علاج التخبيط في العفشه في التوكيل

لسه النهارده خدمه متابعه العملاء كلموني و علي هذا الاساس اتصلت بالسبع زهراء المعادي للسؤال عن كاوتشه المساعدين اللي كانو قالولي هناك انها هتلغي صوت الدبدبه الشهير
المهم الانسه مشكوره سألتني عن رقمي و قالت انها هتتصل تاني
شويه فعلا و اتصلت و الحوار كان كالتالي:
بالنسبه لكاوتشه المساعدين فهي خارج الضمان( لأن في حاجه عندي في العربيه طلعت بايظه و هتتغير في الضمان بس لسه مجتش)
المهم السعر كام قالتلي الكاوتشه الامامي ب 95 جنيه للواحده
و الكاوتشه الخلفي ب 181 الواحده
ده غير شامل التركيب
فنوع من انواع الفضول سألتها التركيب كام قالتلي امامي ب 50 للواحده و الخلفي ب 100 جنيه للواحده
قلتلها التركيب غالي جدا و سألتها طب لو جيت و انا بعمل الصيانه الدوريه مش التركيب يبقي ارخص( علي اساس ان العربيه هتبقي مرفوعه و الكاوتشات مفكوكه) قامت قالت لحظه اسألك و رجعت قالتلي لأ مصاريف التركيب ثابته

تبقي الحسبه بالبلدي كده
190 جنيه للكاوتشات الاماميه
362 جنيه للكاوتشات الخلفيه
يبقي المجموع لتمن الكاوتشات دي :552 جنيه
نحسب بقي مصاريف التركيب بتاعتهم:
100 للكاوتشتين الامامي
و 200 جنيه للكاوتشات الخلفيه
يبقي مجموع المبلغ المطلوب لتركيب كاوتشات المساعدين لمنع الدبدبه بتاعه الصني:852 جنيه مصري
و انا شخصيا متيقن ان مادام دي كاوتشات للمساعد يبقي اكيد هييجي يوم اضطر لتغييرهم مستقبلا

بجد و بصراحه كده و بدون تذويق الكلام حرام كده
انا صرفت مبالغ مكنتش اتصور اني اصرفها في عربيه من العربيات العاديه بتاعتنا دي الا في حالات الحودث و الحوادث فقط
انما كل صيانه دوريه ادفع مبالغ عاليه سواء قطع غيار في منتهي الغلو او مصنعيات غايه في التهريج!!
و العيب بتاع العربيه اللي هو مش مني ادفع فيه 852 علشان اعالجه يبقي بكملت ابيعها و اشتري حاجه تانيه اكرملي:I_angr1[1]:
انا عملت الموضوع هنا لتعميم الفائده من حيث الناس تعرف مصاريف تركيب الكاوتشات دي للي عايز يركبها
انما بالنسبالي فأنا هبيع العربيه قريب قوي قوي ان شاء الله بمجرد ما القطعه البايظه اللي عندي تييجي و تتركب في التوكيل علشان مابقاش ظلمت المشتري
و شكرا

850 جنية لية ؟ اطلع على الحرفيين و مش هتدفع اكتر من 350 -400 جنية بالكتير

على فكرة انا غيرت كاوتشة مساعد امامى ودفعت 170 جنيه للكاوتشة اصلى +مصنعياتها، ومش شايف انهم كتير بالمقارنة بصديق راح عمل صيانة 20 ألف للعربية الماتريكس(أللى هى برضه عربية عادية جدا وتحمل علامة هيواندى، اللى ورثت مكان علامة فيات فى منصب السيارة الشعبية المصرية) ودفع 1600 جنيه مش عارف فى ايه بالظبط

لو عايز تروح التوكيل فشوية الميات دى هو الرقم العادى اللى بيندفع ، لو مش عايز تحتفظ بدفتر صيانات مختوم من التوكيل يحافظ لك على السيارة ويقيمها لك جيدا عند بيعها فتقد تسلم نفسك لاساطين الحرفيين وانت ونصيبك

heya el kawetsha deh moohema wala 3ashan dab bas

اقتباس:

---

المشاركة الأصلية كتبت بواسطة sab3aawy

على فكرة انا غيرت كاوتشة مساعد امامى ودفعت 170 جنيه للكاوتشة اصلى +مصنعياتها، ومش شايف انهم كتير بالمقارنة بصديق راح عمل صيانة 20 ألف للعربية الماتريكس(أللى هى برضه عربية عادية جدا وتحمل علامة هيواندى، اللى ورثت مكان علامة فيات فى منصب السيارة الشعبية المصرية) ودفع 1600 جنيه مش عارف فى ايه بالظبط

لو عايز تروح التوكيل فشوية الميات دى هو الرقم العادى اللى بيندفع ، لو مش عايز تحتفظ بدفتر صيانات مختوم من التوكيل يحافظ لك على السيارة ويقيمها لك جيدا عند بيعها فتقد تسلم نفسك لاساطين الحرفيين وانت ونصيبك

---

المشكله يا بشمهندس اني كل مره اروح التوكيل في الصيانات الدوريه الاقي ساعه الدفع مبالغ غريبه قوي
و بعدين مشكله الكاوتشه يتاعت المساعدين دي قالولي عليها لما اشتكيت من الدبدبه و قالولي معلش مش موجوده لما تيجي هنقولك
بمعني مش المفروض انها تكون راكبه في العربيه من اصله؟
و هل فعلا الكاوتشه دي تستاهل المبلغ الخرافي ده؟ علي نا اعتقد من اسمها و وصفها منهم انها بتغطي المساعد من فوق علشان التراب!!
ليه بقي الفلوس دي كلها في كاوتشه زي بتاعت الشيشه؟
و هل فعلا لغت عندك الدبدبه الممله؟

دكتور امير ممكن اعرف عربية حضرتك موديلها ايه و شكرا

اقتباس:

---

المشاركة الأصلية كتبت بواسطة largeman

دكتور امير ممكن اعرف عربية حضرتك موديلها ايه و شكرا

---

ايه ده تعديل المنتدي الاخير حذف ظهور موديل العربيه مع انه مازال موجود في بياناتي
لعل و عسي يرجعو ظهوره تاني تعميما للفائده
2007 ex automatic

اقتباس:

---

المشاركة الأصلية كتبت بواسطة amir

المشكله يا بشمهندس اني كل مره اروح التوكيل في الصيانات الدوريه الاقي ساعه الدفع مبالغ غريبه قوي
و بعدين مشكله الكاوتشه يتاعت المساعدين دي قالولي عليها لما اشتكيت من الدبدبه و قالولي معلش مش موجوده لما تيجي هنقولك
بمعني مش المفروض انها تكون راكبه في العربيه من اصله؟
و هل فعلا الكاوتشه دي تستاهل المبلغ الخرافي ده؟ علي نا اعتقد من اسمها و وصفها منهم انها بتغطي المساعد من فوق علشان التراب!!
ليه بقي الفلوس دي كلها في كاوتشه زي بتاعت الشيشه؟
و هل فعلا لغت عندك الدبدبه الممله؟

---

انا غيرت الكاوتشة الأمامية وبالتالى هى اللى شفتها ، مشفتش الخلفية، لكن بالفعلى الأمامية لها دور فى منع التخبيط لأنها ليست فقط كاوتشة تراب لكن الجزء العلوى منها مصمت وهو اللى بينقل الحمل من المساعد للبطاحة، يعنى تقدر تعتبرها كاوتشة بطاحة، وبعدين انا لما غيرتها ، مع تربيط العفشة مع الخ الخ العربيت خرجت من التوكيل اكثر من ممتازة اخر مرة والعفشة اختلفت تماما ولازلت سعيد جدا بها برغم مرور 3000 كيلومتر بعد الصيانة، يعنى خلاص داخل فى الصيانة اللى بعدها

اقتباس:

---

المشاركة الأصلية كتبت بواسطة amir

لسه النهارده خدمه متابعه العملاء كلموني و علي هذا الاساس اتصلت بالسبع زهراء المعادي للسؤال عن كاوتشه المساعدين اللي كانو قالولي هناك انها هتلغي صوت الدبدبه الشهير
المهم الانسه مشكوره سألتني عن رقمي و قالت انها هتتصل تاني
شويه فعلا و اتصلت و الحوار كان كالتالي:
بالنسبه لكاوتشه المساعدين فهي خارج الضمان( لأن في حاجه عندي في العربيه طلعت بايظه و هتتغير في الضمان بس لسه مجتش)
المهم السعر كام قالتلي الكاوتشه الامامي ب 95 جنيه للواحده
و الكاوتشه الخلفي ب 181 الواحده
ده غير شامل التركيب
فنوع من انواع الفضول سألتها التركيب كام قالتلي امامي ب 50 للواحده و الخلفي ب 100 جنيه للواحده
قلتلها التركيب غالي جدا و سألتها طب لو جيت و انا بعمل الصيانه الدوريه مش التركيب يبقي ارخص( علي اساس ان العربيه هتبقي مرفوعه و الكاوتشات مفكوكه) قامت قالت لحظه اسألك و رجعت قالتلي لأ مصاريف التركيب ثابته

تبقي الحسبه بالبلدي كده
190 جنيه للكاوتشات الاماميه
362 جنيه للكاوتشات الخلفيه
يبقي المجموع لتمن الكاوتشات دي :552 جنيه
نحسب بقي مصاريف التركيب بتاعتهم:
100 للكاوتشتين الامامي
و 200 جنيه للكاوتشات الخلفيه
يبقي مجموع المبلغ المطلوب لتركيب كاوتشات المساعدين لمنع الدبدبه بتاعه الصني:852 جنيه مصري
و انا شخصيا متيقن ان مادام دي كاوتشات للمساعد يبقي اكيد هييجي يوم اضطر لتغييرهم مستقبلا

بجد و بصراحه كده و بدون تذويق الكلام حرام كده
انا صرفت مبالغ مكنتش اتصور اني اصرفها في عربيه من العربيات العاديه بتاعتنا دي الا في حالات الحودث و الحوادث فقط
انما كل صيانه دوريه ادفع مبالغ عاليه سواء قطع غيار في منتهي الغلو او مصنعيات غايه في التهريج!!
و العيب بتاع العربيه اللي هو مش مني ادفع فيه 852 علشان اعالجه يبقي بكملت ابيعها و اشتري حاجه تانيه اكرملي:I_angr1[1]:
انا عملت الموضوع هنا لتعميم الفائده من حيث الناس تعرف مصاريف تركيب الكاوتشات دي للي عايز يركبها
انما بالنسبالي فأنا هبيع العربيه قريب قوي قوي ان شاء الله بمجرد ما القطعه البايظه اللي عندي تييجي و تتركب في التوكيل علشان مابقاش ظلمت المشتري
و شكرا

---

تعرف يا دكتور ان دى اول مره الاحظ انك متضايق قوي بس معلش ربنا يعوضك خير
معلش فيه استفسار كمان انا كنت خلاص ناوى اجيب باذن الله الصنى الجديدة لكن حاسس ان فيه حاجة بتخلنى ارجع تانى خاصة لما اقرا مشاكل زى اللي واجهتك وانك عاوز تبيعها, وارجع اقرا فى الالنترا مثلا الاقى مفيش حلجة زي دى واصحاب الاوبترا بيشكروا فيها طيب اعمل ايه اتمنى تفيدنى

اقتباس:

---

المشاركة الأصلية كتبت بواسطة د.محمد

تعرف يا دكتور ان دى اول مره الاحظ انك متضايق قوي بس معلش ربنا يعوضك خير
معلش فيه استفسار كمان انا كنت خلاص ناوى اجيب باذن الله الصنى الجديدة لكن حاسس ان فيه حاجة بتخلنى ارجع تانى خاصة لما اقرا مشاكل زى اللي واجهتك وانك عاوز تبيعها, وارجع اقرا فى الالنترا مثلا الاقى مفيش حلجة زي دى واصحاب الاوبترا بيشكروا فيها طيب اعمل ايه اتمنى تفيدنى

---

يا دكتور محمد انا اسف اني ضايقتك او قلقتك من العربيه
العربيه النيسان صني مش وحشه ابدا
الموضوع بتاع الدبدبه كنت بسمع عنه هنا في المنتدي من قبل ما اجيبها يعني مكنش مفاجأه ولا حاجه
و التوكيل قال ان في كاوتشه ناقصه لما تبقي تجيلهم اركبها و الدبدبه تروح
فتفكيري الشخصي اقنعني انها هتكون علي حساب التوكيل
انما هو بس سعرها الغالي اللي ضايقني زود علي كده فلوس الصيانات و المصنعيات التهريج قوي
انما بالنسبه لاستهلاك البنزين في العربيه فأدي موضوع كنت عامله عن استهلاك البنزين و اتمني الاداره تثبته لأنه بالتقادم بيروح لصفح بعيده و موضوع استهلاك البنزين بتاع الصني اتهري اشاعات انما ادي الواقعhttp://www.nilemotors.net/Nile/showthread.php?t=62667
و بعد ما حسبت الاستلاك الخاص بيها لاقيت انها زي اي عربيه 1600 متقارب جدا جدا و ممكن حضرتك تقلب في اقسام السيارات المختلفه هتلاقي ان استهلاك ال 1600 تقريبا واحد في المانيوال و كذلك في الاوتوماتك
انا بس اتخنقت من التوكيل سواء في اسعار قطع الغيار او في المصنعيات و في نفس الوقت مبقتش عارف هل الاحتفاظ بعربيه 1600 في الفتره الحاليه من حياتي قرار صح ولا اجيب حاجه تناسب مشاويري الكتير جوه البلد
بصراحه انا في قمه الحيره الفتره الحاليه
ممكن اخليها و اعمل صياناتها في مركز خدمه (ورشه كبيره) بتاعت مهندس ميكانيكا اخويا يعرفه من زمان و بكده اتلافي المصنعيات فاحشه الغلو و بالنسبه لقطع الغيار فلو هخليها هتكون مشكله لمره واحده بمعني ان مش كل يوم هاشتري قطعه غيار
لو تحب تفند النقط اللي مخلياك مش مستريح للصني و نتناقش فيها اهلا و سهلا

و بخصوص الالنترا فالناس مش طايقه غبور و مراكزه اما بالنسبه للاوبترا فافتكر ان يعيبها علبه الدركسيون و حاجه تانيه قريتها هنا في المنتدي
زود علي كده ان فعلا العربيه راحه نفسيه و علاقه حب
يعني ممكن عربيه فيها عيوب الدنيا كلها و تلاقيك انت حابب تركبها و تسوقها فالنقطه دي مهمه جدا جدا

انا متشكر جدا يا دكتور امير على اهتمامك انا هقولك صراحة انا الحمد لله ربنا اكرمنى وبقى معايا تمن الصنى الاتوماتيك وممكن ازود شوية واجيب واجيب النترا اتوماتيك او سيراتو مانيوال لانى مقدرش على تمن الاتوماتيك وبصراحة مستحرمه وانا تقريبا استبعدت الاوبترا.
وصراحة انا كنت بدات اميل للصنى لدرجة بدات اقنع نفسي بيها لو فى عربية مثلا عدت من جنبى واقول انها ما شاء الله ماسكة نفسها يعنى تحس انها جامدة وكمان اللي خلانى اميل اكتر الاضافات الجديدة اللى فى 2009, لكن كل مرة بدخل على المنتدى الحاص بالنيسان الاقى ان اعضاء كتير من اللى اشتروها باستثناء المهندس سبعاوى بتشتكى منها اللى يقول العربية لسه جديدة وبتعوم ولما راح التوكيل قالولوه ان الصنى نازلة الجنب الشمال اعلى من اليمين وعشان كده العربية بتعوم وهى نازله كده
واللي يقولك الدهان ظهر فيه بقع بيضا وطبعا قامت حملة شرسة من الاعضاء علي الصنى وبدأو يكيلوا الاتهامات للصناعة المصرية
واعضاء اخرييين عنهم مشكلة فى الكراسي اللي واطية وبتزيق
وناس تانية تتكلم عن رائحة سيئة بتخرج من التكييف
ومشكلة ضفيرة الكهربا في السوبر صالون
والمصناعيات النار فى التوكيل وكان التوكيلات الاخرى بتديك فلوس مش بتاخد منك زي نيسان
وبرضه مشكلة زي اللي حصلت مع حضرتك الخاصة بالدبدبة
وطبعا الاشاعة الكبرى الخاصة باستهلاك البنزين و اللي خلتنى احس ان لازم احط جركن بنزين معايا في العربية
كل المشاكل دى وغيرها لما اقراها لدرجة انى حفظتها تخلينى اقول طيب انا ايه اللي هيخلينى اوجع دماغى
ولما ادخل منتدى هيونداى وادور علي الالنترا الاقى الناس ناقص تقول فيها شعر ارجع اقول غبور ومشاكله ارد على نفسي روح لمكز خدمة معتمد كانت رحت مركز الصيانة الرئيسى وابقى حافظ علي العربية وبلاش تبهدلها وهى هتبقى كويسة واقول لنفسي كمان طيب ما هى كل الناس راكبيين هيونداى انت بقى اللى هتتفزلك.
اما السيراتو فكل النس بتشكر فيها وبتوكيلها وطبعا هيكون الشكل الجديد يعنى اخر دلع
معلش يا دكتور انا طولت عليك بس والله من حيرتى وانا مستريحلك حتى من غير ما اعرفك وده من ردودك الموضوعية وهتمامك بالاعضاء اسف مره تانية انى شغلتك معايا بس فعلا انا حاسس انى واقف وتايه مش عارف اروح فين لانى مش عارف اخد فرار خاصة انى مش هقدر اغير العربية قريب يعنى هتفضل معايا باذن الله.

يا دكتور محمد العفو
بص يا سيدي مظنش ان الكلام هينفع كده انا هبعتلك رقمي علي الخاص و هستني مكالمتك
انا اصلي كمان نازل دلوقتي حالا علشان معزوم علي الغدا عند قرايبي كلمني انت بس و ربنا يسهلها

طيب انا عاوز اعرف تفاصيل المكالمه يا داكتره :)

اقتباس:

---

المشاركة الأصلية كتبت بواسطة TheEgyption

طيب انا عاوز اعرف تفاصيل المكالمه يا داكتره :)

---

well i am so sorry i cant type in arabic right now cause the keyboard of the laptop i am using right now doesnt even contain arabic letters on the keyboard yet
anyhow
if you want i could send you my phone number and lets have a phone call or better yet lets meet and see for yourself

and of course when i get home i will tell the whole story

انا محتار نفس الحيرة فياريت يكون الرد عام للفاءدة و خصوصا فرق الفلوس الواحد اولى بيه

كان الله فى عونك يا دوك
بس على فكره انا ملاحظ ان الشكاوي بتاعت حضرتك زادت من يوم ما شفت الجين تو 2009:N_no[1]:
انا مش قصدى حاجه ياعم لاتفهمنى غلط:C_laugh[1]:
اسأل الله ان ييسر لك الأمر
انه ولى ذلك وهو على كل شئ قدير

اقتباس:

---

المشاركة الأصلية كتبت بواسطة د.محمد

انا متشكر جدا يا دكتور امير على اهتمامك انا هقولك صراحة انا الحمد لله ربنا اكرمنى وبقى معايا تمن الصنى الاتوماتيك وممكن ازود شوية واجيب واجيب النترا اتوماتيك او سيراتو مانيوال لانى مقدرش على تمن الاتوماتيك وبصراحة مستحرمه وانا تقريبا استبعدت الاوبترا.

يبقي مقارنتك بين الصني اوتو و النترا اوتو بس مقولتش انهو صني الشكل الجديد ولا القديم؟؟؟
وصراحة انا كنت بدات اميل للصنى لدرجة بدات اقنع نفسي بيها لو فى عربية مثلا عدت من جنبى واقول انها ما شاء الله ماسكة نفسها يعنى تحس انها جامدة وكمان اللي خلانى اميل اكتر الاضافات الجديدة اللى فى 2009, لكن كل مرة بدخل على المنتدى الحاص بالنيسان الاقى ان اعضاء كتير من اللى اشتروها باستثناء المهندس سبعاوى بتشتكى منها

ياباشا مش كلنا كلنا

اللى يقول العربية لسه جديدة وبتعوم ولما راح التوكيل قالولوه ان الصنى نازلة الجنب الشمال اعلى من اليمين وعشان كده العربية بتعوم وهى نازله كده


بالذمه في حد يصدق الكلام ده؟؟؟؟؟؟
ازاي يعني عربيه نازله جنب اعلي من جنب هي كارته بقي ولا عربيه؟؟؟
ولا يمكن اللي قال كده قصدو انها بتبقي ماشيه زي الاتوتبسي المحمل لما يميل علي جنبه؟؟؟؟؟


واللي يقولك الدهان ظهر فيه بقع بيضا وطبعا قامت حملة شرسة من الاعضاء علي الصنى وبدأو يكيلوا الاتهامات للصناعة المصرية


دي كانت مشكله فرديه لا اكثر و تم التعامل معاها انما محدش نهائي اشتكي من حاجه زي كده علي المستوي العام بمعني انها حاله فرديه و بس



واعضاء اخرييين عنهم مشكلة فى الكراسي اللي واطية وبتزيق


الكراسي واطيه اه هي كده انما لو بتحب الكراسي العاليه فعندك الماتريكس او الافيو لو قعدت فيهم تحس انك عالي و برضو قعده الجين عامله كده تمام, بس تزييق الكرسي الامامي ده مش عند الناس كلها و بيحتاج مجرد التقريط علي الكرسي و بينتهي علي كده
انما لو قصدك علي هبوط منطقه المقعده في الكرسي فده حاصل عندي و ممكن احله عند اي بتاع كراسي بس انا مش مهتم اساسا بالموضوع ده
بس القعده علي الكرسي مريحه جدا

وناس تانية تتكلم عن رائحة سيئة بتخرج من التكييف


دي بقي مفيهاش كلام من اصله
لو بتشرب سجاير و بتشغل التكييف لازم لازم تلاقي ريحه وحشه بعد كده جايه منه خصوصا لو الفلتر مبيتنضفش
ده غير اني لما شغلت التكييف اول مره الصيف ده لاحظت ريحه مش تمام و التكييف اضعف سنه رحت لواحد بتاع تكييف يقيس الفريون لاقاه تمام بس خلاني اروح اغسل السربنتينه و الموتور كله في البنزينه و الموضوع ولا كأنه كان موجود من اساسه


ومشكلة ضفيرة الكهربا في السوبر صالون


يا عزيزي برضو مشكله عيب في نوع الضفيره و اللي ظهرلهم العيب ده التوكيل بدلهم الضفيره المعطوبه و الموضوع اتحل
و المشكله دي حصلت من فتره كبيره قوي يمكن فوق ال 10 شهور و محدش جاب سيرتها تاني اطلاقا علي المنتدي, ده انا قريت الموضوع اللي كان مذكور فيه المشكله دي و برضو جيبت العربيه ولا مشكله من الضفيره الحمد لله

والمصناعيات النار فى التوكيل وكان التوكيلات الاخرى بتديك فلوس مش بتاخد منك زي نيسان


احم احم
و الله انا كنت قرفان من التوكيل في حاجات معينه و مش طايقه انما لما بصيت علي اسعار صيانات التوكيلات التانيه ( خصوصا الجين تو حبيبتي) لاقيت ان كلنا في الهوا سوا



وبرضه مشكلة زي اللي حصلت مع حضرتك الخاصة بالدبدبة


موضوع الدبدبه كان في الصني كله لغايه 2009 انما قالولي ان في كاوتشات للمساعدين بتمنع الموضوع ده و تكلفتهم كلهم في التوكيل بالتركيب حوالي 850 جنيه و سبعاوي كان قال انه ركب الاماميين في التوكيل من فتره انما لسه مش متأكد منه هل الدبدبه راحت ولا لأ
و علي فكره الدبدبه دي بتظهر لما مثلا تمشي علي بلاعه عاليه و الكاوتش يجي ينزل من عليها يعني من منطقه عاليه الي منطقه واطيه مره واحده
بمعني انها مش موجوده مع المطبات الحمد لله



وطبعا الاشاعة الكبرى الخاصة باستهلاك البنزين و اللي خلتنى احس ان لازم احط جركن بنزين معايا في العربية


ادي يا سيدي موضوع لاستهلاك البنزين للغول التتاري الشهير بالصني الاوتوماتك كمان
http://www.nilemotors.net/Nile/showthread.php?t=62667
و عموما علشان اريحك في اتخاذ قرارك لما انا نويت علي الاوتو و اخترت الصني كان معايا قبلها فيليشيا 1300 موديل 98 و كان استهلاك البنزين بتاعها 200 كيلو في الصفيحه يعني نفس استهلاك الصني الاوتو بتاع سبعاوي و مع كده و بعد ما وصلت الي حاجه و اربعين الف كيلو ادي استهلاك عربيتي في الموضوع ده

كل المشاكل دى وغيرها لما اقراها لدرجة انى حفظتها تخلينى اقول طيب انا ايه اللي هيخلينى اوجع دماغى
ولما ادخل منتدى هيونداى وادور علي الالنترا الاقى الناس ناقص تقول فيها شعر ارجع اقول غبور ومشاكله ارد على نفسي روح لمكز خدمة معتمد كانت رحت مركز الصيانة الرئيسى وابقى حافظ علي العربية وبلاش تبهدلها وهى هتبقى كويسة واقول لنفسي كمان طيب ما هى كل الناس راكبيين هيونداى انت بقى اللى هتتفزلك.
اما السيراتو فكل النس بتشكر فيها وبتوكيلها وطبعا هيكون الشكل الجديد يعنى اخر دلع
معلش يا دكتور انا طولت عليك بس والله من حيرتى وانا مستريحلك حتى من غير ما اعرفك وده من ردودك الموضوعية وهتمامك بالاعضاء اسف مره تانية انى شغلتك معايا بس فعلا انا حاسس انى واقف وتايه مش عارف اروح فين لانى مش عارف اخد فرار خاصة انى مش هقدر اغير العربية قريب يعنى هتفضل معايا باذن الله.

---

ياباشا لا طولت ولا حاجه
انما اوضحلك حاجه لازم تكون منجذب للعربيه بمعني انك تكون حاببها من بره و جوه و شكلها و قعدتها
لو لقيت ده في الصني كان بها لو لقيته في الالنترا يبقي النترا
الموضوع اصله فيه راحه نفسيه برضو مش كلو مواصفات
و لو راسي علي الصني و عايز تجربها قولي بس

اقتباس:

---

المشاركة الأصلية كتبت بواسطة aboezz44

كان الله فى عونك يا دوك
بس على فكره انا ملاحظ ان الشكاوي بتاعت حضرتك زادت من يوم ما شفت الجين تو 2009:N_no[1]:
انا مش قصدى حاجه ياعم لاتفهمنى غلط:C_laugh[1]:
اسأل الله ان ييسر لك الأمر
انه ولى ذلك وهو على كل شئ قدير

---

و في حمله مداهمه شرسه لتمشيط قسم النيسان تم القبض علي العضو امير الذي كان يجول في البلاد ناشرا سمومه و افكاره الهدامه و قد تمت ملاحقته بعد تعدد الشكاوي من قبل عاشق النيسان اللي ظبطلها الاضاءه كمان الفقير الي الله ابو حميد عز الرجال
و علي الفور توجهت كتيبه الاعدام قصدي النيسان للقبض علي المذكور حيث تعددت بلاغات عن ظهوره في اقسام البروتون
و بعد مطارده شرسه سقط المتهم في ايدي العداله متلبسا في كرسي السائق في احدي عربيات بروتون الجميله في احدي معارض السيارات

و في متابعه لاحقه و بسؤال الناس تبين ان المذكور كان يطيل النظر الي الجين تو في الاشارات
و الوقوف بجانبها في الشوارع و الطرقات
ده غير تعدد ركوبه ليها في المعارض و المحلات
و بمواجهه المتهم اعترف و ارشد عن شركائه بعد التعذيب و التهريب و الترغيب

نفس المشكلة فكرتني بمشكلة مشابهة يعيشها صديق هذه الايام
عربيته ياريس 2008 مانيوال فول أوبشنز
دخل صيانة الـ 5 آلاف والعربية كويسة
خرج منها العربية بتعمل صوت الدبدبة من الناحية الأمامية اليمنى
صوت بيشتكي انه مزعج جداً
ولما رجع لهم حاولوا يقنعوه ان مفيش حاجة غير عادية حصلت
اشتكى تاني اتعملت له لجنة فنية لمعاينة العربية الاسبوع اللي جاي
لكن هو مصداقية التوكيل عنده اتهزت فاضطر يروح لواحد عفشجي نزل تحت العربية بعد ما جربها وقال له على العيب ان الكاوتشة الأمامية اليمنى اتقرص عليها أكثر من اللازم لغاية ما اتهرت (طبعاً في آخر صيانة راحها)، وبمجرد ما تتغير الكاوتشة الصوت هايروح

اقتباس:

---

المشاركة الأصلية كتبت بواسطة sab3aawy

انا غيرت الكاوتشة الأمامية وبالتالى هى اللى شفتها ، مشفتش الخلفية، لكن بالفعلى الأمامية لها دور فى منع التخبيط لأنها ليست فقط كاوتشة تراب لكن الجزء العلوى منها مصمت وهو اللى بينقل الحمل من المساعد للبطاحة، يعنى تقدر تعتبرها كاوتشة بطاحة، وبعدين انا لما غيرتها ، مع تربيط العفشة مع الخ الخ العربيت خرجت من التوكيل اكثر من ممتازة اخر مرة والعفشة اختلفت تماما ولازلت سعيد جدا بها برغم مرور 3000 كيلومتر بعد الصيانة، يعنى خلاص داخل فى الصيانة اللى بعدها

---

طيب ممكن توضح انت ليه مركبتش الكاوتشات الخلفيه؟
خصوصا ان الدبدبه لما بتحصل عندي بتكون من ورا عند الشنطه لكن قدام ملاحظتش الدبدبه دي
و هل بعد كلامك و تأكيدك ان اداء العفشه اتحسن اتكل علي الله و اركب الاربع كاوتشات؟
و بالنسبه للاسعار اللي ذكرتها انا من عند السبع زهراء المعادي فمنين الاسعار اللي ذكرتها ؟

اقتباس:

---

المشاركة الأصلية كتبت بواسطة amir

طيب ممكن توضح انت ليه مركبتش الكاوتشات الخلفيه؟
خصوصا ان الدبدبه لما بتحصل عندي بتكون من ورا عند الشنطه لكن قدام ملاحظتش الدبدبه دي
و هل بعد كلامك و تأكيدك ان اداء العفشه اتحسن اتكل علي الله و اركب الاربع كاوتشات؟
و بالنسبه للاسعار اللي ذكرتها انا من عند السبع زهراء المعادي فمنين الاسعار اللي ذكرتها ؟

---

سبعاوي ارجو ان سبب عدم ردك ميكزنش زعلك مني في حاجه لا قدر الله
ليا سؤال كمان علي سؤالي السابق
في مهندس حذرني من تركيب الكاوتشات دي و قالي انها كل اللي بتعمله هو تعليه العربيه مما يؤثر بالسلب علي الثبات
مستني رأيك و تفسيرك
شكرا