عايز اطمنكوا انا عملت ايه
رحت لمحمد السيد حط العربية على الجهاز وقالى كله تمام زى الفل
بس ممكن تكون الكاتينة مقدمة او مأخرة اطلع احسن على محمد عبده خليه يراجع عليها
طلعت على محمد عبده كانت الساعة 2 عصرا تقريبا ومشيت على 7.30 مساءا
قال اكيد المشكلة من حساس الكرنك قلت انا لسه جاى من محمد السيد لو فى حاجه كان قال عليها قالى ممكن مايظهرش على الجهاز قام غيره من عنده وطلعنا جربنا نفس المشكلة برده
قام مغير المبينة وطلعنا جربنا نفس المشكلة
قام مغير البوجيهات نفس المشكلة
قام مغير الرشاشات باكسنت نفس المشكلة
فى الاخر قالى هاتها يوم الجمعه اسهر وراها اشوف حكايتها ايه
وراجع على الكاتينة لاقاها سليمة
حط وردة على حساس الكرنك علشان يقلل الكهرباء بتاعت العربية
بيقول المشكلة ديه حصلت مع الاستاذ شريف السنة اللى فاتت
انا قلت ابلغكوا على اخر اخبارى
والمشكلة لسه ماتحلتش فى تسقيف برده فى الموتور منرفزنى وبيفرق فى السواقه وبيأثر بالسلب على اداء الموتور
واسف على الاطالة