الف الف الف ميروك يا باشا
ربنا يباركلك فيها
وفعلا بلاش تكييف فى فترة التليين
عرض للطباعة
الف الف الف ميروك يا باشا
ربنا يباركلك فيها
وفعلا بلاش تكييف فى فترة التليين
إختيار موفق وربنا يبارك لك فيها ويكفيك شر الطريق
زي ما إخواني قالوا سيب الخبطة علشان تاخد العين بس ياريت تقولنا هي الخبطة كانت جامدة ولا إيه؟ وإية تأثيرها على العربية؟ قصدي يعني الاكصدام ورق واتدشدش ولا معقول؟
لو مش حطول عليك ياريت تقول إنت كنت بتفاضل بينها وبين إيه وليه وقع إختيارك عليها هي بالذات؟
ومبرووووووووووووووووووك
الف مبروك و ربنا يعطيك خيرها ويكفيك شرها ان شاء الله
الف مبروك
وربنا يباركلك فيها
الف مبروك ربنا يديك خيرها و يكفيك شرها
الف مبروك و ربنا يبارك لك فيها
الف مبروك وربنا يباركلك فيها ويعطيك خيرها ويكفي عنك شرها ان شاء الله
اما بخصوص الكاسيت ماركة تويوتا
هو بيبقى ماركه ياباني بس بينتج لتويوتا مخصوص فبيتم وضع اسم تويوتا عليه وتقريبا بيبقى JVC من الداخل
مبروكة عليك وربنا يباركلك فيها ويكفيك شرها
الف شكر يا جماعة على الدود الجميلة والنصايح الغالية وانا آسف جدا على التاخير فى الرد لان النت عندى فى البيت قطع ونزلت سيبر مخصوص عشان أرد عليكم العربية عاملة دلوقتى 450 كم وكل مابسوقها بيزيد اقتناعى بيها وبالنسبة للكاسيت انا رحت سالت فى التوكيل وعرفت ان الكاسيت الدبل اللى ممكن ازود 1200 وآخده هو كاسيت alpine عادى مالوش اى علاقة بتويوتا غير ان التوكير ممكن يجيبو عادى ويسلمهولك بدل الكاسيت الاصلى وقالولى ان مفيش كاسيت تويوتا دبل للياريس انا عارف ان الالبين ممتاز بس انا فضلت انى آخد الكاسيت الأصلى العادى عشان يبقى شكله حلو مع العربية واحاول اوصله cd changer فى الشنطة لو ينفع او digital tabe و mp3 player أو fm modulator وعلى الكاسيت التويوتا الاصلى نوعه فعلا clarion بس بيصنع لصالح تويوتا نرجع للعربية انا خدتها ب 88000 كاش وهى معاها مفتاح ريموت اصلى و2 عادى إيمبوليزر وبالنسبة للخبطة هى كانت فى الاكصدام وطبعا الإكصدام فيبر هو بينى وبينكم ضعيف شوية بس ميزته ان شوية ميه سخنة يردوه على كلام عدد كبير من السمكرية بس انا سايب الخبطة شوية كده المميز جدا فى العربية دى النعومة الرهيبة فى الموتور والباور والدواسات تحفة بجد انعم كتير من الهيونداى الفيرنا والماتريكس عن تجربة والموتور هادى وحجم العربية صغير وسهل فى السواقة ده فى راى
انا كنت بقارن بينها وبين الاتى
1 - ميجان : لقيتها هتبقى كبيرة اوى عليا ومصاريفها عالية شوية وسعر إعادة بيع قليل جدا وبينى وبينكم الناس خوفتنى منها
2 - النترا مانوال : مسروق نص حاجتها وكمالياتها زى الكاسيت والمساند والسنتر الاصلى وغيره وكبيرة شوية هتلخمنى فى الزحمة وركنتها ومن غير اير باج والتسليم ممل بيتاخر جدا وعلى فكرة 2008 هتزيد 2000 جم كمان فى كل الموديلات (كلام مسؤل فى التوكيل يعنى المانوال هتبقى ب 96000 جم يعنى هيبقو حرام فيها شوية )
3 - اكسنت : نفس سعر الياريس لان ال 9000ج الفرق انا واخد بيهم كاسيت وسنتر اصلى و2 إير باج وعربية يابانى
ومحدش يقولى دى 1600 ودى 1300 لان ال 1300 تويوتا ممتاز يكاد يعادل ال1600 بتوع هيوندى
وانا بشكركم كلكم على اى مساعدة حد قدمهالى عشان اختار العربية انا بجد بحس ان الناس هنا بتنصح من قلبها
واى استفسار انا تحت امركم
اه معلش بالنسبة للفرامل هبقى اقولهم عليها فى صيانة الالف وهبقى احكيلكو عملت ايه وفى حاجة غريبة فى العربية ان مافيهاش لمبة تحذير للحزام ياريت حد يقولى هى الياريس كده ولا فى حاجة مش مظبوطة
واحب اوجه شكر مخصوص للاستاذ sharky اللى تعبته معايا كتير بس دايما كان متعاون ومش بيبخل باى معلومة وصدره رحب لاى سؤال