة: 16-03-2009, 06:01 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2