انا التبلوه عندي بيزيق..بجد فى المطبات القيه عمال يزيق هموت واعرف بيزيق منين مش عارف..لو حد صادف ده قبل كده ياريت يفيدني ولو حد يعرف حل يبقي كتر الف خيره
عرض للطباعة
انا التبلوه عندي بيزيق..بجد فى المطبات القيه عمال يزيق هموت واعرف بيزيق منين مش عارف..لو حد صادف ده قبل كده ياريت يفيدني ولو حد يعرف حل يبقي كتر الف خيره
هوا بزيق ازاي يعني حاول تعرف منين بزيق ؟
انتا عمبت حاجه ف التابلوه يعني فكيت حاجه ولا ايه ممكن يكون حاجه عايزه تتشد شويه او حاجه مرخيه وكده يعني
مهو اللي مجنني اني مش عارف منين بس الصوت طالع من التبلوه ومن ساعة ما اشتريت العربية وهي كده..
حاجة مزعجة ربنا يوفقك وتعرف السبب
هقولك على حل حاول تستغل أى سبب-تغير لمض مثلا- وتفك التابلوه وتربط على المسامير كويس ويركب كويس تانى وإن شاء الله هتتحل ده اللى حصل معايا
انا سمعت الموضوع ده امبارح بالصدفة..
من واحد قريبي.. عنده الموضوع ده في فيكترا
قالك التابلوه كله كله كله لازم يتفك.. و بياخد يوم كامل شغل..
و في جلب كاوتش صغيرة كده بتبقي بين المسامير اللي ماسكة التابلوه و التابلوه نفسه..
عموما.. ان شاء الله قريبي هيعمل الموضوع ده يوم الجمعه باذن الله..
هاروح اتفرج.. و اشوف ايه النتيجة.. ولو ظبطت تمام.. هابلغك باذن الله..
شوف السخان بتاع الزجاج الامامي.. الفتحات اللي في التابلوه.... اتك عليها كويس لجوه جايز تكون دي المشكله
هات سماعة دكتور (اه والله ماتستغربش) واسمع بيها فى كل حته فى التابلوه حاتعرف منين انا عملت كده طلع الفبرة بتاعة تغيير اتجاه مجرى الهوا مكسورة
الموضوع دة حصل معايا قبل كدة فى الكورسا 1200
كان السبب من الورد الجروفر Groover Washers
مربوط بيها التابلوه و ممكن تكون السبب لانها من كتر المطبات بتحتاج تتربط بس انا بقى كان عندى واحدة مفوته وهى العاملة الصوت!!
المشكلة بقى فى عدد الورد المربوط بيها التابلوه!
ألف شكر ليكو كلكم يا أجدع أصحاب عربيات فى مصر ..هربط التابلوه واقولكم بس اربطه فين...اما موضوع السماعه ده فصعب لأني معنديش دكتور صحبي..
ربنا يوفقك ياباشا
يا جماعة انا اكتشفت ان اللي بيزيق الازاز الامامي مش التبلوه ومحدش يسألني ازاي أعمل ايه بقي
واناماشي بضغط عليه التزييق بيروح... طيب هو فاكه صعب يعني ودوشه ولا عادي واعهمله فين لو حد يعرف
كتر الف خيرك يا باشا ...وأخبار الجو فى اسكندريه ايه..يابختك بالبحر...فى واحد زميلي بيقولي انه مينفعش يفك الازاز ويركبه تاني مش فاهم ليه بيقولي لو اتفك ينكسر...مش عارف ده صح ولا لا وشكرا علي ردك
ده بعد فحص وتمحيص لحد لما اكتشفت ده .. وربنا يكرم الناس اللي بتساعد والحمد لله اهو فك الازاز مرتين يعني ممكن يتفك ويتركب تاني اهو من فك التبلوه
والله لو حضرت عفريت فى العربية مش هتعرف وتخيل هيطلع ايه!!!!!!!!!!!!!!!!!!!!!
تدفع كام واقولك ,,
تخيل هيبقى ايه..
الذنة اللى فى التابلوة دى نتيجة ان الكابوت مش قافل كويس اه والله العظيم هى الاوبل كدة وانتا المفروض تشيك على قفل الكابوت او تغيرة لو بايظ.انا عشان اوصل للذنه اللى كانت فى التابلوة دى فكيت التابلوة كله حته حته وفى الاخر يطلع السبب سالف الذكر وبالتوفيق....
او تركيب الإكصدام هو اللى ممكن يخلى العربية يبقا فيها صوت تزييق
انا سامع الصوت من التابلوه مال الأكصدام يا باشا
عندى كنت بسمع صوت برضه ومش عارفله سبب فى يوم فكيت الإكصدام وركبته لقيت الصوت راح
عجيبه