اخر اخبار الطريق الدائرى مساء 27-4-2009

**kingtefa** · 28-04-2009 07:40 PM

بجد يا جماعة انا بطالب باعدام عربيات النقل
على فكرة المشكلة مش فى المقطورة زى ما كانو عمالين يتكلمو و يقولو حنلغى المقطورة ... المشكلة الحقيقية فى السواقين اللى بيبلبعوا برشام و ارف ......... بجد منتهى الاستهتار اللى خلقه ربنا ...........
انا مرة كنت ماشى على المحور و كنت واخد الحارة اللى فى النص و الاقى عربيتين نقل بيتسبقو و ماشيين على سرعة عالية واحدة من اليمين وواحدة من الشمال و انا فى النص و ضاربين كلاكسات و نور
انا عاوز اقول ان كل اللى معايا بما فيهم انا قولنا الشهادة و بعد ما عدوا ركنت لان اعصابى كانت رايحة فى داهية
بجد الله يخربيتهم

**zocor742** · 28-04-2009 10:16 PM

الصراحة حادث بشع ربنا يلطف بينا وربنا معانا
وعلى فكرة اكتر الحوادث الى الواحد بيشوفها على الطريق الدائرى والدولى فى الاسكندرية بسبب المقطورة والسرعات العالية والشباب الى بتطلع تغرز على الدولى ربنا يسترها عالينا

المفروض يلغوا المقطورة والجرار دول يا يعملوهم اماكن سير معينة عشان تقلل من حوادثها ويعملوا لجان ليهم يقدروا يعرفوا فيها السواقين الى شاربة مخدرات وسكرانة عشان دية مهزلة بجد

**kingtefa** · 28-04-2009 11:38 PM

المشاركة الأصلية كتبت بواسطة zocor742

الصراحة حادث بشع ربنا يلطف بينا وربنا معانا
وعلى فكرة اكتر الحوادث الى الواحد بيشوفها على الطريق الدائرى والدولى فى الاسكندرية بسبب المقطورة والسرعات العالية والشباب الى بتطلع تغرز على الدولى ربنا يسترها عالينا

المفروض يلغوا المقطورة والجرار دول يا يعملوهم اماكن سير معينة عشان تقلل من حوادثها ويعملوا لجان ليهم يقدروا يعرفوا فيها السواقين الى شاربة مخدرات وسكرانة عشان دية مهزلة بجد

الموضوع مش موضوع مقطورة اساسا العربية اللى اتقلبت كانت تريلا
المفروض يعملو طرق على جوانب الطرق مخصصه ليهم و يكون فى قوانين جامدة مش العملية تمشى بالكوسة

**ابوهاشم** · 28-04-2009 11:57 PM

السلام عليكم ورحمة الله وبركاته
والله ياجماعه انا مش عارف اقول ايه بس
انا شغلى فى نفس المكان ده بالظبط وكنت هناك وقتها
وربنا سترها معايا والحمد لله لان ده نفس التوقيت اللى بروح فيه شغلى
لكن اللى حصل انى لقيت زيت العربيه ناقص فقررت ماروحش بيها
ومشيت بدرى عن ميعادى متجه للعمل
وفوجئت بعد وصولى هناك بعدها مباشرة بالطريق متوقف تماما
وعربيات اسعاف لاتعد وحركة قلق غير عاديه ولما عرفت من زملائى
حقيقة الامر بصراحه ماقدرتش اخرج اتفرج واشوف المهزله دى
من كتر اللى سمعته حسيت انها ابشع حادثة حصلت فى تاريخ مصر
ربنا يصبر اهل الناس اللى توفوا ويشفى كل مصاب
ويعوض على اصحاب السيارت اللى اتخبطت
وربنا يسترها علينا جميعا
ولابد من وقفه صارمه ضد سيارات النقل التقيل اللى هما تقريبا سبب
لكل حادث كبير

**Samah AbdAllah** · 29-04-2009 03:00 AM

من غير طرق مخصصة هم بس يلتزموا بالقوانين ويقدروا مسؤلية نوع السيارة اللى سايقينها وربنا ينتقم من كل مهمل لا مبالى بسلامة الاخرين

**محمد ابراهيم 1** · 29-04-2009 03:37 AM

ما هذه الدنيا ؟
هل هذه حياة ؟
هل الإنسان منعدم القيمة إلى هذا الحد ؟
هل يمكن السكوت على كل هذا ؟
هل النسيان سيضم الحادث إلى سلسلة المآسى التى أصبحت صناعة مصرية خالصة ؟
متى يمكن اتخاذ موقف ؟
لا حول ولا قوة إلا بالله
اللهم ارحم أمواتنا واشفى مرضانا ومصابينا
علية العوض ومنه العوض