الموضوع: خللي بالك للكبوت يتكرمش.

طبعآ الكل بيستغرب العنوان.
بس ده فعلا اللي شوفته بعيني

موضوع الاستاذ/ احمد عبد الغني
http://www.nilemotors.net/Nile/showthread.php?t=72265

الموضوع ده فكرني بموقف لا أحسد عليه.
بالعربيه القديمه ال 132

الطريق كان زحمه كالعاده.
وفي عربيه نقل قافله بمقطورة الطريق... ولحظي السئ عربيتي كانت ورا العربيه النقل. وبنتحرك بالراحه وبعدين نقف.
المهم العربيه وقفت علي مطب. وانا كنت تقريبآ لازق فيها بين العربيتين 1/4 متر مثلآ....
ولسووووووووء الحظ. الكلاكس كان فاصل يومها الصبح وماكنتش لسه عملته.
والمفاجأه العربيه النقل ريحت من علي المطب.
ماعرفش ازاي في جزء من الثانيه اديت مرشليه وفركت امريكاني ورجعت قمت لابس في اللي ورايا اللي كان كمان لازق فيا.
وبرده العربيه النقل بتريح.
قعدت أرعش له نور وانا عامل زي الاخرس. وانادي عليه والناس اللي جنبي نزلت من العربيات وجريت تقوله.
الغريب ان العربيه النقل ريحت علي عربيتي وزقت العربيه اللي ورايا واللي وراها.

تخيل بقي المنظر وانت كبوت عربيتك بيتكرمش قدام عينك والعربيه النقل بترجع عليك و انت مفعوص بين العربيه النقل والعربيه اللي وراك.
لحد فين وفين لما السواق فاق ومسك فرامل.
طبعآ الخسائر ( كبوت - شبكه اماميه - استعدال اكصدام - رادياتير - مروحة رادياتير)
ده والعربيه كانت 132 الماني.
مابالك لو كانت لاقدر الله بعربيه حديثه ( وانتم عارفين الفرق في الصاج والاكصدامات )

وكـــــــــانت توبه.

قدر الله وما شاء فعل