عايز ملاك الجين تو يساعدوني في الاختيار

**amir** · 01-05-2009 01:51 AM

المشاركة الأصلية كتبت بواسطة amir

لكن الاخ توت (اللي محدش يعرف اسمه ايه اساسا:k45:) كان اتكلم في استهلاك الجين تو مانيوال للبنزين و وضح انه بطريقه سواقه عاقله استهلاك الجين تو بيبقي رائع و يكاد يكون مقارب للبونتو
و علشان كده انا حاطط العربتين كأختيار ليا خاصه ان الماتور الجديد ذو الفلتر الرشيد احسن في استهلاك البنزين عن سابقه

مش ناوي تعترف لنا
ولا لازم

**MohabSaeed** · 01-05-2009 04:16 AM

مش عارف ... انا بجد بستغرب لما حد يقول على فيات انها ماركه " وحشه " !!! .

يعنى انا ساعات كتير بسمع تريقه على بروتون بس فعلا بقول العربية مبقلهاش كتير فى مصر من سنه 2000 و اختفت و نزلت تانى سنه 2005 ... و فعلا زى ما استاذ توت قال بالنسبه لبروتون " قد يتفق البعض او يختلفو معاه " بس فعلا مايقدرش العربيه ديه او الماركه ديه عموما غير الى ركبها " , لانى كنت من اشد منتقديها " ده بجد فعلا , بس فعلا التجربه خير دليل و ده كان مع الويرا و اثبتت جداره و اداء مشفتوش فى اى عربيه فى نفس الفئه .
ماشى ديه بروتون و عرفنا قصتها .

لكن فيات !!! معلش فيات ديه تعتبر من ابداعات صناعه السيارات . فيات مش بتصنع عربيات لمجرد انها عربيه .... ديه بتصنع تحف فنيه , ايقونه , صناعه متقنه

حد شاف مثيل لشياكه و اناقه فيات برافو !!!!!!
حد شاف استايل مشابه ل الجراند بونتو !!!!!
حد شاف شبيه للفيات 500 الى عليها حجوزات بالشهور فى اوروبا !!!!
هى ديه فيات

هل فى مثيل ل الفاروميو !!! فى مقوله قريتها على منتدى اجنبى بتقول " ماتعتبرش نفسك سوقت عربيه حقيقيه الا لما تركب الفاروميو " !

اسم لانشيا بيفكر حد بحاجه ؟ و اسم دلتا تحديدا
و طبعا مش حابب اذكر اسم فيرارى و ميزاراتى كل الماركات الى تعتبر من اكبر و اعرق الماركات الى فى العالم تحت قياده فيات .

الغريب ان على منتدى فيات بلاقى ناس بتسأل اساله نوعا ما مستفذه . هى الفيات جراند بونتو و البرافو دول بيسخنو ؟ اصلى سمعت ان الفيات كلو بيسخن
هو الموتور التيربو بتاع اللينيا ده حيعيش اصلى سمعت ان التيربو بيقصر عمر الموتور .
و كلام من ده كتير من عارف على اى اساس !

حتى العربيات الفيات القديمه او اهتمين بيها و عملتلها صيانه دوريه عمرها مابتعطل بيك فى الطريق ! و الغريب انها حتى لو عطل فيها حاجه بتوصلك لحد بيتك !!!!!!! من غير ماتوقفك فى نص الشارع

* لسه لحد انهارده بجد بستمتع بسواقه ال131 بالرغم من ان عمرها 30 سنه ! و استعمالى ليها كان سئ حرق و بتعصب على العربيه بسبب الغباء الى بشوفه و انا سايق

على فكره كلامى ده مش موجه لاستاذ احمد لانى فهمت قصده .

انا بس بقول كلام كان فى بالى , لانى سمعت واحد اعرفه بيتكلم و يقول ( فيات انتا مجنون انا اركب فيات ) ف مش عارف كان عندى كلمتين محشورين فى زورى

معلش اعزرونى مشاركه فى غير مكانها

* دكتور امير ربنا يوفقك فى اختيارك و تجيب العربيه الى تعجبك بغض النظر ان اى حاجه تانى حتى لو حتجيب ماروتى فى الاخر انتا الى حتركب العربيه و العربيه سلعه و """ لولا اختلاف الازواق لبارت السلع "" .

**MohabSaeed** · 02-05-2009 01:03 AM

المشاركة الأصلية كتبت بواسطة Ahmed20_08nubira

لا حول ولا قوة الا بالله..
ومين بس قال عن الفيات انها ماركة وحشة..احنا بنتكلم .فنقطة معينة..ياريت حضرتك تقرأ المشاركات كويس

وفعلا الناس بتسال...عن الفيات انو بيسخن حتى فى الجديد...لان السيينا (اللى هيا المفروض موديل جديث...2002 2003 فيهم مشكلة سخونة..

بس طبعا انا من راى حضرتك ان الفيات الجديد عربيات متقلش عن الفورد والمازدا والحجات دى..

يا استاذ احمد انا قريت المشاركات كويس , حضرتك الى مقرأتش مشاركتى كلها , انا فاهم قصدك .

المشاركة الأصلية كتبت بواسطة MohabSaeed

على فكره كلامى ده مش موجه لاستاذ احمد لانى فهمت قصده .

انا بس بقول كلام كان فى بالى , لانى سمعت واحد اعرفه بيتكلم و يقول ( فيات انتا مجنون انا اركب فيات )

ف مش عارف كان عندى كلمتين محشورين فى زورى

.

اقول ايه تانى !!!

و بعدين عاوز اقولك ان اخويا معاه سينا 1600 و مش بتسخن !
و انا معايا غير الواجا 131 و مش بتسخن !!

موضوع السخونيه الفيات ده افتكاسه من سواقين التاكسى , العربيه لو مظبوطه و فيها ريداتير كويس عمرها مابتسخن او بمعنى اصح بتسخن السخونيه الطبيعيه , الحمد لله ال131 معانا من زمان عمرنا ماوقفنا على جنب علاشان نزود ميه او علاشان نبرد العربيه .
بال انا كل يوم على المحور و كوبرى اكتوبر بلاقى عربيات حديثه واقفه و بيزودو ميه !!! مش فاهم ازاى .

* فيات من اول ما بدأت و فى كل عصورها بتعمل عربيات متفوقه على مثيلاتها من نفس الفئه .

حاول تقارن ال131 و ال132 باى عربيه يابانى من نفس زمنهم . عربيات فيات اثبت كفائه فى طرقنا المصريه ... حتى العربيات الامريكانى القديمه مستحملتش و معاشتش زى عربيات فيات القديمه

كون ان واحد معاة عربيه تعبانه و بيشتكى منها ف ده وارد ان اى عربيه تستهلك خصوصا مع عدم الصيانه و الاستعمال السئ .

**Ghamrawy** · 02-05-2009 01:41 AM

اكلام و رأى مالوش دعوة ببروتون و مش مكانه و لكن انا كمان محشور فى زورى الكلام ده
لفيات عربية محبوبة و ليها محبة و معزة خاصة عند معظم الناس و لكن التعجب و العتاب على فيات هو اصرارها على المحركات ال 8 صباب فى حين ان 99 % من العربيات دلوقتى 16 صباب و بصراحة و عن تجربة بيبقى فيه فرق فى العزم و السرعة و الاستجابة
و النقطة التانية : فيات لازم تسرع فى تعميم ال CVVT او ال VVT مع انها اول صانع عمل ال VVT و عملوا كده فى الموتور ال starjet و ال Multuair اللى حاينزل فى الالفا الميتو
Fiat was the first auto manufacturer to patent a functional automotive variable valve timing system which included variable lift. Developed by Giovanni Torazza in the late 1960s, the system used hydraulic pressure to vary the fulcrum of the cam followers (US Patent 3,641,988). The hydraulic pressure changed according to engine speed and intake pressure. The typical opening variation was 37%. منقول من الوكيبيديا

**amir** · 02-05-2009 02:41 AM

شباب هدو اللعب شويه و بلاش الموضوع يسخن قوي كده و بلاش ننسي الموده و الاحترام اللي بينا في وقت العصبيه
و انا شاكر جدا جدا لمشاركتكم كلها و بستفيد و اكيد غيري بيستفيد من كلامكو و ارائكم
فبلاش نضيع كل ده علشان شويه عربيات
ربنا يديم المعروف

**MohabSaeed** · 02-05-2009 02:47 AM

طيب انا حرد اخر رد عن فيات لانى عارف اعضاء بروتون حيزعلو منى .

موضوع محركات ال8 صمام .... بتختلف على حسب الموديل لان معظم الموديلات بتوفره بمحركات 8 صمام و 16 صمام على حسب الموديل ,

موديلات فيات فى مصرمحركاتها :- 1250 سى سى " محرك البونتو كلاسيك " , ال 1400 محرك الجراند بونتو و البرافو و اللينيا و ال500 .

غير المحركات الى كانت متوفره لل سينا و البترا .... 1400 8 صمام 74 حصان , و 1600 2 كامه 16 صمام 105 حصان .

ال1250 سى سى بينزل ب فئتين : فئه 60 حصان 8 صمام كامه واحده " موتور البونتو كلاسك " وكان بينزل نفس الموتور بس 16 صمام 2 كامه , 82 حصان " موتور البونتو الشكل القديم MKII " و الباليو البرزيلى و فيات برافا موديل 2001 . 2002 , فيات ماريا 2002 .

ال 1400 بينزل ب خمس فئات : 1400 سى سى 1 كامه 77 حصان " موتور الجراند بونتو و اللينيا " , 2 كامه 90 حصان " فيات برافو " , 2 كامه 120 حصان T-JET " متوفر فى الجراند بونتو 2 باب و فيات 500 , و اللينيا تيربو " , 2 كامه 150 حصان T-JET " متوفر فى البرافو " .
و نفس الموتور مع تعديل ابارث متوفر بقدره 180 حصان و طبعا مش موجود فى مصر .
طبعا ده ذكاء انهم يصنعو 5 مواتير الخمسه فى الاصل موتور واحد مع بعض التعديل , لانهم بيقللو تكلفه التصنيع " تكلفه 5 مواتير فى موتور واحد " و ده بيقلل تمن العربيه , غير طبعا توحيد قطع الغيار .
" غير شركه زى هيونداى منزله الجيتس و الانترا و النيو اكسنت و الكوبيه ... كل عربيه بموتور مختلف و كلهم 1600 ؟؟؟؟ .

بالنسبه لمحركات فيات الفكره كلها فى الموديلات المتاحه عندنا فى مصر لكن بره فى فئات كتير من المحركات المتوفره فى موديلات فيات بنزين و ديزل و تيربو .

و حتى الموديلات الموجوده عندنا فى منها الفئات 16 صمام .. جراند بونتو , لينيا برافو , 500 .

السينا ال 1600 2 كامه 16 صمام , 105 حصان " فيها تسارع مالوش مثيل ... من صفر ل 100 كيلو ف 9,9 ثانيه " !

كفايه كده كلام عن فيات علاشان انا نسيت نفسى
Viva PROTON
تحياتى ليكم جميعا .

**tutankhamoun** · 02-05-2009 07:06 AM

المشاركة الأصلية كتبت بواسطة amir

مش ناوي تعترف لنا
ولا لازم

العميل السري .........

المشاركة الأصلية كتبت بواسطة gemino

اكلام و رأى مالوش دعوة ببروتون و مش مكانه و لكن انا كمان محشور فى زورى الكلام ده
لفيات عربية محبوبة و ليها محبة و معزة خاصة عند معظم الناس و لكن التعجب و العتاب على فيات هو اصرارها على المحركات ال 8 صباب فى حين ان 99 % من العربيات دلوقتى 16 صباب و بصراحة و عن تجربة بيبقى فيه فرق فى العزم و السرعة و الاستجابة
و النقطة التانية : فيات لازم تسرع فى تعميم ال CVVT او ال VVT مع انها اول صانع عمل ال VVT و عملوا كده فى الموتور ال starjet و ال Multuair اللى حاينزل فى الالفا الميتو
Fiat was the first auto manufacturer to patent a functional automotive variable valve timing system which included variable lift. Developed by Giovanni Torazza in the late 1960s, the system used hydraulic pressure to vary the fulcrum of the cam followers (US Patent 3,641,988). The hydraulic pressure changed according to engine speed and intake pressure. The typical opening variation was 37%. منقول من الوكيبيديا

فعلا أنا معاك أخي الكريم ...
فيات بتنزل بمواتير 8 صباب فقط و ده له مميزات في توفير البنزين .....و لكن عيبه أن الناس فعلا بتبص لقوة الموتور و خصوصا أن أغلب المنافسين بينزلوا بمواتير 16 صباب و الكل عمال يتباهى بموضوع الحصان الكبير .
و أنا معاك قلبا و قالبا في هذا الرأي .

**Ghamrawy** · 02-05-2009 12:50 PM

vivia proton of course
شكرا يا أ/مهاب على المعلومات الكتيرة و اشكرك يا أ/توت على المشاركة
و مستقبلا اتمنى ان احنا نشوف كل الفيات 16 صمام علشان خاطر المكاسب الحصانية