الموضوع: مركز خدمة أو ميكانيكى متخصص كيا سبكترا

وفي واحد كويس اوي في حلوان بتعامل معاه من ساعة ما اشتريت السيفيا اسمه سيد الميكانيكي في العزبة القبلية قصاد بوسطة البريد شاطر جدا واسعاره في الحنين بس معندهوش كشف كمبيوتر

المشاركة الأصلية كتبت بواسطة waleedzizo

الحقيقة يا جماعة الناس دية مش فاهمين اوى يعنى الحكاية كلها انهم بيدخلوك حوارى فى الكلام انت مش عارفها المهم انك تتنح وتقول ماشى اشتغل
وصفى لهم فى سطور خلال سنين تعامل طوال
1- المهندس ياسر (طبعاً هو مش مهندس ولا حاجة)
منوفى مادى جداً متكبر ومش فاهم (حافظ)سلوبة وحش جداً يعنى بصراحة سوقى وما ينفعش تشيل الحدود معاه نهائى وطبعا العلم ثلاثة اشبار من دخل فى الشبر الأول تكبر ومن دخل فى الشبر الثانى تواضع ون دخل فى الشبر الثالث علم انة لم يعلم شيئاً وطبعاً هو بالشبر الأول
2- عصام
لا يعترف بالخطأ نهائياً كثير كلام بيتفلسف كتيييييير واقل فى المهنية من ياسر واصدر الحنين مع الزبون يعنى ياسر وشه مكشوف يا جماعة (معلق نمر منوفية)وعصام يراضيك وبرضة يسفحوك انت كدة كدة مسفوح يا ولدى
3-الأسطى محمد (اسف قصدى الأستاذ محمد)دة الوحيد اللى ابن ناس فيهم اما الأخين التانين شبع بعد جوع بعيد عنك اكثرهم درية اقلهم كلاماً اكثرهم حياء مش بقول لكم ابن ناس سريع والفنيش عندة عالى مش ذى جوز ال.........
بس عيبة انه يجاريهم فى الجشع اللى وصلو له بعد الناس اللى كتبت عنهم على النت وخصوصاً اللى مش فاهمين ولو سألته عن غلطة حصلت من اى واحد فى شركائة يتحول لشيطان اخرس

ولازم تعرف انك ما تشتريش من عندهم قطع غيار نهائى اتعب وهات حاجتك من برة ووفر فلوسك وزعلك على اشتغالتهم ليك الأسعار عندهم شاملة مشوار الجندى رايح جاى بس بتاكسى
يا رب اكون فدتكم

1111111111111111111111111111
كلام مظبوط جدا وفعلا محمد هو اللى بيفهم فيهم وبيستهبلوا اوى فى المصنعية
راىى انك تروح تكشف عندهم كمبيوتر بس وماتعملش عندهم اى شغل تانى خالص خالص بس ماتفهموش انك هاتكشف بس علشان الضمير واعرف فين المشكلة وروح لسيد شراب فى العزبة زى ما ا/ هانى قالك
او تروح التوكيل تكشف كمبيوتر تاخد report وبرده تروح للاسطى سيد وده الاحسن