الموضوع: تسقيف الموتور

انا عايز اشكركم على المساهمات الجميلة والود اللى بيننا يارب يديمه
ان شاء الله اوديها السبت لمحمد السيد يحطها على الجهاز وحقولكوا على اخر الاخبار

التقيف يعنى تسمع صوت الموتور تقريبا بيكركر او بيسقف حاجه زى كده فترة زمنية صغيرة وبعدين يبقى عادى
على فكرة انا لاحظت حاجه النهاردة انا متعود اغير على سرعات معينة يعنى مثلا الغيار الثانى اخره سرعة 40 والثالث اخره 60 وهكذا
انا كنت بغري قبل ال 40 يعنى 38 او 37 علشان كده بسمع صوت التسقيف
النهاردة غيرت بعد مازودت السرعة شوية غير ت الثانى على سرعة 45 ماسمعتش صوت التسقيف
ايه رايكم ياشباب؟

بالنسبة للبنزين انا ديما مابحبش اثبت البنزينة بغيرها مرة امون من موبيل او توتال او شل او وطنية برده الموتور بيسقف

ده سبب اللى بيحصل عندك ....يا أيهاب باشا

بس على فكرة فى بعض المواقف بيسقف ومرة اخرى يشتغل كويس

وأدى الدليل من كلامك......

المشاركة الأصلية كتبت بواسطة tlrsiap

احم احم
سؤال بايخ اذا سمحتم

يعني ايه تسقيف ؟

_ دى فكره مبسطه يابشمهندس : تامر عن حساس التسقيف وفائدته......أتمنى أن تجد فى موضوعى هذا ماتريد............................

http://www.nilemotors.net/Nile/showthread.php?t=62136

اقتباس:
بالنسبة للبنزين انا ديما مابحبش اثبت البنزينة بغيرها مرة امون من موبيل او توتال او شل او وطنية برده الموتور بيسقف

ده سبب اللى بيحصل عندك ....يا أيهاب باشا
اقتباس:
بس على فكرة فى بعض المواقف بيسقف ومرة اخرى يشتغل كويس

وأدى الدليل من كلامك.....
ياباشمهندس انا كنت فاكر ان لما اغير البنزينة احتمالية وجود مياه فى البنزين تبقى قليلة
على اساس انه استحالة انه تكون جميع البنزينات فيها مياه فى نفس الوقت
وعموما انا غلطت لما قلت ان عربيتى احيانا تبقى كويسة
الواضح انه خطأ فى التعبير لما بزود فى الغيار يعنى انقل على 25 - 45- وهكذا التسقيف بيروح

ياباشمهندس انا كنت فاكر ان لما اغير البنزينة احتمالية وجود مياه فى البنزين تبقى قليلة

لا يا أستاذ /أيهاب.......تغيير مكان التموين غير مفضل فنيا........والمفروض أن الواحد مننا بيتعرف على مكان سمعته كويسه وجرب التموين منه .....ويمشى معاه على طول الا أذا أضطرته الظروف ودى أحوال بتبقى نادره شويه وعن نفسى بأتعامل مع بنزينه واحده وبفول وأسافر طنطا وأعمل حسابى أن البنزين يكفينى وزياده الا أن أعود من مشوارى ...........الا أن يبدأ المكان ده فى الغش ( وفى الغالب المكان الكويس بيفضل كويس على طول لأن دى سمعه برضه )

وعموما انا غلطت لما قلت ان عربيتى احيانا تبقى كويسة

ياباشا لا غلط ولاحاجه......مفيش أدنى مشكله .....هو أحنا خسرنا حاجه .....أحنا بنفكر لسه معاك أنا والزملاء بس فعلا أنا بنيت رأيى السابق على هذا الخطأ الغير مقصود بالطبع من جانبك.....وعادى ياباشا ::...............

الواضح انه خطأ فى التعبير لما بزود فى الغيار يعنى انقل على 25 - 45- وهكذا التسقيف بيروح

....وأنا برضه لاحظت موضوع تقل الدبرياش معاك فى قولك فى البدايه........وممكن فعلا يكون ليه دور فى الحاله اللى بتقول عليها.........مع أستبعادنا للبنزين حاليا.......وأنصحك برضه بالذهاب للميكانيكى اللى قالولك عليه أخوتنا .....لتحديد وضع الدبرياش ......لأن برضه ممكن يعمل تداخل فى الأصوات اللى جايه من الدبرياش وأنت بتدوس لفصل حمل المكنه .....ويحصل الكركره المعروفه بسبب عدم سلاسة فصل الدبرياش بسبب تقله............وممكن يرشلك مزيل صدأ عند بلية الدبرياش وتتظبط الأمور بدون حل الدبرياش ( وواضح أن فيه تقل فى البليه شويه ).......وممكن يكون تقل فى مجموعة الفرش ويعالجهولك بدون حل الدبرياش......وفعلا ماحبيتش أن أقول على النقطه دى من البدايه .....على أساس نجرب التموين من مكان ثابت الأول كمحاوله غير مكلفه ومكان كويس طبعا..............أمنياتى بالتوفيق